Kadek Nathania Gavrila Astika

XI IPA 2
14

SAMBRAMA WACANA
(Manusia Yadnya: Pawiwahan)

Om Swastyastu,

Sadurung titiang ngelanturang atur, titiang jagi ngaturang puja pangastuti majeng ring Ida
Sang Hyang Widhi Wasa, duaning majanten sangkaning pasuecan Ida parikrama rahina
mangkin prasida mamargi antar.

Majeng ring Bapak Bendesa Adat miwah krama Banjar Batan Clagi sane dahat kusumayang
titiang. Lan para uleman lanang istri sane dahat asihin titian.

Titiang pinaka rerama sang sane madue karya mungguing wastan titiang I Nengah Sukarya.
Lugrayang titiang jagi matur amatra majeng ring Ida dane sareng sami. Kaping ajeng titiang
ngaturang suksmaning manah ring sapangerauh Ida dane para manggala taler Ida dane Banjar
Batan Celagi sinamian, sane sampun prama ledang nodia pakaryan titiang sajeroning
pawiwahan pianak titiang sane mewasta I Putu Putra lan Ni Made Ayu Ningsih.

Kaping kalih titiang nenten lali nunas gung rena pangampura santukan sampun janten makeh
makekirangan nyane inggihan indik genah, penyanggra, penamiu miwah sane lianan santukan
doh wiakti tan prasida nagingin sekadi pangarsan Ida dane.

Mungguing pemargi yadnya sane sampun kamargiang pinaka bacakan manut grhasta asrama
inggih punika kapartama sampun ngamargiang dharma suaka ring keluarga Pradana. Raris
limang rahina sune lintang sampun taler ngamargiang papadikan. Wusan punika kamargiang
upacara makalan-kalan. Raris ring rahinane mangkin, rahina Soma Pon Wuka Sinta sasih
karo pinanggal selae sasih Oktober warsa 2022 pacang kalaksanayang upacara mawidhi
widana maka cihna madegang Sang Hyang Semara Ratih sang kalih prasida kadirgayusan
wangun pumahan.

Pamargi sane panupat raris majauman masuksma ngiket pakulawargan sang kalih moduluran
antuk makta tipat bantal ring kulawarga pradana. Wusan punika puput sampun sapulah palih
ri sajeroning upacara manusa yadnya manut sekala miwah niakala.

Asapunika nganinin indik Upacara Manusa Yadnya sane kamargiang. Mogi-mogi sapangrauh
Ida dane semetan sareng sami ritatkala nyaksiang madulururang ngrastitiang sane becik. Ida
dane sane wangiang titiang, wantah asapanika mungguing atur panyembrama titiang titiang
ngaturang suksmaning manah antuk uratian Ida dane sareng sami taler nenten lali titiang
nunas gung rena pangampura antuk makakirangannyane. Maka wesananing atur puputang
titiang antuk Parama Santih

Om Santhi, Santhi, Santhi Om