ِ ‫ْــــــــــــــــــم هللاِ الرَّحْ َم ِن الر‬

‫َّحي ِْم‬ ِ ‫بِس‬

‫صحْ بِ ِه أَجْ َم ِع ْينَ أَ َّما بَ ْع ُد‬

َ ‫ف ْاألَ ْنبِيَا ِء َو ْال ُمرْ َسلِ ْينَ َو َعلَى اَلِ ِه َو‬
ِ ‫صالَةُ َوال َّسالَ ُم َعلَى أَ ْش َر‬
َّ ‫ْل َح ْم ُد ِهللِ َربِّ ْال َعالَ ِم ْينَ َوال‬

Yth : (Datuk Syahroni)

Yang mana beliau ini merupakan ketua lembaga adat kel. Jelutung dan
Selaku juru bicara / penengah kita pada hari ini ialah Datuk salwin
Yang mana beliau merupakan sekretaris LAM kelurahan Jelutung yang mano BELIAU-
BELIAU Iko dalam adat dikatokan:
Pucuk gunung himpunan asap, pucuk karang tumpuan ombak, pucuk jala himpunan tali,
pucuk bumbungan tumpuan kasau nan bajalan dulu lebih selangkah nan bekato dulu lebih
sepatah, makan menghabis, minum mengering, cincang memutuskan.
Ruponyo nan kita lihat. suaro nan kito dengar pergi tempat batanyo, balik tempat babarito
Alhamdulillah beliau telah hadir ditengah kito

Yth : Tuan Tuan Guru, Alim Ulama

yang mano beliau dalam adat dikatokan:
cupak teladan Gantang, suri teladan kain, sebagai petunjuk di dalam kesesatan, penyuluh di
dalam kegelapan, kompas penunjuk arah, yang mengetahui syah dan batal, halal dan haram

Yth : Para ketua RT di Kel. Jelutung

Beliau adalah pemangku adat masyarakat, tukang larik tukang jajuk anak negeri.
Beliau-beliau Iko dalam adat dikatokan: Bak Kayu Gadang di tengah negeri, batangnyo
besar tempat bersandar, daunnya kuat tempat bergantung daunnya rimbun tempat berteduh,
akarnya lebar tempat baselo.
kok keruh tempat kita berjernihan, Kok kusut tempat kito beselesaian, kok jauh di
pagarnya kito dengan Kato, dekat di pagarnya kito dengan hati. Ruponyo nan kita lihat
suara nan kita dengar pergi tempat bertanya balik tempat babarito

Yth : Nenek mamak tuo tengganai, cerdik pandai, alim-ulama, nan tinggi nampak jauh, nan dekat
Jolong basua, nan manapik mato pedang, nan menentang matohari, nan berjalan lebih
selangkah, nan bekato lebih sepatah, makan mengabis, minum mengering, cincang
memutuskan

Ibu-ibu bedarau gelang di tangan, nan besintuk Cincin di Jari, nan bekain ujung serong
berjilbab warna warni, berdetak seluk betimbal.
Serto segalo kito nan Ado di rumah nan sebuah Iko, rumah nan berpagar adat, laman nan
basapu undang, tapian nan bapagar buso, diatas batutup bumbungan perak, nan di bawah
beralas sendi gunding nan kecil tidak kami sebut namonyo nan gedang idak kami imbau
gelarnyo.
Kami susun jari nan sepuluh, kami tundukkan kapalo nan satu, mohon ampun kito kepada
Allah mohon maaf kito kepado segalo nan ado.
Terlebih dahulu kami atas rombongan nan tibo, mohon maaf bilomano kedatangan kami
mengganggu ketenangan nenek mamak nan ado diruma iko.
Maklumlah nenek mamak kami ko banyak, kok ado nan lancang kaki lah salah langkahm,
kok ado lancang tangan lah salah limbai, ado nan lancang mato lah salah pula pakai, ado nan
lancang lidah lah salah pulo kato. Sekali lagi kami atas rombongan nan tibo mohon maaf
yang sebesar-besarnyo.
Adolah duduk besimpuh saya disiko sebagai ulasun jari sambungan lidah, jadi kudo pelajang
bukit, jadi biduk sampan pelayangm jadi parang perun cah semak, jadi gerobak pengangkut
cabe, jadi saligi buang-buangan
Siapa menyuruh pergi mengimbau datang ialah oleh ayam nan baiduk serai nan barumpun
diatehnya iolah orang tuo kito (Bapak Sunaryo dan Ibu susilawati)
Elok jugo kito perkenalkan kepado nenek mamak mungkin lamo lah lupo pulo, lah banyak
serame iko lah ragu pulo.

(Ikolah bapak Sunaryo nan duduk disebelah kanan belakang sayo, orangnyo gagah,
badannyo tegap dan perkaso, hidungnyo mancung, bak aktor film india kalau kito tengok
mirip-miriplah dengan salman khan) Rupo lah kito tengok, suaronyo belum kito dengar,
mari kito dengan salam takzimnyo.

(disebelah kiri belakang sayo ibu kito susilawati orangnya cantik dan ayu, senyumannya
menawan bak lebah tergantung kalau kita tengok tengok mirip dengan penyanyi dangdut
kito ialah evitamala. Mari kita dengar salam ta'dzim nyo
(mohon maaf Nenek Mama suara Ibu kito kok agak kecil mungkin Dek Karno Suasana
panas dan ramai yang pada intinya Bapak kito Sunaryo dan ibu kita Susilowati tetap sehat
dan tetap semangat)

Pihak nan Datang

Benar jugo kato datuk-datuk, kalau di antara kito berduo belah pihak bawak berunding
payah kito nak menentukannyo, kapan selesainyo kalau ndak diserahkan kepada nan Arif
bijaksana, nan duduk sebagai penengahnyo, kami sangat setuju sekali bak mano kato pantun:
IKAN SEMUR IKAN MENTUTU
ANAK SENGIRING DI BAWAH BATANG
KALAU DATUK BERCAKAP DULU
KAMI NGIRING DARI BELAKANG

Pihak nan nunggu (Perempuan)

Yang kami muliokan Datuk pemangku adat, nan bababat bak barau, nan babelang bak catur,
pucuk ibarat jalo, Siring ibarat pukat, nan tinggi serto pucuknya, Nan gedang beserta batang,
kami susun jari nan sepuluh, kami tundukkan kepala nan sekok, dan diiringi sembah nan
sebuah. Adolah ulur antar, serah terima adat nan tatuju kerumah nan sebuah iko, dikami
kenyoknyo, sangelek segan kerso sangelek segan jatuh, tapi kareno kami ko hanyolah ibarat
kudo pelajang bukit, ibarat biduk sampan pelayungan bagai saligi buang-buangan, jadi gajah
pengengkut cabe, dipanggil kami datang, disuruh kami pergi, maka dalam hal iko, kami
serahkan kepada sesepuh adat sembah kami naikkan, titah turun kami harapkan….. silahkan
datuk.

SERAH TERIMO ULUR ANTAR ADAT PERKAWIAN

Bismi-llāhi ar-raḥmāni ar-raḥīmi

Assalamualaikum Wr. Wb
Datuk-datuk tuo tengganai, alim-ulama, cerdik pandai, nan tinggi nampak jauh, nan dekat
Jolong basuoh, nan manapik mato pedang, nan menentang matohari, nan bekato lebih
sepatah, nan berjalan dulu selangkah, selingku bendul ditepi, selarik bendul di tengah, nan
berpentas berperan tinggi. Sekaji gedang dalam adat , sekaji tinggi dalam pusako nan duduk
ditanggo jalan naek, nan tegak dilaman nan baburuh