SERAT WEDHATAMA PUPUH

GAMBUH
OLEH : OEUD BUDI ASRI.S.PD
 PEPANGGIHAN 1
 Serat Wedhatama dianggit dening Kanjeng Gusti
Pangeran Adipati Arya (KGPAA)Mangkunegara
IV,asma cilike Raden Mas Sudira
 Serat Wedhatama saka 3 tembung yaiku
tembung“serat”kang ateges tulisan utawa
kasusastran,”wedha”kang ateges kawruh utawa
piwulang lan “tama”saka tembung utama kang ateges
becik,dhuwur utawa luhur.Dadi Serat Wedhatama tegese
kasusastran kang isine piwulang becik tumrap uripe
manungsa.
 ISI SERAT WEDHATAMA
Serat Wedhatama ngemot limang pupuh tembang
macapat lan ana 100 pada tembang.Limang pupuh
tembang mau yaiku:
1. Pangkur (14 pupuh,pada 1-14 )
2. Sinom (18 pupuh, pada 15 – 32 )
3. Pocung (15 pupuh, pada 33 – 47)
4. Gambuh (35 pupuh,pada 48 – 82)
5. Kinanthi (18 pupuh, pada 83- 100)
 FILOSOFI,WATAK LAN SASMITANING
TEMBANG GAMBUH
 Miturut filosofine, tembang Gambuh iku saka tembung
“jumbuh” tegese cocok,yaiku nggambarake menawa
manungsa wis cocok antarane lanang lan wadon,banjur
nikah. Sawise omah-omah(nikah)kudu padha ngertine,asah
asih asuh marang kabeh kabutuhan,tanggungjawab bab
perkara sajroning kulawarga kang saya abot lan maneka
warna.
 Watak tembang Gambuh yaiku grapyak,semanak.Cocok
kanggo menehi pitutur,piwulang lan kekarepan.
 Sasmitaning tembang Gambuh yaiku tembung-tembung kang
bisa nuduhake jenenge tembang Gambuh.Tembung-tembung
kuwi yaiku : tambuh,mbuh,gambuh,jumbuh
STRUKTUR TEKS SERAT WEDHATAMA
PUPUH GAMBUH

Serat Wedhatama pupuh Gambuh dumadi saka 35 pada.

Kaya dene tembang macapat liyane ,tembang Gambuh ing
Serat Wedhatama kaiket dening paugeran (aturan) kang
wis maton yaiku :guru gatra,guru wilangan lan guru lagu.
 SERAT WEDHATAMA PUPUH GAMBUH

Cakepan tembang Gambuh pada 1 Aturan/paugeran tembang

Gambuh
Samengko ingsun tutur 1. Guru gatra : 5
sembah catur supaya lumuntur 2. Guru wilangan
dhihin raga,cipta,jiwa rasa kaki :7,10,12,8,8
ing kono lamun tinemu 3. Guru lagu : u,u,i,u,o
tandha nugrahaning Manon
 CARA NGGANCARAKE TEMBANG
 Tembang kuwi basane kaya dene puisi,dadi supaya ngerti isi utawa
maknane kudu digancarake luwih dhisik.Tegese gancaran yaiku ngowahi
saka tembang (puisi) dadi prosa utawa basa padinan kang gampang
dimangerteni tegese.
 Carane nggancarake tembang :
1. Yen ana tembung kang durung kokmangerteni,tegesana kanthi
cara nggoleki ana ing Bausastra Jawa (Kamus Bahasa Jawa)
2. Supaya ora dadi ukara gancaran kang wagu,kena mbuwang utawa
nambahi tembung-tembung sawetara,kalebu ater-ater lan panambang.
3. Pada-padane ,endi sing kudu titik,koma,koma titik,titik loro,pada
pangkon,pitakon,pambuka lan panutup kudu miturut aturan paganggone
pada ing ukara-ukara prosa.
 TUGAS 1
GATEKNA TEMBANG GAMBUH SERAT
WEDHATAMA ING KOLOM NGISOR IKI!
TEMBANG A
1.Yen wis kambah kadyeku
sarat sareh saniskareng
laku kalakone saka eneng ening eling
ilanging rasa tumlawung
kono adile Hyang Manon
2. Gagare ngunggar kayun
tan kayungyun mring ayuning kayun
bangsa anggit yen ginigit nora dadi
marma den awas den emut
mring pamurunging lelakon
TEMBANG B
1.Keleme mawa limut
kalamatan jroning alam kanyut
sanyatane iku kanyatan kaki
sejatine tan emut
sayekti tan bisa awor
2. Pamete saka luyut
sarwa sareh saliring panganyut
lamun yitna kayitnan kang mitayani
tarlen mung pribadinipun
kang katon tinonton kono
TEMBANG A
3. Sayekti luwih perlu
ingaranan pepuntoning laku
kalakuan kang tumrap bangsaning batin
sucine lan awas
emut mring alame alam amot
4. Ruktine ngangkah ngukut
ngiket ngrukut triloka kakukut jagad
agung gimulung lan jagad cilik
den kandel kumandel kulup
mring kelaping alam kono,
TEMBANG B
3.Yeku wenganing kalbu
kabukane kang wengku winengku
wewengkone wis kawengku neng sireki
nging sira uga kawengku
mring kang pindha kartika byor
4. Samengko ingsun tutur
gantya sembah ingkang kaping catur
sembah rasa karasa rosing dumadi
dadine wis tanpa tuduh
mung kalawan kasing batos.
 PRENTAH TUGAS 1 :
1. PILIHEN TEMBANG GAMBUH A UTAWA B KANG PENER MITURUT
PAUGERANE TEMBANG ING NDHUWUR KUWI!
2. WENEHANA ALESAN WANGSULANMU MAU !
3. TULISEN WANGSULANMU KANTHI NGGAWE FORMAT KAYA ING
NGISOR IKI,BANJUR KIRIMEN ING WEB DINA IKI UGA!

Wangsulanmu Alesanmu
1…………. ………………….
2…………. ………………….
3…………. ………………….
4…………. ………………….
SUGENG NGGARAP LAN MATUR NUWUN