Sampe Sitorus
Sang Pembelajar pinompar ni Raja Mandidang Sitorus
Dung sidung marhorihori dinding, borhat ma paranak rap dohot uduranna hira-hira 8 -15 kaluarga
laho patua hata laos marhusip na gogo tu jabu ni parboru.
Parsidohot ma di si haha-anggi ni paranak, dongan tubu na sumolhot , boru, bere, dohot ibebere.
Disagi ma bilangan ni nasida asa unang pagodanghu, alai ingkon dohot ma di si boru. Somalna
nunga diboan paranak pande hatana.
Di partingkian songon on, asing do sian tingki na marhori-hori dinding na holan manggolom-
golom sipanganon kue manang parbue natonggi(buah). Parborhat ni paranak saonari laho patua
hata/ marhusip ingkon do mamboan sipanganon na marsintuhu; indahan na las dohot lompan
na tabo na marmiak-miak, jala inghop martudu-tudu ni sipanganon (namargoar).
Horong ni Parboru pe nunga rade manjalo haroro ni Paranak jala di jou Parboru ma haha-anggina
(termasuk pande hata na), boru, bere, ibeberena, dohot manang piga halak dongan sahutana.
Diparade Parboru ma dengke si mudurudur sipasahaton nasida annon tu Paranak dung sidung
manjalo tudu-tudu sipanganon nabinoan ni Paranak.
Dung pungu uduran ni Paranak (marjarak 3-4 jabu sian bagas ni Parboru) di parjolo ma boru ni
Paranak manungkun tu bagas ni Parboru manang naung boi Hulahula nasida masuk tu bagas ni
Parboru.
Dung mangarade Parboru dohot na nigonghonna manjalo haroro ni Paranak, dijouhon nasida ma
antong dompak pintu haroroan asa masuk ma uduran ni paranak tu bagas.
Protokol ni Paranak.
Horas ma di Raja i.
Protokol ni Parboru.
Dung i marsijalangan ma nasida angka na naeng martondong di bagasan las ni roha. Dipeakhon
paranak ma sipanganon boanboan nasida di tonga ni jabu (manang tu ginjang ni meja di adopan
ni parboru), jala didok ma hatana :
Tulang na burju..tona ni namborumuna ima dainang mandok molo borhat hamu anaha tu bagas
ni Tulang mu na ingkon do boanon mu sipanganon na tabo laho manubut roha ni Tulangmu, tung
na so jadi mangembal hamu, jadi Rajanami na marningot ma hami di tona i , ido umbahen na
huboan hami sipanganon na tabo laho manubut roha ni angka datulang.
Protokol ni Parboru
Mauliate ma tutu Amangboru, ingot do hamu antong di poda ni namboru nami, Horas ma di
hamu.
Raja ni Borunami… asa jolo sigati hamu jo boanboan ni paribanmu Raja Butarbutar.
Di hamu hula-hulanami nunga husigati hami, jala suman do boanboan ni Raja Butarbutar.
(lapatanna singhop do “namargoar” manang tudu-tudu ni sipanganon).
Protokol ni Paranak
Borunami… asa dongani hamu paturehon andorang so hupasahat hani tu Raja i (diboan ma tu
dapur asa dihobasi satongkin, mangaturhon na margoar di ginjang ni talam na bolak, alana
tongkin nari tangkas do dihatahon laho pasahathon tudutudu ni sipanganon tu Parboru andorang
so rap marsipanganon) .
Protokol ni Paranak:
“Di hamu Tulang, molo naung rade hamu, naeng ro hami mandapothon hamu.” (laho pasahat
tudutudu ni sipa-nganon)
Protokol ni Parboru:
“Di hita namarhaha maranggi, Raja ni Boru, Bere, dohot Raja ni Dongan Sahuta, ala naeng ro ma
Raja ni Pamoruonta mandapothon hita, asa rap manjalo ma hita.”
