Isuk-isuk ing desa ayem tentrem,enom tua,lanang wadon podo ruwet karo
urusane dhewe,ora kari Sarip sing biasane menyang sawah uga ageh ageh tangi
sawise srengenge katon cumlorot saka kamare.Sarip sajake gupuh,jenggelak
mudhun saka dipan langsung menyang jedhing.Adus wae ora kanthi,mung wudhu
banjur sembahyang langsung nyandak kaos sing biasane digae menyang sawah.
Sarip mujudake pawongan sing ora duwe.Gaweyono mung ngopeni sawah
tinggalane Mboke.Ora mokal yen Sarip panggone ngopeni sawah mau sregep
banget amarga penghasilane saka sawah kuwi.Satekane sawah Sarip ngrasa
bungah,sawah sing ditanduri pari iku mau katon apik,ateges ora ono warenge,ijo
royo-royo.Sarip ngopeni sawahe karo ngguyu-ngguyu amerga nyawang tandurane
katon apik.Ora sadar nganti ono adzan Dzuhur,ora suwe Sarip langsung ageh-ageh
mulih.
Saben ning omah Sarip kelingan karo parine,dheweke nganti menehi aran
parine iku mau kanthi sebutan “IJO”.bubar magrib Sarip leyeh-leyeh ing amben
nglangung tandurane “Jo Ijo seneng banget ati iki,senadyan durung bisa ngunduh
nanging kaya kaya weneh pratanda marang aku yen kowe sing bisa tak unduh.”
Pangudorasane Sarip sing ora krasa nganti keturon ing amben ngarep omah.
Sarip sing seneng merga tandurane apik kuwi mau banjur siap-siap arepe
budhal ning sawah.Dumadakan ana Joko mlaku neng ngarep omahe banjur
mampir.
“Rip Rip wes suwe awake dhewe ora dolan,ayo saiki dolan” pangajake
“walah Jok,aku arep ana gaweyan,saiki wancine ngobati pariku” wangsulan
ku
“Walah awake dewe lho wis ora nate dolan bareng,wis ayo ta,ora ketang
mung ngopi neng warunge Mbok Yem karo cangkruk,ngomong ngalor-
ngidul kayak biasane” tambahe Joko karo mekso.
“Yo wes ayo” jawabe Sarif
Sarif sing nampa ajakane Joko iku mau banjur budhal bareng menyang
warunge Mbok Yem.Ora suwe anggone ngopi,udan pating gemrojok campur
angin kedadeyan ing desa.Nalika wing terang,kekarone banjur mulih ning omahe
Sarip.Ora nyono tekan omahe Sarip udan mane melah luwih deres udan sing saiki
ketimbang sing mau.
Sarip minangka tuan rumah weneh pitakonan marang Joko.
“Jok Jok,kowe nginep kene wae lho”
“Piye ya Rip,aku sungkane” wangsulane Joko karo mesem
“Gayamu loh,la nyapo lo kowe sungkan barang,aku lakya kancamu ta,wis
dalu,turu kene wae” Panjaluku marang Joko
“Hahaha,iyo iyo aku turu kene” wangsulane Joko