BAB III CONTOH CERPEN DALAM BAHASA DAERAH MILAU ARUNG JERAM

Karya Dahnan Kenedi

Kerno pangek ngen kodisi neak temang, uku lajau alau kunei pnan o. Keme alau moi penan arung
jeram Lebong kekiro 40 KM kunei muara Aman. Kebilai yo pak Joko coa milau moi kereno si
payeak. Tapi coa masalah utuk ku ngen dang Kenz. Makei setom Rush, keme kembiak semangat
moi arah selatan Lebong, tepat ne neak kelurahan Topos, Desa Teluk Diyen. Sapei neak Teluk
Dien Topos, bi ade dau tun lok menjelajah arung jeram. Kunei uak uku kemliak bentangan alam
kembiak baes. Keme pun temu’un butau baes neak tebing kereno lok maok biduk warna warni
neak beak o. Para instruktur bi mot neak isia biyoa Ketawen. Uku kemluwea hape utuk mok
gamar do baes-baes neak muko matai. Begitu baes anugerah Tuhan, coa nam ite gemitei ngen
jano bae ules ne. Uku meding coa sio-sio uku moi arung jeram yo. “Maroba ite kute ne muloi
masuk moi biduk, meak coa tinget beduo, niuk periteak keme au “ nadeak ketuwai romongan
Kekea ku muloi kenek das biduk o das biduk biru, pakei pelampung, helm supayo aman neak das
biduk. Lakeak ku tenirau kwat-kwat do luyen, keten neak papea kuwat-kuwat kembiak senang
neak das biduk. “Bismillahirrahmanirrahim, nelindung keme Tuhan, nelindung kute keme neak
piyo,” nadeakku lem atei “Oh kembiak mendebarkan diyem piyo,” nadeak dang Kenz “Oke, utuk
selanyut ne niuk periteak au, hitungan ketelau ite muloi mbiduk, do duwai, tlau, “ nadeak
Komeng instruktur tano keme muloi brakat. 206 Lem biduk biru keme ade tun tujuak, keme pun
bagiak tugas, kideu kanen kekea ku mpek neak posisi do pas ne, awei o kulo posisi temot , posisi
tangen, posisi kayuh. Diyo ba do keme menea supayo petualangan bilai yo lacea. “Yeh!” Pekik
ku kembiak semangat kereno biyoa ketawen lekat keno moi papeaku Biduk pun alau temotoa
biyoa tawen o. Alau moi butau neak keang, alau igai moi butau besusun neak tebing isia biyoa
jun o. Kembiak yes ne biduk keme alau moi butau cadas o, ijai keme kute cucia kunei biduk o,
keme coa nam miling, nyabai sep asai ne, papea keme pucet kute, awei papea coa daleak ne igai.
Tangen ku awei setrum ne igai kembiak temes ne, ade do aper tenem tapi mujua ade bajau
pelampung utuk keme. Kayuh do negong keme telpas kunei tangenku, ngen sisa tenago uku pun
sekuet tenago menea posisi kekea ku, temarik nyabai do coa teratur supayo tep tenang. “Hup!” ku
cemubo sekuet tenago menea posisi biduk do bi telek o, dibantu instruktur. Akhir ne berasea.
Alhamdulillah!. Keme pun muloi de do kemnek biduk o, kmayuh igai biduk biru keme o,
kembiak asyik asai ne. Neak tengeak mhaneu, biduk neak blakang keme tenem kerno kelpes keno
butau tajem. Instruktur, Uku ngen dang Kenz lasung tmulung. Begitu dapet temulung kute
penumpang ne, keme pun meket biduk neak penger biyoa knait tilai neak pun kiyeu. Tim
penolong pun sapei untuk temarik penupang biduk belakang keme o. Sudo o keme pun melanyut
mhaneu, keme kemliak napea putiak kembiak baes ne, kan-kan lai penuak neak lem lubuk beak
ne o, keten kunei das biduk keme, kembiak luar biasa, uku kemliak gemricik biyoa jun cucia moi
das butau putiak penger biyoa o, kemliak riok biyoa das lubuk, menea uku ngen dang kenz
langsung temjun lubuk o utuk menai, kekuwat do luyen pun milau kulo jun utuk menai serpok
keme neak lubuk penuak kan lai o. Belek kunei arung jeram o, uku lasung mok tas rasel ku, uku
pun mok kertas pen utuk menea puisi siketku, judul ne green canyon. Green Canyon Oleh :
Dahnan Kened