Putru Caru
Putru Caru
Oý Awighnamàstu Namàsidheý,
Ling Bhaþara duh tanayan mami Hyang Kāla, hana pasungi bapanta riko,
yan hana wwang tan bhakti ring kawitanya, mwang tan bhakti ring dewa,
yatika wang tadhahanta. Mwah yan hana wang tan manut ring ling ning aji,
waneh wang tanpagama, anganggo salah ukur amuji kawanganya dawak,
yeka wang wênang tadhahanta.
Wanéh yan hana wang salah ukur, salah krama, alpaka ring rama réna, ring
sang prabhu, ring guru kunang, maka dirining sang pandhita, yeka wang
tadhahanta. Kunang yan hana Pañca yadnya tan manut ring ling ning aji,
wënang ika tadhahanta. Waneh yan hana graha salah ukur tekeng natar
palëmahannya tan pasukat, ndan lawanganya tan pasukat, hanganggo taru
rebah tan pantara, mwang taru tan mrangkung sarah, salwiring sinangguh
cacad ari nging aji, yeka wang tadhahanta, sang wang kreti mangkana.
Mangke wënang kita waranugraha kang wang kabéh, tingkahing manut
pakarangan, wehana galar galir ri wates palëmahan, asing wang langgyan ri
warah, wënang kita nadah wang mangkana, ling Bhaþara Guru mangkana.
Wawang mojar Bhaþari Umà, lahya kamung Hyang Kàla, mene bapanta
aweh tadhahan riko, ri sedengning kreta treta nedha ninunta, ri dwapara
lawan kali aweh tadhahan ri kamu, saka phala ta kawarana tadhahan denta
jemah, mangkana ling Bhaþari Umà.
Suka girang buddhi Sang Hyang Kàla, amanggih phala bhoga tambeyan.
Tucapa Bhaþara Guru manih, menget ri wekasan, tan kayeng dangu dangu
kamet ri ya nira, an mangke katekan krodha, angapa asamanapa Bhaþari
Umà, matëmahan Pañca Durga, melik pwa sira ri gatra nira, kaya kaya tan
mangawasakenang bhuwana, lawan sarira, mene sinanggapa nira Bhaþara
Guru, matëmahan Kàla Ludra Mayà rupa, lumaku ta sira maka ring maka
ring desantara, mamet unggwanira Úrì Parwati Pañca Rupa, ri madyaning
Pañcaka, Pañca Desa tunggwa nira Úrì Durgapurwa, Rajidurga Utara,
Sukasmidurga Pascima, Daridurga Dakûina, Dewi Durga ana ring madya,
malocitta pwa sira, pada hyuni kalima, arep anggawe tetumpur agung
rumacanang wisyamandhi, jeg dhateng Bhaþara Kàla Rudra manembah ta
Úrì Pañcadurga prasamasangga ta nira, irika Úrì Bhaþari Durga ngadakaken
kalika kaliku, yaksa yaksi, dengen spah, kubandha, Bhaþari Rajidurga
ngadakaken babahi, jukih, jin setan, bragala bragali, Bhaþari Sukasmidurga
ngadakaken sampung, pamala pamali, karaseta, Bhaþari dewi Durgadari
ngadakaken preta, sajer, Bhùta kapiragan, Bhaþari Madya Dewi Durga
ngadakaken Pañca Bhùta, Bhùta Janggitan, Bhùta Langkir, Bhùta Lembu
Kanya, Bhùta Taruna, Bhùta Tiga Sakti.
Somya ta ambek Bhaþara Guru mula tilalakon Sang Hyang Ìúwara, kinon
pwekang Bhùta kabéh mamukti caru , merang pwa sira Bhaþara Bhaþari,
sampun tinagga Pañca siya Úrì Bhaþari pati, i rika wadwa cara nira kabéh,
salwiring Bhùta Kàla dengen, mawaraguwaregan padha somya rupa, tan
wanya mambek irupya, dinulur kasaktining japa mantra nira sang Rsi
Siddhayoga, sinagara tang sarwa Bhùta, kinon mantuk ring sunyata, waluya
Úiwa Jati rupa, mintur Sang Hyang Kàla Rudra mwang dewi nira, keranging
wadocara nira sadaya.
