Audio 1

Mereti Ngintu Pengerai

Pemesai ari Opis Pengerai meri penerang ngagai nembiak ba sekula. Primari 6 Uranus nya
kelas ti keterubah mendingka penerang.

Doktor Ambau: Selamat pagi, semua nembiak. Aku Doktor Ambau. Nyadi pagi tu, aku
deka nerangka atur baru nyaga pengerai di sekula. Di sekula, kitai nyaga
takah antara pangan diri. Kitai mesti ngena pemampul mulut enggau
idung. Kelimpah ari nya, intu pemeresi diri empu sereta suah masu jari
ngena sabun ti ulih muai utai kamah ba jari. Ingat kita nembiak,
pemampul mulut enggau idung ti udah dikena patut dibuai ke dalam
tung uras.

Lias: Kati enti dalam kelas dih doktor?

Doktor Ambau: Enti dalam kelas, kita enda tau bekunsi kereban dikena belajar enggau
makai. Kita mega enda ulih ngaga aktiviti enggau latih chara beraban.
Kerusi enggau mija kita mega ditusun betakah satu meter ari pangan diri.
Lias: Kelimpah ari nya, nama agi chara bukai dih doktor?
Doktor Ambau: Kelimpah ari nya, kitai mega enda tau begelumu bebala mayuh maya
ngintu pengawa baka pengerami hari pengada. Aku arapka kitai
ngembuan pemereti ati nitihka atur pengidup baru. Atur pengidup baru
ulih nagang pengerekai igi penyakit ba menua kitai.

Lias: Manah amat licha nuan tadi doktor. Arapka kitai sekelas meretika utai ti
udah dipadahka doktor nya tadi.
Semua Nembiak: Terima kasih doktor.

Doktor Ambau: Sama-sama.