Protokol ni Paranak:
“Di hamu Tulangnami (dang apala didok dope hula-hula) di ari na uli di bulan na denggan on ro
do hami pamoruonmuna pasahat tudu-tudu ni sipanganon na marsaudara, tudu-tudu ni
panggabean parhorasan ma on di hamu Rajanami . Molo tung songon di pe naboi hupasahat
hami di tingki on, las ma rohamu manjalo.
“Songon hata ni situa-tua ma dohonon,
Protokol ni Parboru:
“Di hamu Raja ni Pamoruonnami, hami pe naeng ro ma mandapothon hamu.” asa mangarade ma
hamu.
Laos digorahon ma boruna nasida asa diboan dengke sipasahaton nasida, ima dekke simudur-
udur.
“Di hamu Raja ni Pamoruonnami, di son hupasahat hami tu hamu dengke simudurudur, dengke
sitiotio, dengke sahat, dohot pangidoan tu Tuhanta, asa sai mudurudur ma hamu tu dolok tu
toruan, tio ma aek inumonmuna, jala sahat ma angka nauli angka nadenggan di hamu.”
Diolophon angka natorop, “Ima tutu.”
Protokol ni Parboru:
“Amangboru….Ala hamu do na ro mandapothonhami, asa marsipanganon hita, sian hamu ma
namamilang tangiang. Hupasahat hami ma tu hamu.”
Protokol ni Paranak :
“Nauli ma i Tulang.” Dipangido ma donganna mambahen tangiang mangan. Jala dung akhir
tangiang marsipanganon laos didok ma hata dai sira ni sipanganon i:
Sitiktik marsigompa, golang-golang pangarahutna,
Marjomukma hita.
Protokol ni Parboru:
“Di hita na marhaha maranggi, Raja ni Boru, Bere, lumobi di Raja ni Dongan Sahuta, molo tung di
jolo ni hasuhuton pe tudutudu ni sipanganon on, ba na rap mangadopi ma hita di son.”
(Diolophon nasida).
Protokol ni Paranak:
Manariashon, patamahon tu dongan tubuna dohot uduranna taringot tu dekke naung dijalo
nasida sian parboru.
“Di hita namarhaha maranggi, suang songon i di Raja ni Boru, Bere nami, rap dohot Raja ni
Dongan Sahuta, molo tung di jolo ni hasuhuton pe dengke napinasahat ni Raja i Tulang….., naung
rap manjalo ma hita ate?” Diolophon uduran ni paranak, “nauli.”
Protokol ni Parboru:
“Di hamu Raja ni Pamoruonnami, nangkin tangkas do dipasahat hamu tu hami tudutudu ni
sipanganon na marsaudara.
“Boha Amangboru, tarsongon dia partording ni tudutudu ni sipanganon naung pinasahat muna
on tu hami?”
Protokol ni Paranak :
“Nauli Tulang. Taringot tu tudutudu ni sipanganon naung hupasahat hami tu hamu Rajanami, ba
surungsurungmuna do i. Botima Tulang!”
Protokol ni Parboru :
“Mauliate Amangboru. Gabe jala horas ma di hamu.”
“Di hita namardongan tubu Raja ni Boru Bere lumobi di Raja ni Dongan Sahuta nunga tangkas
Di hita namardongan tubu, Raja ni Boru, Bere, lumobi di Raja ni Dongan Sahuta, nunga tangkas
husungkun hami Raja ni Pamoruonta, didok nasida ia tudutudu ni sipanganon di surungsurungta
do ninna. Boha saonari ma tabagi?”
“Antong molo songon i, di hamu Borunami, asa boan jala pature hamu tudu-tudu ni sipanganon
on. Unang lupa pasahat hamu tangkas jambar tu Raja ni Dongan Sahuta, makan!”
