PARTANGIANGAN POMPARANI BORSAK MANGATASI NABABAN

BORU-BERE/IBEBERE SE - GAYA BARU/ RUMBIA

KAB. LAMPUNG TENGAH KE – 68
13 OKTOBER 2023

TEMA :

“Umpamana: Torop do ruas di dagingta, alai ndada saulaon ruas i

sude: Songon i do hita: Torop sadaging di bagasan Kristus, alai
ruas be’ do hita sama hita.
(Roma 12 : 4-5)

SUB TEMA :

“Diacara partangiangan 13 Oktober 2023 on, pasunggulhon tu

sude Pomparan Borsak Mangatasi Nababan Boru-Bere/ Ibebere,
…………………………………………….. ”
1. JOU-JOU TU PARTANGIANGAN
(U : Uluan ; R : Ruas)
U : Hamu angka dongan na hinaholongan ni Tuhanta Kristus.
Ala naeng mulaanta ma partangiangan Borsak Mangatasi
Nababan Boru-Bere/Ibebere na adong di huta Gaya Baru –
Rumbia Kab. Lampung Tengah on, taparade ma rohanta
dohot pikiiranta laho marsaor dohot Tuhani.

(….martangiang di bagas rohanta be … Saat teduh)

2. MARENDE B.E No. 6 : 1,3,4 (Puji Jahowa Na Sangap)

➢ Puji Jahowa na sangap huhut marmulia
Hamu sude na parroha na ringgas na ria
Marpungu be, marolopolop sude hamu sude manisia

➢ Puji Jahowa naung tipak manompa dagingmu

Jala na tongtong manumpak hisar pamatangmu
Jotjot do ro pangurupiNa tu ho uju na ro hagogotan

➢ Puji Jahowa situmpak sude ulaonmu

Ai ditumpakhon tu ho tongtong hangoluanmu
Ingot ma i, denggan basaNa do i, Tomutomuna sambing do

3. VOTUM – TANGIANG
U : Marhite-hite goar ni Debata ama, dohot goar ni anakNa
Tuhan Jesus Kristus, Dohot Parsaoran ni tondi parbadia na
manompa langit dohot tano on.
R : Amen. Hu puji hami ma ho Tuhan sian nasa roha nami,
dohot sian nasa gogo Nami Siganup ari.
U : Nungan dipabotohon Ibana to ho ale jolma, manang aha na
denggan, jala manang aha Na niluluan ni Jahowa sian ho, ima
namangulahon uhum sambaing dohot holong ni Roha jala
marpangalaho haserepon maradophon Debata.
R : Ale Tuhan sai tumpakkan ma bohiMi Tuhami na punguon.
U : Parangehon hamu ma natama di Tuhani marguru tusandok lomo
ni rohana, Marpabuehon parbuena na denggan marhite-
hite saluhut ulaonmu,oloihamu ma Jahowa marhite-hite las
niroha ro hamu tu joloNa, marhite-hite olop-olop,
HALELUYA.
U+R :(Rap mangendehon) HALELUYA….HALELUYA…HALELUYA
4. MARTANGIANG
(Dipillit ma sada sian pomparan ni Borsak Mangatasi Nababan
laho martangiang)
Ale Debata sitolu sada, Debata Ama, Anak dohot Tondi Parbadia,
mandok mauliate ma hami tu Ho, ala dipapungu tondim tondi
parbadia hami, pomparan ni Oppu nami Borsak Mangatasi
Nababan Boru-Bere/Ibebere na adong di Gaya Baru - Rumbia,
patupahon PARTANGIANGAN sadari on, dilehon ho tu hami
hasehatan, jala marniang ni lakka hami ro tu perpunguan
partangiangan on. Ale Tuhan Debata, mangido hami tu Ho, sai
ramoti hami saluhutna asa lam tu sada na roha nami dohot
pingkiran nami Pomparan ni Oppu nami Borsak Mangatasi
Nababan Boru-Bere/ Ibebere khususna na adong di luat on, dao
ma sian hami akka bada, perbedaan pendapat dohot lan na asing,
jala lehon tu hami roha na laho mangihuthon Ho di ngolu namion,
asi ma roham sai buhai ma roha nami, dohot pinggol nami
manangihon hatami, ai hatami do sulu-sulu, dohot tukkot di
pardalan nami na gok hamaolon on, tangihon jala oloi ma Tuhan
pangidoan nami on mauliate ma di Ho Tuhan, jalo ma tangiang
nami marhitehite Tuhan Jesus. Amen.

