Dewa Dharma sanѐ Masimbol Kuluk

Olih: Ni Luh Niki Anggari Manesya

Kuluk sanѐ sѐsai nyaga umah-umah krama Bali nѐ, maduwѐ filosofi. Kuluk inggih punika
silih sinunggil baburon sane wenten ring gumi nѐ. Kuluk sanѐ sasai ka tingalin ring rurungѐ
ngelah gigi ane renggah lan demen pisan ngongkong. Nanging yening kuluk sanѐ ka tingalin ring
umah-umah anѐ elit (umah anѐ gѐlahangѐ tѐkѐn anak sugih) pastika ngelah mua anѐ lucu, lan
bulu nѐ gembrong, mata nѐ buntѐr mawarna biru sakadi kuluk blasteran . Kuluk mawinan
wenten sanѐ galak lan dѐmѐn ngongkong, nanging kuluk punika baburon sanѐ ngѐlah rasa utawi
insting anѐ kuat lan tresan satia takening anѐ ngѐlahang. Kuluk punika tan taѐn dendam ngajak i
manusia, wiadin sѐsai puk-pukina aji sampat. I kuluk tilѐh malingkuh nyaga umah, wiadin tan
baangѐ ngamah. Punika tresna i kuluk wiadin maraga baburon nanging ngѐlah kѐnѐh anѐ mѐlah.

Mawit saking carita pawayangan Mahabrata, sang Panca Pandawa pacang mapamit
saking kerajaan Hastinapura. Sausan Kresna seda ring gumi nѐ, Prabu Yudistira sareng
panyamaan ipun mamargi ka Bharatawarsha usan nika ka pucak gunung Himalaya. Ring
bongkol gunungѐ, Prabu Yudistira nѐpukin kuluk anѐ lakar ajakѐ mѐnѐk ka pucak gunungѐ. Wau
nѐkѐd ring awak gunungѐ, seka bѐsik adin-adinѐ Yudistira ngalain gumi uli Drupadi, Sadewa,
Nakula, Arjuna lan Bima ulian ka anyudang ban karmanѐ sanѐ karyaninѐ dumun. Sanѐ nѐkѐd
ring pucak gunung Himalaya tuah Yudistira lan kuluk anѐ ajaka. Sang Dewa Indra, sanѐ dados
kѐlian ring kahyangan swargalokha, teka lakar ngalih Yudistira ajaka ka swargalokha nganggen
kѐrѐta kencana. Nanging, Sang Indra nenten ngamolihang Yudistira natad kuluk ka swargan,
duwaning kulukѐ nѐntѐn ja baburon sanѐ suci. Yudistira nѐntѐn kayun sarѐng ka swargan,
yѐning kuluknѐ tan sarѐng malih. Sang Indra ngarasa, napi mawinan Yudistira tan ngaѐnang
adin-adinѐ upakara pitra yadnya, adѐnangѐ ngajak kuluk ka swargan. Yudistira masaut, punang
titiang sanѐ ngalain, nanging titiang sanѐ kalainѐ. Punika sanѐ mabuat kulukѐ ajaka ka swargan.

Tresnanѐ satya Sang Yudistira sampun tan bani ngalahanglan tan wѐntѐn nyaingin,
kulukѐ punika mawali dados Sang Dewa Dharma, Bapa saking Prabu Yudistira. Sareng-sareng
ipun mawali ka swargan, mѐnѐkin kѐrѐtanѐ Dewa Indra. Napi mawinan jadma punika dados
krama ring swargan? Jadma sanѐ tѐlѐb takѐning dharma. Kulukѐ macihna Sang Dewa Dharma
punika kanggen nyujuh dharma, ulin ka dharmanѐ punika para jadmanѐ ngamolihang karahayuan
ring jagatѐ. Dharma punika matѐgѐs napi sanѐ ka karyanin lan ka margiang, wantah nika jan sane
kanggѐn nyujuh swargan. Kulukѐ punika patut ka conto anggen sasuluh urip, yening dados
manusa patut nika ngajalanang swadharma.