Nama: I Ketut Yoga Pramuditya

Apa Pendapatmu

Bagaimana platform BASAbali Wiki dapat mendorong anda untuk berpartisipasi dalam isu-
isu sipil?

100 hingga 500 kata dlm bhs. bali

Lomba OPINI

WIMBAKARA RING BASAbali WIKI KAANGGE MLIGBAGANG

INDIK ISU-ISU SIPIL

Basa Bali pinaka basa ibu ring Bali. Kawentenan BASAbali Wiki puniki mabuat pisan
kaangge nyokong kaajegan basa Bali. BASAbali Wiki taler prasida nuldulin kayun para
yowana nglestariang basa Bali mangda nenten punah tur prasida lestari kantos kapungkur
wekas antuk makudang-kudang wimbakara sane sampun kalaksanayang olih BASAbali Wiki.
Wimbakara-wimbakara sane kalaksanayang ring platform BASAbali Wiki punika prasida
kaangge nyobyahang kreativitas para yowana antuk makudang-kudang ide miwah gegiras
sane prasida nyokong kawentenan basa Bali.

Platform BASAbali Wiki yening selehin titiang pemarginnyane sampun prasida ngicen
dampak positif ring kawentenan basa Bali, nenten ring sajebang Bali kemanten. Napi malih
isu-isu sane kaangge unteng ring makudang-kudang wimbakara ring platform BASAbali
Wiki punika isu-isu sane mabuat pisan kabligbagang tur mangda polih panampen publik.

Silih tunggil isu sipil minakadi isu kawarganegaraan menawi nenten sami para yowana urati
kapining isu-isu sekadi punika, santukan para yowana lebih seneng main game online. Antuk
punika pastika sampun mangda wenten penyesuaian BASAbali Wiki ngusung isu sipil sane
maduwe daya tarik generasi milenial, minakadi kadulurin antuk piranti teknologi miwah
media sosial.

BASAbali Wiki patut nincapang malih patfrom BASAbali Wiki sane sampun becik puniki
antuk nincapang tampilan antarmuka platfrom BASAbali Wiki mangda menarik. Siosan
kapining punika, fitur-fitur sane wenten mangda prasida ngicen kenyamanan tur kemudahan
majeng ring sang sane ngangge, mudah diakses olih para krama, napi malih olih penyandang
disabilitas.

Yening sampun midep tur nyaman ngangge platfrom BASAbali Wiki puniki pastika sampun
akeh tur prasida katincapang krama sane macecingak ring platform BASAbali Wiki. Yening
sampun akeh ngangge tur macecingak ring platform BASAbali Wiki, napi sane kasobyahang
olih BASAbali Wiki ngeninin indik isu-isu sipil pastika sampun kauningin olih krama sane
ngangge platfom niki. Ring platform punika taler prasida optimal kaangge genah
mabligbagan indik isu-isu sipil sane patut polih panampen publik. Nyobyahang isu-isu sipil
ring platform BASAbali Wiki patut kreatif minakadi ngangge video, fotografi, film, poster,
minah sane lianan. Punika pastika pacang mabuat pisan tur mawiguna angge nincapang
kawentenan platfrom utawi website BASAbali Wiki.