Legenda Aji Saka, Cerita Rakyat Jawa Tengah

Dening : Faida Inayati

Miturut crita rakyat ing tlatah Jawa Tengah, Aji Saka minangka pemuda sing bagus lan seneng mbela
para bebrayan saka kemungkaran saka Raden Dewata Cengkat lan keprigalane Raden Dewata Cengkar.
Biyen nalika ana ing Jawa Tengah ana kerajaan sing aran Medang Kemulan. Kraton Medang Kemulan
dipimpin dening raja sing jenenge Dewata Cengkar. Raja Dewata Cengkar misuwur minangka Raja Kang
kejem marang kawula. Dheweke uga seneng mangan daging manungsa. Saben dinane Raja Dewata
Cengkar mrentahake patih jenenge Jugul Muda supaya golek manungsa. Akeh manungsa kang wedi
marang Prabu Dewata Cengkar. Rakyat ing kono langsung mlayu ndhelik yen ketemu Patih Jugul Muda
merga saking wedine yen arep diwenehke Raja Dewata Cengkar.

Nalika semana, ana pemuda sing jenenge Aji Saka manggon ing sawijining desa sing aran Medang Kawit.
Saben dinane dheweke dikancani lan dijaga dening patihe kang setia, yaiku Dora & Sembada. Pawarta
babagan tumindak e Raja Dewata Cengkar wis dirungu dening Aji Saka. Dheweke banjur kepengen
budhal menyang Medang Kemulan kanggo nulungi rakyat ing desa kono.
Aji Saka budhal menyang Kraton Medang Kemulan, diiringi loro pengawale, yaiku Dora & Sembada.
Nalika tekan ing Pagunungan Kendeng, Aji Saka mrentahake salah sawijining pengawale,
Sembada,supaya tetep ana ing kono lan njaga keris pusakane Aji Saka.

"Sembada, sampeyan tetep nek kene wae lan jaganen keris pusakaku. Aja ko wenehke keris iki marang
sapa wae. Mengko aku bakal njupuk dewe keris iki. Aku lan Dora budhal nerusake perjalanan menyang
Medang Kemulan. " Ngendika ne Aji Saka karo Sembada.

"Inggih Paduka, Keris punika kula jaga kanthi nyawa kula . " wangsulane Sembada.

Aji Saka Bisa Ngalahake Raja Dewata Cengkar

Nalika nerusake perjalanane karo Dora, ora sengaja Aji Saka ketemu karo Patih Jugul Muda. Dora lan Aji
Saka weruh Patih Jugul Muda katon bingung. Patih jugul Muda bingung amarga dheweke durung kasil
entuk manungsa kang bisa diserahake menyang Prabu Dewata Cengkar. Sawise nguneman sawetara
wektu, Aji Saka banjur nawake awake supaya diserahke menyang Raja Dewata Cengkar. Krungu panjaluk
kasebut, Jugul Muda bombong atine. Dheweke langsung bali menyang kraton Medang Kemulan.

Tekan istana, dheweke langsung ngadhep Dewata Cengkar. Aji Saka nduweni kekarepan supaya
dikabulna marang Raja Dewata Cengkar . Dheweke njaluk supaya Raja Dewa Cengkar menehi lemah kan
ambane kaya serbane. Raja Dewata Cengkar langsung sarujuk.

"Apa sing kokarepake sadurunge dak mangsa? pitakonan Dewata Cengkar, ngguyu kanthi sora.

"Kaluhuran sampeyan, aku mung njaluk tanah sing amba kaya sorban iki." wangsulane Aji Saka.

Dewata Cengkar langsung setuju. Sanalika Aji Saka nyekel serban , banjur surbane ngembang lan bisa
nutupi kabeh Medang Kemulan. Dewata Cengkar duka banget amarga krasa wis ditantang.

"Cilaka kowe! Pranyata pengin nantang aku jebule hahaha. " Raja Dewa Cengkar langsung nyerang.
Nanging serban sing wis dadi kuwi malah bisa nutupi awake Dewata Cengkar nganthi ilang ing pesisir
kidul banjur Dewata Cengkar seda. Pawarta ngengingi sedane Raja Dewata Cengkar cepet banget
sumebar . Kabeh masarakat Medang Kemulan bombong atine. Masyarakat Medang Kemulan banjur
sarujuk menawa Aji Saka dadi Raja ing desa kono. Pungkasane ,Aji Saka bisa mimpin Kraton Medang
Kemulan kanthi wicaksan
Dora lan Sembada rebutan keris

Sawise dadi raja, Aji Saka banjur kelingan keris sing dititipke dening Sembada ing Pagunungan Kendeng.
Banjur dheweke ngutus punggawane Dora supaya njupuk keris pusaka sing digawa sembada . Dora
langsung menyang Gunung Kendeng kanggo njupuk keris pusaka raja. Tekan ing Pegunungan Kendeng,
Dora nemoni Sembada. Kalorone pada bombong athine merga wis sue raketemu. Banjur, Dora
nyritakake yen Aji Saka wis dadi raja ing Medang Kemulan. Sembada melu bombong atine. Dora banjur
ngendika manawa ancase nemoni Semnbada yaiku njupuk keris pusaka saka bendarane. Nanging
Sembada nolak amarga Aji Saka menehi dhawuh menawa keris kuwi ora oleh diwenehake sapa- sapa
kajaba Aji Saka kang njupuk. Banjur, wong loro iku rebutan keris pusaka kanthi ngetokake kabeh
kadegdayane. Pungkasane wong loro mau mati amarga padha rebutan keris kagungane Aji Saka. Ing
Medang Kemulan, Raja Aji Saka was –was ngenteni tekane Dora. Dheweke eling dhawuh marang
Sembada supaya ora nyerahke pusaka keris marang sapa wae kajaba awake dhewe. Aji Saka enggal-
enggal nuli menyang Gunung Kendeng. Nanging ora dinyana-nyana, nalika tekan kana, dheweke
nemoni Dora lan Sembada kaku ngglebak ana ing lemah. Aji Saka ngrumangsani dheweke salah, kanggo
ngurmati kasetyanane wong loro kuwi mau, dheweke banjur ngripta aksara Jawa sing isine kasetyane
Dora lan Sembada