KAMIS, 26 MEI 2022

 Ev: Ul.Apostel 1: 6 – 11  Ep: Psalm 68: 8 – 19

TOPIK: GABE SITINDANGI NI KRISTUS TU SANDOK PORTIBI ON

I. PARHOBAS
PARHOBAS IBADAH PUKUL 10.00 WIB
JAMITA Biv. H. Br. Simanjuntak
PARAGENDA St. S. Simbolon
SUNGGULSUNGGUL St. M. Simanungkalit
St. M. Hutapea
PELEAN
St. L. Siahaan
St. M. Siburian
St. H. Sigalingging
PENYAMBUT JEMAAT
St. R. Parapat
St. E. Manalu
LONCENG GEREJA St. M. Siburian
PARMUSIK MUSIK BOX
Inang Feronika Br. Silitonga
SONG LEADER
Inang Daniel Br. Silitonga

II. IBADAH
1. Marende BE. HKBP No. 97 : 1 – 3 “INGOTON MA SADARI ON”
2. Votum – Introitus – Tangiang :
U: Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Parbadia na tumompa langit dohot tano on.
Amen! Nunga didok Jahowa mandok Tuhanku: Hundul ma Ho di
siamunHon, paima hubahen angka musuM sidegedegean ni patMu.
Marrongoman bangsoM ro sian lomona di ari parporanganMu,
marpahean habadiaon; songon nambur sian ampuan ni andos torang ro
do tu Ho paranganMu angka na umposo. Nunga pola maruari Jahowa,
jala ndang tagamon solsolanNa rohaNa: Sai Ho do malim ro di
1
 salelenglelengna mangihuthon horong ni si Melkisedek. Sai patimbul
ma diriM, ale Debata, tu atas ni langit hamuliaonMu tu sandok tano on.
Haleluya!
U&H : Mangendehon HALELUYA (3x)
U : Martangiang ma hita! Ale Tuhan Jesus Kristus, Anak ni
Natumimbul i, naung manaek tu banua ginjang jala hundul tu siamun ni
Debata! Sai suru ma Tondi Parbadia tu rohanami, asa Ibana tongtong
mangajari rohanami. Lehon tu hami parhalado na burju tu HataM,
pargogoi ma nasida, asa tongtong diradoti nasida ulaonna jala asa
marsahala nasida mangalo bisuk ni sibolis i, asa tung rarat harajaonMu
di hasiangan on, paima sude musuM peak di toru ni patMu. Sai
pamonang ma hami saluhutna manaluhon dosa dohot hamatean
marhitehite Ho, ai Ho do na mangolu dohot na manggomgomi rap
dohot Ama i dohot Tondi Parbadia. Amen. (Hundul)
3. Marende BE. HKBP No. 99 : 1, 4 “O ULUBALANG NA GOGO”
4. Patik :
U : Patik ni Debata di hita di Pesta Parningotan Ari Hananaek ni Tuhan
Jesus tu Banua Ginjang sadari on, ima sian Markus 1: 15, Ninna do:
Nunga dapot tingkina; nunga songgop harajaon ni Debata. Pauba
hamu ma rohamuna, jala haporseai hamu ma Barita na Uli i! Ido
sahatna. Antong rap mangido gogo ma hita sian Tuhan Debata.!
U&H : Ale Tuhan Debata! Sai pargogoi ma hami mangulahon na hombar
tu PatikMi. Amen.
5. Marende BE. HKBP No. 100 : 5 – 6 “MARDONGAN OLOPOLOP “
6. TANGIANG MANOPOTI DOSA:
U : Martangiang ma hita! Ale Tuhan Debata, Ama ni Tuhannami Jesus
Kristus, Ho do Debata pargogo na so hatudosan, sitompa nasa na adong,
paruhum na tigor, na manguhumi jolma manisia!
H : Na ro do hami tu joloM manopoti dosanami, angka na huula hami
marhite sian pangalaosionnami di PatikMu, ima marhite sian
tubutubu ni rohanami.
U : Na tama situtu do hona uhum hami ala ni dosanami i, alai na tarsolsol
bagi do hami nuaeng ala ni i.
H : Asi ma rohaM di hami, ale Debatanami. Pardengganbasa jala
Parasiroha do Ho ala ni Anak haholongan ni rohaM, Tuhan Jesus
Kristus Tuhannami.

