LITURGI NAMAPOSO

GKPS PAMATANG NAGASARIBUTAHUN 2022

1. Liturgi I (Pasal Panompaon)

P. Hita haganupan Hasoman sahaporsayaon! Ongga do nani irimang-rimangi hita
pasal haganup na adong, na nididahta na I tanoh on? Bintang, mataniari, udan, bulan, panorang
borngin ampa siang pakon na legan? Ise do na mangatur in haganupan? Sada halongangan
bolon do on anggo iparimbagaskon hita ibagas uhurta pasal sonaha banggalni Kuasa ni Tuhan.
Domma ipatalar Naibata diriNi hubanta marhitei haganup na tinoppaNi ase itandai, ihaholongi
janah isombah hita Ia. Anggo sonai, sonaha do Naibata patalarhon diriNi hubanta pakon ganup
dunia on? (Zowi) liturgi 1

1. Ari Naparlobei: Reny liturgi 1

Bani mula ni mulani itompa Naibata ma langit pakon tanoh.Tapi seng marrumang anjaha
lumei do tanoh on; hagolapan do manrongkob luhung ai,anjaha mayap-ayap do Tonduy
ni Naibata i atas bah ai.
Dob ai marsahap ma Naibata, “Jadi ma ho na lihar!” Gabe lihar ma tongon.
(lampu depan dihidupkan)
Iidah Naibata ma na dob dear na lihar ai; isirang Naibata ma na lihar ai humbani na
golap ai. Jadi igoran Naibata ma na lihar ai arian, anjaha na golap ai igoran borngin. Bod
ma ari, siang ma ari use, ai ma ari na parlobei.

2. Ari Napaduahon: Rini liturgi 1

Dob ai marsahap ma Naibata, “Jadi ma ho hajangkajang iparsitongahan ni sagala bah,
bahen parsirangan ni bah humbani bah!”
(terdengar suara air yang berdesir)
Ibahen Naibata ma hajangkajang ai gabe parsirangan ni bah na i toruh ni hajangkajang ai
humbani bah na i atas hajangkajang ai. Anjaha jadi ma sonai.
Igoran Naibata ma hajangkajang ai langit. Bod ma ari, siang ma ari use, ai ma ari na
paduahon.

3. Ari Napatoluhon: Liza liturgi 1

 Marsahap ma use Naibata, “Martumpu ma sagala bah na i toruh ni langit in hubani sada
ianan, ase taridah na horah.” Anjaha jadi ma sonai. Igoran Naibata ma na horah ai tanoh,
anjaha partumpuan ni bah ai igoran laut. Iidah Naibata ma, domma dear ai.
(gambar lautan dan daratan dalam slide)
Marsahap ma use Naibata, “Ipantubuhkon tanoh in ma poyon-poyon, suan-suanan na
marbatu, ampa hayu na marbuahkon buah na marbatu, marsiboan masamni i tanoh on.”
Anjaha jadi ma sonai.
(menunjukkan gambar pohon-pohon, tanam-tanaman dalam slide)
Bod ma ari, siang ma ari use, ai ma ari na patoluhon.

4. Ari Napaopatkon: Elprita liturgi 1

Marsahap ma use Naibata, “Jadi ma panondang i hajangkajang ni langit in, bahen
parsirangan ni arian pakon borngin, bahen tanda pakon titi ni panorang, ari pakon tahun,
bahen panondang i hajangkajang ni langit in, laho manondangi tanoh on!” Anjaha jadi
ma sonai.
Jadi itompa Naibata ma dua panondang bolon; panondang sibanggalan ai manrajai arian,
panondang sietekan ai manrajai borngin. Itompa do homa bintang-bintang.
(Gambar matahari dan bulan, kemudian gambar bintang-bintang dalam slide)Bod ma
ari, siang ma ari use, ai ma ari na paompatkon.