Haha/Anggi Raja Pane (Suhut) = Angka jambar na tading termasuk mai Ihur-ihur
Protokol ni Paranak:
“Suang songon i di hamu Borunami asa pauli hamu dekke naung tangkas tajalo sian Raja i
nangkin.”
Protokol ni Parboru:
“Boha Amangboru, nunga boi tauduti panghataionta?”
Protokol ni Paranak :
“Nauli Rajanami.”
Protokol ni Parboru:
“Alai mangido tingki hami satongkin, asa jolo mangalap hata jala masipasangapan jolo hami na
mardongan tubu.”
Songon di ma hatana: “Di hita na mardongan tubu, Raja ni Boru, Bere, Raja ni Dongan Sahuta, ala
k t h t i t it i hit “J l l i di hit
naeng pungkaonta ma panghataion, asa martangi-tangian hita. “Jala laos songon i ma di hita
namardongan tubu. Songon naung somal taulahon, ala hami haha doli muna ma nuaeng songon
hasuhuton bolon, jadi hamuma na gabe raja panungkun, raja hata, di ulaonta on.
Jadi di hami haha dolimu Raja Pane ma nuang hasuhuton ma hamu anggi doli Raja Dori dohot
anggi doli Raja Boltok ma na gabe panamboli.
Songon naung somal taulahon di hita namarhaha maranggi Sitorus, ala haha doli Raja Pane ma
nuaeng hasuhuton, ba dohot on pinasahatma tu anggi doli Raja Boltok na gabe Parsinabung
(Raja Hata)
Songon i ma Raja Boltok mar dos ni roha ma nasida ise nagabe Parsinabung (somalna nunga
dos hian tahi nasida ise nagabe Parsinabung).
Laos diuduti ma panghataion tu Paranak. “Di hamu Raja ni Pamoruon nami, molo dung rade
hamu asa tapungka manghatai.”
Protokol ni Paranak:
“Nauli Rajanami, alai lehon hamu jolo tingki di hami pamoruonmuna, asa jolo masipasangapan
hami namardongan tubu.” (dioloi parboru).
Jala dung dos roha ni paranak, ditontuhon ma sahalak Raja Parsaut di nasida. Jala diuduti Raja
Parsaut i manghatai
Parsaut i manghatai.
NB: Nian sian mulana pe nunga hira tangkas ise na gabe Parsaut, baik sian pihak parboru
songoni nang pihak paranak. Alai i do huroha bangkona dohot pangalaho ni ruhut-ruhut
paradaton i, lumobi di na manat mardongan tubu.
Parsinabul ni Parboru:
Manghatai ma hita Raja ni Boru. Nunga tung las rohanami manganhon sipanganon
nabinoanmuna i. Bosur hami mangan indahan na las, sangat marlompan juhut na tabo dohot
minum aek sitio-tio. Asi ma roha ni Tuhanta, sai dipasu-pasu ma i, asa pamurnas ma i tu
pamatang, saudara tu bohi, sipalomak imbulu ma i, sipaneang holi-holi, jala sipasindak panaili.
Namanungkun ma hami tu hamu Raja ni Boru taringot tu sintuhu ni indahan masak dohot
lompan na tabo i.
Parsinabul ni Parboru:
“Mauliate ma Raja ni boru, panggabean parhorasan do hape haroromuna di tingki on. Saya
melakukan nataparsinta. Alai, sai marangkup do inna nauli, mardongan do nadenggan. Asa
siangkupna songon nahundul, jala siudurna songon namardalan.
“Tangkas ma dipaboa Amangboru tu hami asa adong sibegeon ni sipareon jala sipeopon di roha.
Botim!”
“Ro alu-alu ni anaknami tu hami, paboahon naung tangkas masitandaan jala masihaholongan
dohot boru ni Raja i sian bagas on. Didok tu hami, 'Bapatua laho ma hamu mandapothon Tulang
Marga Sitorus na marhuta di Jln Putrisma VII/5 Perumnas 4 Karawaci – Tangerang, ala nunga
masihaholongan hami dohot boru ni Tulang i, jala nunga mardos ni roha, satahi-sapanghilaan
hami laho mamungka parsaripeon ,' ninna alu-aluna tu hami Rajanami.