Mwah ana pamanggahan kidul wetaning nagara Galuh, sema kaliasem
ngaranya, patamputing pamasaran sawaning wang mati saloring gunung,
lawan wetaning gunung, ngirika ta unggwan Bhaþari Durga lawan Sang
Hyang Kàla Rudra kawapita de Sang Hyang Tri Semaya ri Úrì Bhaþari Pati,
mwah sira mangutus ngarpanaken tadhah saji nira kayeng lagi, mwah rah
daging sarwa mangsa, saha panggung ning ngawayang, mwang angringgit
Sang Hyang Ìúwara, tumuturaken lampah Bhaþara nguni, tan duwa somya
wit ta Bhaþara Kàla Rudra, malwi Úiwa rupa, mintur swa sira umegil ring
wadwa dusun dusun, tinuduh de Bhaþara Tri Semaya, magawe pwa sira
methen, Bhaþara Ìúwara dadi Swari, Bhaþara Brahma dadi Peret, Bhaþara
Wiûóu dadi Tekes, tumandang angigelsira, angidung mbandagina, lagia
tumuturaken lampah Bhaþara Kàla Rudra, ndah suksma sira mantukeng
Úiwa Loka,walwi Bhaþara Guru sira.
Ndah paramagarjit angen angen Sang Hyang Tri Semaya, maka phalang
jerembana kriya nira, sira nimitaning hana wayang mwang menmen nguni
katekeng mangke
Kunang Bhaþari Pañca Durga, kari haneng Sema Kaliasem, sarwa daksa
sira, keringin Bhùta Kàla kabéh, padha nara mangsa nitya Kàla sukan sukan,
hametwaken Mahà Berawa, ndah henengaken ikang kata sekareng.
Gumanti Sang Hyang Widhi marupa Suku Tunggul, amara walampah Sang
Hyang Kàla, tan duwa krodha Sang Hyang Kàla, angalangi laku nira, ping
pat ping lima katekan ping satus, sinikepi nenga Mayà nira Sang Hyang
Tunggul, sadra umelek kukusi de sira Sang Hyang Kàla, umangan ikang
sato suku Tunggul, mwah sinambut nira tekeng wang stri wredhah, ping
sapta inele nira, umer juga sira ri arep Sang Hyang Kàla.
Kemengan manah Sang Hyang Kàla, manangis makidupu manembah ring
jöng wang stri wreddah, aminta sanmata kaluputan lampahira, irika
tumingal tekang wang kabéh, numudeg ala ayu manonton gati nira Sang
Hyang Kàla, kadi wang siwosiwopa katonia, padha sahur manuk ikang
wang kabéh, sinengguh iccha Sang Hyang Widdhi, padha nembah
makidupu haminta jiwita, jeg datëng Bhaþara Guru mwang Bhaþari Umà,
ngaku waning wija nira Sang Hyang Kàla, ngampuni kang luputaning
tanaya nira, ri jongira Sang Hyang Tunggul, ndan kapwa inuduhira para
wang kabéh. Laki biha sulung sulung sumuyug datëng manembah, ri suku
nira Bhaþara tiga, ndan ling nira Bhaþara Widdhi kabéh.
Lahyang kita wang kabéh, aywa kita nedha tan menget ri kami, kami
mulaning sariranta, kami Sang Hyang Guru Reka, angreka sesining rat
kabéh, kami sinangguh Bhaþara Widdhi, dewa hyang kawitanta kabéh, kami
manunggal ri Sang Hyang Úiwa Umà Kàla, kami masarira Sang Hyang
Brahma Wiûóu Ìúwara, menget kita kabéh.
Mangke wang kita samuha, magawe kita sanggar kawitan tiga srana,
saduluk saduluk pawetuwanta kabéh, apan mabeda beda swakawitaning
wang, pada mijiling Pañca Úiwa, yang paramartha tekeng kami, kami utepeti
stithi linaning wang, aywa kita korupamoh, ri tataning Pañca paramartha,
maka nguni kita manembah saswiring mapindha sarwa sato, kami
waranugraha, apan kami wang marupa sato, hengetakena aywa lupa.
Maka hetu bhaktinta ring kawitan, mwah yang kita tatan stithi bhakti ring
kawitanta, Sang Hyang Kàla pinaka tadhaneng kita, ring tataning Pañca
yadnya, ana weh prabedaning jagat, hirika kiwa sitwa, wang magawe ala
ayuning jagat, mangke kinon kung lahya kena subha asubha phalaning
Pañca yadnya kabéh, dewa Kàla anggon wani tyasa, kunang tekaning
yuganing bhumi, Kaliyuga sariranta yan mangkana, wang kita magawe
sanggar ring rat, sumurup ri manahing wang, kita pinaka lingganing catur
yuga.
Tumangga manah nira Sang Hyang Kàla, saha nembah amwit lumariseng
yamaloka, angayap ri Sang Hyang Dharmaraja, padha prati patitambek,
samabuhayah, suksma Bhaþara Guru, mwang Bhaþari Umà, nuladeng
Mahàmeru sira.
Puput
(disalin kembali oleh: Miswanto, M.Pd.H)