2
 U : Sai sesa ma dosanami saluhutna, jala suru ma Tondi Parbadia tu
rohanami be, asa tarbahen hami mangoloi Ho di bagasan hatigoran dohot
habadiaon, gabe sahat hami tu hangoluan na so ra suda, na
pinarbagabagaM di angka na porsea di AnakMu, Tuhan Jesus Kristus,
Tuhannami. Amen. --- Musik---
Tabege ma bagabaga ni Debata taringot tu hasesaan ni dosanta: Songon
on do Hata ni Jahowa: Unang ho mabiar, ai Ahu do Siluluhon ho; nunga
pola Hujou goarmu, Ahu nampuna ho. Hasangapon ma di Debata na di
ginjang!
H : Amen. (Hundul)
7. Marende BE. HKBP No. 747: 1, 5 “SAI HUNANGKOHI DOLOK I”
8. Epistel:
U: Hata ni Debata Epistel di Pesta Parningotan Ari Hananaek ni Tuhan
Jesus tu Banua Ginjang sadari on tarsurat di Psalmen 68: 8 – 19
tajaha ma marsorinsorin: Ale Debata, uju diuluhon Ho bangsoM, uju
mangalangka Ho, di bagasan halongonan i.
H: Humuntal do tano on, manetehi huhut angka langit maradophon
Debata, nang dolok Sinai adui maradophon Debata, Debata ni
Israel.
U: Udan lomo ni roha do dipangusehon Ho, ale Debata: Jala dipargogoi
Ho do parjambaranMu na heal i.
H: Jadi maringan ma disi angka na pinangoluM, diparmudu Ho do
na dangol i, ale Debata, marhitehite denggan ni basaM.
U: Martingting ma Tuhan i, jadi torop situtu ma angka boruboru siboan
barita na uli.
H: Hapogan ma angka raja ni angka parduaan parangan maporus,
jadi boru siingani jabu marbagihon tabantaban.
U: Molo mangulon hamu di holangholang ni angka parduaan,
marsinondang do hamu songon habong ni darapati, na nilampis dohot
perak, jala marsere na gorsing do holenasida.
H: Uju dipaserak Pargogo Na so hatudosan angka raja disi,
mamontar ma di atas dolok Salmon.
U: Dolok ni Debata do dolok Basan, gok angka punsu do dolok Basan i.
H: Boasa sai mangiburu hamu, ale angka dolok na timbo, dompak
dolok Sion, na pinillit ni Debata bahen ingananNa? Sai inganan ni
Jahowa do i salelenglelengna.
U: Marriburibu do hureta ni Debata, di tongatonganasida do Tuhan i, hira
Sinai di bagasan habadiaon.
3
 H: Nunga manaek Ho tu ginjang, ditaban Ho do na hona taban,
nunga maruli silehonlehon Ho di tongatonga ni manisia, nang
angka na marbalik, asa maringan disi Debata Jahowa.
U: I do sahatna: Martua do angka na tumangihon hata ni Debata jala na
umpeopsa.
H: Amen.
09. Marende BE. HKBP No. 354 : 1, 3 “Sai tong maimaima do”
10. Manghatindanghon Haporseaon:
U : Tahatindangkon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!
H: Ahu porsea di Debata Jahowa… d.u.(Hundul)
11. LANSIA, INA SION, INA KAMIS, AMA
12. Sunggulsunggul/Tangiang Pangondianon:
 Parmingguonta sadarion ima Pesta Parningotan Ari Hananaek ni Tuhan
Jesus tu Banua Ginjang. Dohot Topik: Gabe Sitindangi ni Kristus tu
Sandok Portibion.
 Tu Ari Minggu, 29 Mei 2022 parmingguonta masuk songon na somal:
minggu pagi masuk pukul 09.00 WIB (Wijk III, IV, V) dohot minggu
siang masuk pukul 11.00 WIB (Wijk I, II).
13. Marende BE. HKBP No. 522: 1... “Surgo i sambulonta do i“ (P.Pelean
Ia,Ib)
14. JAMITA: Ulaon ni Apostel 1: 6 – 11.
15. Marende BE.HKBP No. 837 : 1… “Sada huta na mansai uli” (Pel II,
Pembangunan )
16. Tangiang Pelean – Tangiang dung sun marjamita - Tangiang Ale
Amanami- Tangiang Pasupasu