“Tarsonggot do hami umbege alu-aluna i, nang pe las roha-nami. Alana, tingkos do di rohanami,
ro anaknami tu bagas muna on. Alai, molo hurimangi hami dirinami tung na so barani dope hami
mandapothon Raja i, molo sian hadirionnami. Alai, ala las ni roha dohot holong do namamboan
hami dohot anaknami ro tu jolo ni Raja i di tingki on, jala nunga tangkas huida hami, minar-minar
do bohimuna manjangkon haroronami, on pe Tulang, molo tung siat elek-elek pangidoannami,
asa unang holan hata ni naposo be hata ni nasida nadua i, asa mangihut ma nian gabe hata ni
angka natua-tua.
“Jadi Tulang, na patua hata ma haroronami di tingki on. Asa i ma elek-elek pangidoan nami.
Botim!”
Parsinabul ni Parboru:
“Mauliate ma Amangboru”.
“Asa di hita namardongan tubu, Boru, Bere, suang songoni Raja ni Dongan Sahuta, nunga
tangkas tabege sian pamoruonta di haroro nasida, i ma di napatua hata. Andorang so nilehon
tingki di laho mangido pandapot sian hita, jolo tapatangkas ma jolo borunta ate, manang natutu
do dijalo hata sian anak ni pamoruonta.
Dung di dok paranak goarni si boru na tinodo ni anakna, di suru Parsinabung ni Parboru ma tu
boruna :
Alus ni boru: “Nunga Hutangkasi hami maennami, sintong jala tutu do Amang nanidok nasida i,
botima”
Parsinabul ni Parboru:
“Mauliate ma dihamu Borunami. Asa on pe di hita namardongan tubu, boru, bere, Raja ni Dongan
Sahutanami asa talehon pandapotta. Jala parjolo ma sian dongan tubu, haha doli/anggi doli,
Boru, Bere, Dongan Sahuta.”
Hata sian haha doli/anggi doli, Boru, Bere, Dongan Sahuta manolopi nauli nadenggan sude. Jala
ndang apala ris jala sude manghatai, alai porlu do lehonon tingki tu nasida.
“Mauliate ma di hamu saluhutna. Jadi nuaeng pe hupasahat ma jolo tu suhut nami di jabu on.
Suhut/Paidua ni Suhut:
“Mauliatema, molo sian hami hasuhuton, sian mulana pe nunga tangkas hupasahat tu hamu
haha/anggi. Sisada hata ma hita, bulung ni dangkana do bulung ni rantingna, ulaon ni hahana do
ulaon ni anggina. Tandokmu lakukan tandokhu, pandokmu lakukan pandokhu. Jadi gabehon da
amang. Ima sian hami hasuhuton. Botim!”
Parsinabul ni Parboru:
“Jadi di hamu Raja ni Pamoruonnami, nunga dibege hamu angka pandapot sian hami. Nunga
satolop hami asa hujalo hami ma haroromuna di napatua hata. Sai didongani Tuhanta ma hita
sude jala dipasu-pasu angka ulaonta. Botim! Horas ma di hita saluhutna.”
2. Marhusip (Mangarang-rangi)
Ulaon patua hata dohot marhusip nasomal diulahon di Jakarta, gabe sada ulaon do i (sada
paket).
Raja Pangalusi ni Paranak:
“Mauliat. Malambok pusu rohanami Tulang, di naung tangkas dioloi hamu elek-elek
pangidoannami di napatua hata. Huulakhi hami mandok menganiaya ma di hamu Rajanami.