5. MARENDE B.E No.160 : 2-3 (Au Dohot Na Saripengkon)

1. Sai pasupasu hami be Pasingkop bohalnami pe Padao ma

hapogosan; Horasi dohot daging i Sai tuk ma baen gogona i
Manahan di ulaon;
Tolong, tolong, ganup hami, asa hami manghaposi Rohami na
sai marasi

2. Rajai ma hami sai tongtong Pasaor tu rohanami on DameM, o

Tuhannami; Marhitehite tondiMi Ingani rohanami be Huhut
patogu hami;
Dao ma bada Sian hami, jabunami baen inganan Pardamean,
hasonangan

6. SORMINAN NINGOLU NI HAPORSEAON (sikat ni Patik)

U : Sikkat ni patik di Partangiangan ta sadarion, tarsurat di
1 Johannes 4 : 19 songon on ma di dok : “Marroha holong
mahita, ala ibana jumolo mangka haholongi hita”, ondo
patik nata jalo sian Ibana, na mangka holongi Debata ima na
mangka haholongi dongan na, on ma sorminan ni
haporseaon di hita, pomparan ni ompungta Borsak
 Mangatasi Nababan Boru-Bere/Ibebere, na adong di
Gaya Baru - Rumbia. Antong rap mangido gogo mahita sian
Debata.
R : Ale Tuhan Debata sai pargogoi ma hami mangkaholongi
dongan nami. AMIN

7. MARENDE B.E No. 178 : 2 (Ro Ma Tu Jesus)

Ro ma tu Jesus undukkon ma PambahenanMu na so tama
Naeng sesaonNa do dosaMi Dibaen mudarNa i
Mansai las rohanta i muse Molo ias sian dosa pe
Sai ro ma hita tu surgo i Laos sonang ma disi

8. MANOPOTI DOSA
U : Tatopoti ma dosanta, martangiang ma hita: Ale Ama nami
na dibanua ginjang, pargogo na sahatudosan jala parasi
roha Bolon, di jou jala dipilit ho do hami pomparan ni
ompu nami (Borsak Mangatasi) Nababan boru-
bere/ibebere, na adong di Gaya Baru - Rumbi, marhite-
hite barita nauli marsaulihon pakkopkopni Anak
haholongan ni Roha Tuhan Jesus Kristus Tuhan nami.
R : Sai marpamuati ma rohaM mida hami.
U : Nangpe songoni asi ni roham di hami sai tong do godang
dosa nami, jot-jot do jumpang angka pangalasion na
maralo tu patikmi dang gabe hasonangan dohot hadameon
be jumpa di hami, Alani pangalaho ni angka na mandok
porsea di ho, dang margogo jala dang barani hami
manghatindangkon hatigoran ni dongan nami.
R : (mangendehon)
BE No. 165 ayat 1 “Na Basa Do RohaM Di Au”
Na basa do rohaM di au O Jesus Tuhanki
Diihuthon Ho au tu na dao Mambuat rohangki
U : Jot-jot do sai martabumi hami di hamaolon nami,
dinamakatai dohot angka gabus sai hudok hami do,
naholong roha nami di Ho, dohot tu dongan nami dang
porsea be hami, na Ho do marmahani di sude angka
ulaon napinasahat mi tu hami.
R : (mangendehon)
BE No. 165 ayat 3 “Na Basa Do RohaM Di Au”
O Tuhan hutopoti ma Luhutna dosangki
Asi rohaM sai sesa ma Di Ho ma tondingki
U : Antong ta bege ma baga-baga i Debata taringot tu hasesaan
ni dosanta :
 “RO MA HAMU TU AHU, ASA MANGOLU TONDIMUNA,
NINNA TUHAN JAHOWA, TUNG SURARA DOSA MUNA
SONGON ABIT HASUMBA GABE SONGON HAPAS DO
MUSE, HASANGAPON MA DI DEBATA NA GINJANG.”
R : Amen

