ِ ‫ال َّسالَ ُم َع َل ْي ُك ْم َو َرحْ َم ُة‬

‫هللا َو َب َر َكا ُت ُه‬

‫ت‬ِ ‫شر ُْو ِر أَ ْنفُسِ َنا َو ِمنْ َس ِّي َئا‬ ُ ْ‫هلل ِمن‬ ِ ‫ُوذ ِبا‬ُ ‫ َو َنع‬،ُ‫إِنَّ ْال َح ْمدَ هَّلِل ِ َنحْ َم ُدهُ َو َنسْ َت ِع ْي ُن ُه َو َنسْ َت ْغ ِف ُره‬
ُ‫َأَ ْش َه ُد أَنْ الَ إِ َل َه إِالَّ هللا‬، ‫ِي َل ُه‬
َ ‫ َمنْ َي ْه ِد ِه هللاُ َفالَ مُضِ َّل َل ُه َو َمنْ يُضْ لِ ْل َفالَ َهاد‬،‫أَعْ َمالِ َنا‬
‫ أَمَّا َبعْ ُد‬،.ُ‫ َوأَ ْش َه ُد أَنَّ م َُح َّم ًدا َع ْب ُدهُ َو َرس ُْولُه‬،ُ‫ْك َله‬ َ ‫َوحْ دَ هُ الَ َش ِري‬
     Keu langkah yang keuphon hana kata nyang paleng indah selaen tapujoe illahirabbi yaitu poe
teuh Allah SWT nyang mana Allah SWT kaleuh geubrie untuk geutanyo- nyoe meuribe-ribe
nikmat, diantara meuribe-ribe nikmat na dua boh nikmat yang paleng rayeuk yaitu nikmat iman
ngon nikmat islam. Pan yang mana oleh Allah SWT lom yang ka geubri untuk geutanyoe nikmat
kesehatan dan kesempatan sehingga geutanyoe jeut ta berkumpol bak tempat nyoe.

     Dan salawet bertangke kan saleum mari keuh geutanyoe sampaikan kepada seorang
proklamator dunia, yang bertiter “Habiballah” dan berpangkat “Rasulullah” soe keuh gobnyan.
Gobnyan adalah baginda Rasulullah SAW, yang mana oleh baginda Rasul kaleuh geutarek
umatnya dari alam jahiliyah sampe alam islamiyyah dan dari tasembah patong berhala “Latta”
dan “Uzza” hingga alam menyembah Allah SWT seperti yang geutanyoe rasa saat nyoe.

     Dan salawet bermahkota-kotakan saleum mari teuh geutanyoe sampaikan kepda “Al dan
sahabat” gobnyan yang kaleuh geuperela aneuk jeut keu yatim,inong, jeut ke tanda demi ke
teugak kalimat “Lailahaillallah Muhammadarasulullah”.

     Bak uroe nyoe ulon dong di tengoh-tengoh ureung droe yang lon hormati untuk
Menuntut ilmu “MENUNTUT ILMU”

Nibak uronyo ue lon ingin sampaikan kepada kaum muslimin dan muslimat yang

Saudara lon yang lon cintai dan lon sayangi

Beutasadari oleh geutanyo banbandum bahwa, pomilek dari pada gaseh nyan nakeuh Allah ta’ala. Allah
neubri rasa gaseh meugaseh bak manusia, bahkan bak hewan sekalipun. Saling sayang dua dro ureung
cik, ureung cik sayang keu aneuk, guru sayang keu murid, murid sayang keu guru dan begitu-begitu
lainnya.

Maka dari pada nyan, meuseubab gaseh meu asai dari Allah, hendaklah ta meubut gaseh-meugaseh
nyan ateuh peu-peu yang geuridha oleh Allah. Gaseh yang buken karena Allah, maka ta tinggaikan.
Sering ta kaleun dalam siuro-uro, loen boh saboh tamsilan: Dikutika sidro-dro aneuk dilake sipeu-peu
bak ureung cik, karena sayang, dum peu geupeuturot.

Tanpa geukaji dile, pukeuh Allah ridha atawa hana ateuh but nyan. Dikutika aneuk handitem
sembahyang, karena sayang, han geupaksa, han geupoh, tapi geubiarkan. Nyan keuh yang lage nyan
yang loen maksud buno bak judul: Cinta Gagal Paham.Meusalah that ureung cik yang lage nyan cara
geusayang. Meuno, meuseu ta teukeudi, dalam saboh reumoh yang sedang tutong, di dalam nyan na
sidro aneuk yang teungeut, pasti ureung cik akan geuilah daya, geupeugo dan geubahu aneuk nyan nyak
bek tutoeng, nye meunan? Meunyo ta bandeng apui totong rumoh dengan apui Nuraka, so leubeh kha,
rakan? Neujaweub! “Teunte lebeh kha apui Nuraka.” Nah, meuseubab meunyo hana ta ibadah keu Allah
maka akan geu teut lam apui nuraka, semestinya ureung cik buno geupaksa aneuk gopnyan nyak ditem
sembahyang, geu ilah daya, beuleubeh brat nibak geutakot tutong ngeun apui donya.

Meunan cit, nibak pendidikan. Miseu ureung cik sayang keu aneuk, semestinya hal yang paling
geuutamakan adalah pendidikan agama. Peuturi Tuhan. Nyan yang paling utama. Sebab nyan yang
neuyu le Allah;

“Uthlubul ‘Ilmu faridhatan fi kulli muslimin wa muslimat” (Tuntut ilme wajib bagi tiep ureung islam inong
dan agam).Ilme peu yang wajeb nyan, syedara? Tente ilme agama. Bukan ilme muenari, bukan ilme
meu’en bola, ilme peh tem, ilme bahasa nyo bahasa jeh, les nyo les jeh, yang peulazat tanyo dengan
donya. Meuseu na ureung cik yang peuturot donya keu aneuk, tanpa peduli akhirat, nyan biet-biet rugo.
Cinta Gagal Paham ju takheun. Sebab sayang bukon dibina ateuh sayang Allah.

Kaum muslimin banbandum yang mubahgia. Allah sayang geutanyo. Kebajikan yang tanyo pubut bukeun
keulaba Allah. Dan Allah han rugo disaat tanyo han tatem ibadah. Hakikat banbandum nyan adalah keu
geutanyo. Peu yang ta upaya, nyan yang neu balah. Maka hendaklah ta gaseh meugaseh ateuh dasar
keridhaan Allah, semoga beu neubalah dengan surga. Amin ya Rabbal Alamin

Loen rasa ‘ouh no keuh manteung yang jeut loen sampaikan. Kureung dan leubeh loen lake meu’ah.
Neumaklum! loen umu manteng ubeut, manteng le harus berbenah. Meunyo na haba loen yang meu
faidah, neucok bacut sapo. Yang hana meufaidah, neu keubah, bek teupuwo. Akhiru kalam, billahi taufiq
wal hidayah.

Assalamu’alaikum warahmatullahi wabarakaatuh