“Alai Tulang, songon i do huroha pangalahona, molo tung siat muse elek-elek pangidoannami,
asa tauduti ma nian tu namarhusip nagogo manang mangarangrangi di angka ulaon na
mangihut, na mardomu tu sangkap (rencana) parsaripeon ni anaknami dohot boru ni Raja i,
marlambas roha ma Raja i mangoloi pangidoannami. Botima.”
Parsinabul ni Parboru:
“Mauliate di Raja ni Pamoruonnami. Andorang so hualusi hami lehon hamu jolo tingki, asa
masipasangapan laos pasada tahi hami angka namardongan tubu, boru, bere, nang di raja ni
dongan sambutanami.
Ditariashon ma tu sude horong ni parboru i taringot tu ulaon parhusipon. Jala sude manolopi
(setuju).
“Ipe di hamu Raja ni Pamoruonnami, taringot tu pangidoanmuna i hujalo hami ma i, songon dia
husip-husip manang angka dia ma naung disangkapi rohamu, hupasahat hami ma tingki tu hamu
asa hamu ma namanariashon. Botim!”
“Tulang, andorang so hutariashon hami husip-husip dohot pangidoannami, mangido tingki hami
satongkin namarhaha-anggi asa masipasangapan jolo hami, songon i tu boru dohot berenami.
“Di hita saluhutna, nian andorang laho borhat pe hita tu bagas ni hula-hulanta di jabuon, nunga
sada tahinta jala sisada pangidoan hita laho mangelek dohot pasahathon angka pangidoanta.
j p g g p g p g
Boha, ahu ma napasahathon elek-elek pangidoanta ?” Ditolopi sude sian horong ni paranak.
“Di hamu Tulang, Nantulangnami, dohot sude hamu na huparsangapi hami. Sian hami
pamoruonmu mangido mangelek hamu, asa tung sangap hamu, Rajanami, hami ma nian na
pabolak amak jala janghonon nami ma haroro ni Raja i dipogu ni alaman nami, jadi ulaon taruhon
jual ma nian Rajanami laos ulaon realisasi (tingkir tataring dohot paulak une) .
“Taringot tu somba ni uhum, somba ni adat, boli ni boru ni Raja i, Rajanami, nunga dos rohanami,
suang songon i nang tahinami, asa sisahali mangelekhon, sahali manombahon ma hami tu
hamu, Rajanami, rambu pinudun, parsinamot na hibul ma hami. Saya ma jolo elek-elek
pangidoannami.”
Parsinabul ni Parboru:
“Mauliate ma di Raja ni Pamoruonnami. Nunga tangkas hubege hami pangidoan muna i, i ma di
sangkapmuna ulaon taruhon jual, ulaon sadari. Tarsingot di ulaon taruhon jual ido sasintongna
Paranak do na pabolak amak laho hundulan ni hula-hulana (Parboru).
Songon pangidoanmuna nangkin, namarhusip-husip dope hita di tingki on. Alai nadenggan ma i
tutu, ingkon jolo nirangrangan do angka nanaeng ulahononta haduan. Asa lehon hamu ma jolo
tingki as hupasahat jolo panghataion on tu hami na mardongan tubu, boru, berenami, nang di
raja ni dongan sagupanami.
Dongan menjawab:
“Mauliate ma di hasuhutonnami di jabuon na pasahat panghataion tu hami. Sian hami dongan
jawaba, molo dung dos rohamu, denggan masipaolo-oloan, na marhula-marboru asa dapot jala
tarida ma di si songon hata ni natua-tua:
B i k li di d l k Sit
Bona ni aek puli ma di dolok Sitapongan
Gabe jala dapot ma di hamu angka na uli ala naung tangkas masipaolo-oloan.
Parsinabul ni Parboru:
“Di hamu Raja ni Pamoruonnami, nunga apala tangkas dibege hamu di angka panghataion dohot
pangidoan sian hami. Taringot di pangidoanmuna, ulaon sadari, hujalo hami ma i. Alai taringot di
boli ni borunami, di dok hamu sisahali manombahon jala rambu pinudun, Amangboru tarsingot
tu suhi ni ampang na opat dohot panandaion ba tangkas do adopanmuna di tonga ni mangajana
makan ?
