Syi’ir Tanpo Waton dalam Bahasa Sunda.

Astaghfirulloh robbal baroyaa

Astaghfirulloh minal khothoya
Robbi zidni ‘ilmannafii’aa
Wawaffiqni ‘amalaan sholiha
Ya roshulalloh salam mun’alaik
Ya rofi’asyaaniwaddaarojii
‘Athfatayyajii rotal’alaami
Ya Uuhailaljudiwalkaromi 2X

Ngawitan abdi maos syi’iran

Kalawan muji gusti Pangeran
Dzat nu maparin Rahmat jeung nikmat
siang jeung weungi heunteu itungan
2x
Duh parakanca isteri pameget
ulah mung ngaji syare’at wungkul
Ngan pinter dongeng, nulis jeung
maca
akhirna ukur meunang sangsara 2x
Loba nu apal Qur’an jeung Hadits
resep ngafirkeun jalma lianna
Kafir sorangan teu dipalire
mun masih kotor hate akalna 2x
Gampang ka goda nafsu dudunia
dina papaes silona dunya
Sirik jeung pidik beungharna tatangga
matak hatena poek jeung nista 2x
Yu dulur-dulur tong mopohokeun
wajibna ngaji jeung aturanana
Pikeun ngandelan iman tauhidna
hadean bekel mulya maotna 2x
Jalma nu sholeh hade hatena
lantaran jero kaelmuana
Laku tarekat jeung ma’rifatna
oge hakekat manjing rasana 2x
Al-Qur’an Qodim wahyu nu mulya
heunteu di tulis bisa di baca
Eta piwuruk guru waskita
Nu ditanceubkeun di jero dada 2x
Gumantel hate reujeung pikiran
ngarasuk kana sakabeh badan
Mu’jizat Rosul jadi pedoman
 minangka jalan manjingna iman 2x
Kalawan Alloh nu Maha Suci
kudu masrahkeun siang jeung wengi
Ditirakatan diriyadhohan
dzikir jeung suluk tong dipohokeun 2x
Hirupna tengtrem ngarasa aman
eta teh tanda jalma nu Iman
Sabar narima najan pas-pasan
kabeh ge takdir kersaning pangeran
2x
Ka rerencangan dulur tatangga
kudu rarukun ulah parasea
Eta sunnahna Rosul nu mulya
Nabi Muhammad panutan urang 2x
Yu ngalakonan kabehanana
Alloh nu bakal ngangkat darajatna
Mung timang mangsa dina ahirna
henteu kasasar roh jeung sukmana 2x
Kanyaah Alloh surga tempatna
weuteuh mayitna oge kafana
mukjizat rasul jadi pedoman
minang kajalan manjingna iman 2x

Ya roshulalloh salam mun’alaik

Ya rofi’asyaaniwaddaarojii
‘Athfatayyajii rotal’alaami
Ya Uuhailaljudiwalkaromi 2X