Mirah, Singa Betina dari Marunda

Karya: Tasya Mumtaz

[pertunjukan silat]

“Kenalin nama gue Mirah, satu-satu nye jawara perempuan di mari. Kalo Mirah
lagi jalan di pasar nih.. pasti aye di bilang Singa betina , iye..itu julukan aye
SINGA BETINA DARI MARUNDA , Bisa di bilang kampung aye nih cukup
kacau. di tambah kaga ada yang peduli sama daerah kampung aye, tapi aye punya
satu misi sama babeh, menjaga kampung Marunda dari rampok. Ini die babeh
Mirah, namanye babeh Bodoong” -Mira

[pertunjukan silat]
“Mirah anak babeh, Babe pan udah tua. Kagak ade anak laki-laki buat dijadiin
penerus. Padahal rampok dan garong makin merajalela. Babe khawatir kampung
kita ini bakalan musnah.” -Babeh bodoong

“Babe, tenang aje, dah. Pan, ada Mirah. Biar kate perempuan, aye juga sanggup
jaga Marunda, asalkan babeh ajarin mirah banyak jurus lagi, bakal Mirah babat
tuh jurus”- Mirah
[latihan silat dengan babeh]

“Udeh cukup latihanye, orang laen juga udeh pada tau kalo lo anak babeh
Bodoong, Mirah. Walaupun lo udeh jago bela diri, pinter ngaji , cakep, jangan
lupa lo ini udeh cukup umur. Kalau nanti ade lamaran yang dateng lagi, jangan
ditolaklah. Lu nyari yang pegimane lagi, sih?”

“Aye belum mau nikah, Beh. Kalau Mirah nikah, nanti yang ngurusin Babe
siape,” jawabnya.
“Lu kagak usah khawatirin Babeh. Pikirin diri lu sendiri, dah. Babe kagak mau lu
ntar dibilang jadi perawan tua sama orang-orang.”

“Babeh tenang aje. Aye kagak pernah ambil pusing omongan orang. Beh.. Aye
mau nikah sama laki yang bisa ngalahin rampok, saying, tulus sama aye. Kalau
kagak ada yang bisa, udeh lah mending aye kagak usah nikah, Beh,” putusnya.

[sayembara]
“Perhatian..perhatian… Sodara-sodara yang ada di mari, aye mau ngadain
sayembara. Siape aje yang bisa jadi jawara di mari bakalan aye jadiin mantu dan
nikah sama anak semata wayang aye, Namira.” - Babeh bodoong

Aye tau maksud Babeh baik, tapi Babeh ga tau perasaan Mirah. Kalau nanti Mirah
nikah siape yang ngerawat die, perampok di mari makin merajalela. Nanti siape
yang ngejagain babeh dari perampok. Babeh lupa enyak pernah bilang kalo Mirah
harus nikah ama lelaki yang bener, tapi malah justru babeh sendiri yang
sayembarain aye untuk nikah

[memperagakan silat]

“Assalamualaikum beh, aye Isni. Niat hati aye kemari mau ngelamar Mirah anak
babeh” -Isni

“oh..iye iye, aye panggilin Mirah dulu ye… . Mirah, Mirah. Sini ada tamu”-
Babeh Bodong

“Bang Isni ade ape Bang di mari?”-Mirah

“Eh neng Namira. Jadi, begini Mirah. Kedatangan abang di mari buat ngelamar
Mirah karena sayembara Babeh bodong. Abang udah jadi jawara di kampung
Kemayoran. Ngeliat neng Namira ngebuat hati abang terpukau dengan kelebihan
eneng.”- Isni

“Ah Bang Isni bisa aje, tapi abang yakin mau nikah sama Aye?” -Mirah

“Neng Mirah ko mikirnye begitu? Abang punya lagu buat Neng Namira dengerin
bae-be. Jalan ke pasar beli teri, jangan lupa pake celana, niat hati abang kemari,
cuma untuk ngelamar Namira. Niat abang nih bae untuk kawin sah sama neng
Namira.” -Isni

“Ah Bang Isni.. Mira pikirin dulu deh bang” -Mirah

[di balik pohon ada Tirta yang melihat lamaran Mirah.]

“Ga bisa dibiarin nih. Pokoknye harus gue yang dapetin Mira dengan cara apapun.
Bahkan babeh lo itu Mir yang mau ngebasmi para rampok hahaha. Tapi, gue
harus dapet duit dulu nih biar Mirah mau sama gue dan gue bisa nikahin Mirah.
Gimane carenye ye. Hmm.. mau ga mau gue harus rampok harta rumah
gedongan.”-Tirta

[perampokan terjadi dan Bang Bodoong mengejar perampok yang sangat gesit.
Tapi tidak bisa dipungkiri Bang Bodoong jatuh terkapar karena tancapan pisau
dari perampok]

“M-mirah.. dengerin ..
Babeh.. Babeh mau lo bahagia. Nikah sama Isna jawara kampung Kemayoran ye..
Jangan salah pilih orang. Jaga kampung kite. Jaga orang-orang di mari ya Mir”.

[Bang Bodoong wafat]