Jadi asa tung tangkas godang ma pasahat hamu, songon nidok ni natua-tua:
“Ipe Raja ni Boru, huoloi hami ma pangidoanmuna i jala tangkas ma hatahon hamu.”
Parsinabul ni Parboru:
“Mauliate ma di Raja ni Pamoruonnami, nunga tangkas hubege hami boli ni borunami, godangna
Rp 10.000.000 (sampulu juta rupiah). Jadi di hita pe na mardongan tubu, lumobi hasuhutonnami,
songon i di boru, bere, dohot dongan sambutanami, ala nunga dos rohanta jala ta oloi nangkin
pangidoan ni pamoruonta, ba ta oloi jala tagabehon ma i.
“Alai, di hamu Raja ni Pamoruonnami, taringot tu jambar panggohi ima suhi ni ampang na opat
dohot panandaion, tangkas do pasahathon muna tu hami di tonga ni mangajana makan?.
Taringot tu bilangbilangna, hupasahat hami ma tu hamu haduan marhite suhutnami.”
Catatan:
Ia sinamot ndang tarmasuk suhi ni ampang naopat, alai upa suhut ma i langsung tu nampunasa
boru muli.
Parsinabul ni Parboru:
“Naporlu muse tahe Amangboru, taringot tu si jalo tintin marangkup, tu haha parhundulnami,
tulang ni nanaeng helanami, na rap paradehon ma hita ate?
Parsinabul ni Parboru:
“Di hamu Raja ni Pamoruonnami. Asa dos tuatna, dos nangkokna, molo tung adong sidohonon
manang pangidoan mu tu hami. Hupasahat hami ma tingki on tu hamu.”
Parsinabul ni Parboru:
“Pos ma rohamu Amangboru, sude do hamu pasu-pasuonnami marhite tangiang dohot elekelek
nami tu TUHAN i. Alai parbue ni holong marhite ulos herbang sipasahaton nami tu hamu,
bilanganna 11 (sampulu sada) bulung ma. Pos roha muna sude do hamu taruli las ni roha
marhite ulos-ulos natinonun sadari.
“Hombar tusi tahe Amangboru, taringot tu ulos-ulos i dohot pinggan panganan, dos ma rohanta
makan, asa marsinakkohi tangga ni balatukna (masialusi di ibana be) ma hita Raja ni Boru?”
Parsinabul ni Parboru:
“Nauli amangboru. Naporlu muse hataanta ima taringot tu teknis ni ulaon, ari ni ulaonta i,
inganan (gedung), bolak ni alaman (undangan). Hombar tu si dumenggan hamu na patorangkon.
Parsinabul ni Parboru:
“Mauliate ma di hamu pamoruonnami. Taringot di angka parjambaran, nasomal i ma ate? Jala
solup namasa dihutamuna ma tapamasa. Alai, molo boi botoon nian, antar songon dia panjuhuti
di ulaon i laos songon diama solup namasa di hutamuna, ulima dihatahon amangboru. Botima
“Nauli Tulang, Nunga dihusiphon suhutnami. Molo panjuhuti ima lomuk manang didok nuaeng
pada namarmiakmiak (pinahan lobu), saya melakukan Raja nami.” Jala tarsongon onma
parjambaron namasa dihami (dipatorang ma namasa di Paranak).
Parsinabul ni Parboru:
“Ala nunga hira sude tarangrangi di sangkap ni ulaonta, saonari sahat ma hita tu namarhata si
gabe-gabe. Hami hula-hula ma napasahathon jala hamu pamoruonnami ma namangampu,
makan!