9. MARENDE “MARS NABABAN” (B.E 247 : Sai Hehe Ma

Hamuna)
1. Tubu di Tano Tipang 3. Pasada ale TUHAN
do Marga Nababan hami Nababan i
Gabe ditumpak TUHAN Ido dalan ni tua, ro tu
sahat ma tu Humbang joloan on
Ari sampulu tolu, Sahat ma pasu-pasu
bulan sampulu i tu marga Nababan
Pungu mangido ngolu Dohot boru nang bere
tu Tuhan Debata tumpahoni TUHAN

2. Hamu ale donganhu 4. Horas ma negaranta,

marga Nababan i manggong-gom
Pahombar ma Nababan
langkamu lomo ni Pangidoan tu TUHAN
TUHAN i ta, sai maju
Padao ginjang ni roha, berkembang
sai tiop burju i Sahat-sahat ni solu,
Asa denggan martua, sahat tu tiga ras
uli tinujumi Sahat hita mangolu,
gabe jala horas
10. JAMITA
11. MARENDE B.E No. 210 : 4 – 5 “ O Tuhan Na Marasi Roha”
➢ Mauliate ma rohangku
Dibaen na pinarbagaMi
Ndang olo asi ni rohaMu
Mansohot salelengna i
Sai hot do padan binaenMi
Nang pe na sego sasude

➢ Nang hangoluan, hamatean

Na hansit nang na porsuk i
Na so tarbaen do i manirang
Au sian hahoholongMi
Na di bagasan Jesus i
Ai na burju do rohaMi
12. MANJAHA SEJARAH AWAL PARTANGIANGAN BORSAK
MANGATASI NABABAN DOHOT BORUNA (KAMIS, 13
OKTOBER 1955) DI SIBORONGBORONG

13. MARENDE B.E No. 15 : 1 …. “Aut Na Saribu Hali Ganda”

(Papungu Pelean)
➢ Aut na saribu hali ganda saringar ni soarangki
Naeng nasa gogo bahenonhu mamuji Debatanta i
Paboa las ni rohangki hinorhon ni pambaenNa i

➢ Tung sura sahat soarangku tu ujung ni portibion

Naeng nasa jolma haraonhu mamuji Debata tongtong
Tama do nasa hosangki hubaen pasangap Tuhan i

➢ Mauliate ma rohangku di Ho O Debata tongtong

Dibaen sude denggan basamu naung nilehonmu di au on
Ai dipatongon ho tongtong sude na ringkot di au on

14. TANGIANG PELEAN + TANGIANG PANGONDIANON (DOA

SYAFAAT) : Dipimpin Uluan

15. MARENDE B.E No. 194 : 1+4 “Aut So Asi Roham”

➢ Aut so asi rohaM Aut so godang basaM Tu dia au?
Alai dibaen basaM Dohot asi rohaM Tu surgo au

➢ Disuru AnakMi Tu au Tondina i Na sian Ho

Manogu tondingki Tu hasonangan i Pinuji Ho

16. TANGIANG PENUTUP + PASU-PASU

Rap man dok ma hita tangiang hatopattai
Ale Ama name na banua ginjang sai pinorbadia ma goarmu sai ro
ma Harajaanmu, Sai saut ma lomoi roham di banua tangaon
songon na di banua ginjang. Lehon ma tu hami sadarion hangoluon
siapari, sesa ma dosa name songon panesa nami di dongan na
mardosa tu hami, unang hami togihon tu pangujuan palua mahami
sian hamagoan, ai Ho do mampunan harajaon dohot hagogoon ro
di hasangapon selelengni-lelengna. Amen

PASU-PASU
Nunga simpul partangiangan sadarion, alanii borhatma hita
mangula angka si ulaotta, Di bagasan la ni Roha. Sai unang
lupahon hamu hatanai hita Debata nanung binege muna jala naung
ginuruhon muna Asa dapotan pasu-pasu hita.
 Asa ni rohani Debata Ama, dohot holong ni roha ni AnakNa Tuhan
Jesus Kristus, Dohot parsaoran ni Tondi parbadiama, na
mandongani hita saluhutna. Amen

RUAS : (Mangendehon)

Marende B.E. No. 36:3 “PASU-PASU HAMI”

Amen hudok hami; Ale Tuhan nami; Na marasi roha i;
Sangap ma di goarMi.

17. MARSIJALANGAN + ACARA BEBAS