Alai andorang so taujungi dijahahon ma jolo angka naung tatolopi diulaon marhusip na gogo on
( t l dib k ) B i d i b k j h h k dit l i
(notulen dibacakan). Boi do sian parboru manang paranak manjahahon angka naung ditolopi
Paranak dohot Parboru.
Parsinabul ni Parboru:
“Nunga denggan mardalan ulaonta sadar, jala nunga godang tahatai, tarangrangi na hombar tusi,
jadi asa mardalan ma ingotingot (hepeng).
(Nunga diparade hian hepeng laho ingot-ingot i. Dipasahat pihak paranak ma i tu Parsinabung ni
Parboru, jala Parboru pe diparade do hepeng ingot-ingot si pasahathon na tu Parsinabung ni
Paranak, jala somal taida adong indung ni ingot-ingot i ima na gabe di Parsinabul ni Parboru dohot
Parsinabul ni Paranak ).
Diolophon natorop.
Note : Dibagi ma ingotingot i jala ingkon sude do na ro di ulaon i dapotan ingotingot, kecuali
hasuhuton bolon Paranak dohot Parboru
Parsinabul ni Parboru:
Amangboru asa lehon hamu jo tingki di hami laho mangalehon poda tu borunami.
Dipodai horong ni Paranak (na sahorong/na sumolhot) ma anakna asa unang be mampar roha
na jala patoranghon nunga manghatai natua-tua.
Dipodai horong ni Parboru (na sahorong/na sumolhot) boruna asa unang be mampar roha na
jala patoranghon nunga manghatai natua-tua.
Sekaligus menyuruh ke dua calon mempelai untuk menyalami semua yang hadir.
“Hita pe na ro tu bagas ni hula-hulanta di son, dos ma rohanta. Molo namangampu hata nauli
nadenggan sian hita, langsung ma tu haha/anggi doli hasuhutonnami. Botim!”
Parsinabul ni Parboru:
“Amangboru…, ala nunga renta jala singkop be ulaonta, asa taupaujung (tatutup) ma di bagasan
ende dohot tangiang. Boha Amangboru, ise ma hita napaujunghon ?
Raja Pangalusi ni Paranak:
“Mauliate ma Rajanami. Sian hamu ma napaujunghon marhite tangiang.”
Parsinabul ni Parboru:
“Dos ma rohanta. Ala di son do natuatua i St …………… ba pinasahat ma tu nasida.”
Marende jala ditutup ma dohot tangiang. Marsirarihan satongkin, manghata-hatai, dihobasi boru
ni hasuhuton Parboru ma di dapur siboanon ni Paranak, ima dengke dohot parbue pir, songon
ulak ni sipanganon na binoan ni Paranak, laos tu panci manang sambongna i ma i dibahen, tang
jalakas dipasahat tu pihak Paranak . Masijalangan jala marhehe nauli ma angka tutur. Ima
sahatna. Gabe ma jala horas!
Catatan:
Ise nagabe Parsinabul/Raja Pangalusi (Raja Parhata) di ulaon Patua Hata & Marhusip laos ibana
do na gabe Parsinabul (Raja Parhata) di ulaon unjuk (pesta adat)
Di acara marhusip (mangarang-rangi), molo pangoli naeng mangalap paribanna (boru tulang)
laho gabe matang (isteri), porlu ingoton:
1. Tingki namangelekhon somba ni adat sinamot, Parhata ni Paranak, unang be mangihut hata
“sitombol” manang “rambu pinudun”, songon i hata “ulaon sadari”. Alana, paribanna do dialap
pangoli jala na patio mata ni mualna do i muse. Alai sudena i tu dos ni roha ma.
2. Tulang ni pangoli unang be didok sijalo tintin marangkup, alai gabe sijalo surung-surung ma i.
3. Ulaon menyadari (paulak une tingkir tataring) dipatupa di ari namangihut hombar tu dos ni
roha ni Parboru dohot Paranak.
Tulisan ini murni tulisan saya sesuai dengan apa yang sudah saya jalankan sebagai Raja
Parhata. Jika ingin mengutip atau memposting ulang di blog atau media lain harap cantumkan
sumber dan sertakan link ke blog ini.
Tolong harga saya kami penulis dengan sebuah kejujuran, hentikan plagiat.
2. Dalihan Natolu Nilai Budaya Suku Batak, Drs. DJ Gultom Rajamarpodang, CV Armada –Medan
3. Garis Besar Ruhur-Ruhut Paradaton Sitorus, Buku Parsadaan Raja Sitorus Dohot Boruna
(PARSIBONA) JABODETABEK
Tinggalkan Balasan
Alamat email Anda tidak akan dipublikasikan. Bidang yang wajib diisi ditandai *
Komentar *
Nama *
Email *
Situs web
Kirim Komentar
Membalas
Reply
Reply
Horas, di huta manang di luat dia do masa patua hata manang marhusiip adong protokol,
adong parsinabung, adong tudu tuduni sipanganon. Jala aja do lapatanna ni hata
marhusiip dalam konteks adat. Mauliate mangido panuturion au, alana molo pamotoan
hu holan si solhot do namarhusip Unang sampe di bege natorop.
Reply
Di tano parserahan hira di sude luat tano Jawa (puloJawa, tarlumobi Jabodetabek)
nunga gira masa patupa marhusip ndung Patua Hata. Nunga adong Protokol dohot
Parsibul disi.
Reply
mauliate ma pinasahat tu penulis, gabe sada referensi di ulaon adat, alai molo boi, naeng
ma niang dilengkapi dohot perbandingan di rencana ulaon dialap jual.
Reply
Mauliate di Amanta Sampe Sitorus, SE (Penulis), siala dilehon hamu do partikkian muna
manurathon tata acara adat Batak patua hata dohot marhusip naboi gabe sada referensi.
Anggiat dilehon Tuhanta di hamu tontong hahipason dht rejeki. Semoga semakin
produktif menulis. Horas.
Reply
mauliate GBU
Reply
Jumlah Pengujung
3,746,184 hits
I’m on Facebook
Sampe Sitorus
Create Your Badge
Kategori
Administrator & Fam (19)
Bataknese Culinary (1)
Berita Terkini Punguan (17)
Budaya & Adat Batak (159)
Buku Tamu (1)
Masakan Khas Tapanuli (3)
Pengetahuan Umum (27)
Ramuan Tradisional (3)
ROHANI (Kristen) (5)
Tortor (4)
Ulaon Habot Ni Roha(Duka Cita) (8)
Ulaon Las Ni Roha (Suka Cita) (7)
Umpama (3)
Umpasa (8)
Uncategorized (10)
Tulisan Terbaru
Hampung (Kepala Kampoeng) dan Radjapadoea Silamosik
Paborhathon Pamoruon Mulak Sian Bagasta.
Patandahon Parumaen VS Mangido Tangiang Paborhathon Pahuta Boru.
Mangain Anak (Mampe Marga)
Bale, Solup, Jual, Parmasan, Ampang
Mindset (Pola pikir) : Growth Mindset vs Fixed Mindset
DEKLARASI PARSIBONA INDONESIA RAYA (PIR) DI SIBISA – AJIBATA, TOBASA.
Pinompar ni RAJA SITORUS do ahu
SISUAN BULU, RAJA HUTA, HORJA, NAGARI, BIUS
Unang jalo na so jambarmu.
Gabung
Daftar
Gabung
U i
Umpan entri
Umpan komentar
WordPress.com
Administrator
Kalender
DESEMBER 2009
M T W T F S S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
« November Jan »
Komentar Anda
Sampe Sitorus (A. Hi… on Tugas & Peran Hula-hula ni…
Mencari
Tautan
RSS - Posting
RSS - Komentar
Pembaca
Meter Situs
RSS - Posting
RSS - Komentar