5. Ari Napalimahon: Bora liturgi 1

Marsahap ma Naibata use, “Manjuluri ma ibagas bah in na tinompa na manggoluh,
anjaha marhabangan ma manuk-manuk i atas ni tanoh, ibagas hajangkajang ni langit in!”
Jadi itompa Naibata ma binatang laut na banggal-banggal pakon sagala na tinompa na
marhosah na manggoluh ibagas bah, marsiboan masamni, ampa sagala manuk-manuk na
marhabong, marsiboan masamni. Iidah Naibata ma, domma dear ai.
(menunjukkan gambar ikan-ikan, suara burung-burung)
Ipasu-pasu Naibata ma ganupan ai, nini ma, “Manggompari anjaha lambin gargar ma
hanima, goki hanima ma bah ni laut in;” lambin bueini ma homa manuk-manuk i atas
tanoh on.
Bod ma ari, siang ma ari use, ai ma ari na palimahon.

6. Ari Napaonomkon: Evi Girsang liturgi 1

 Marsahap ma use Naibata, “Ipantubuhkon tanoh in ma na tinompa na manggoluh,
marsiboan masamni, pinahan, binatang na manjulur pakon binatang na i talun marsiboan
masamni.” Anjaha jadi ma sonai.Jadi itompa Naibata ma binatang-binatang marsiboan
masamni, pakon pinahan marsiboan masamni, ampa sagala binatang na manjulur i atas
tanoh on, marsiboan masamni. Iidah Naibata ma, domma dear ai.
(menunjukkan gambar-gambar hewan atau video hewan seperti ular, anjing, kucing,
dll.)

Marsahap ma use Naibata, “Tompa Hita ma jolma songon rupan-Ta, pakon songon
parlahouta, ase irajai sidea dengke na i laut, manuk-manuk na i awang-awang, pinahan,
pakon ganup tanoh on, ampa sagala binatang na manjulur i atas tanoh on.” Jadi itompa
Naibata ma jolma in songon rupa-Ni, songon rupa ni Naibata do itompa sidea; dalahi
pakon naboru do sidea itompa.
(menunjukkan dua orang pemuda seb agai Adam dan Hawa)

7. Anggo mangkawah ahu dompak siamun, dompak siambilou, dompak kehen pakon
huluan, jengesni in ampa megah ni in natinompa ni Naibata. Hutonggor dompak dolok-
dolok jenges tumang, dompak harangan jengesni in tene, seng targambarhon marhitei
hata. Monika liturgi 1

8. Bani sogod niari, huidah poltak mataniari. Sanggah borngin huidah poltak bulan
pakon bintang namarsinondang. Adong homa udan margantih logouniari, haganupan in
pajagar hontanoh in. Aih.....banggal nikuasa Ni Tuhan in tongon. Mardalan ahu hutongah
juma, huidah suan-suanan pakon poyon-poyon namarmasam-masam, adong namarbunga
janah adong namarbuah. Sister liturgi 1

9. Hutonggor bai laut in, huidah masam-masamni ikan, haganupan in jenges idahon.
Seng targorani haganupan. Hukawahkon dompak awang-awang, buei manuk-manuk na
habang, mandoding ma sidea marhitei sora nalurlur, sodapni in tangaron. Riama liturgi 1

10. Itompa Naibata do buei binatang-binatang, adong na banggal, adong na etek, adong
namarianan iharangan, adong ibagas huta. In ma hape habayakonni Naibata. Sonai age
jolma, itompa Naibata marsiboan rupani. Marbeda warna kulit, marbeda kemauan,
marbeda bahasa pakon nalegan. Tapi age sonin ma buei ni jolma iatas tanoh on, itandai
Naibata do haganup marsada-sada. Yessi liturgi 1
11. Sonai do age haganup haporluan ni jolma in itompa Naibata do. Sihol mangan dong
sipanganon, sihol minum dong bah, sihol marpakeian dong hiou. Sodapni in tene. Sonai
ma kuasa pakon hagogohonni Naibata, haganupan in itompa Naibata pitah marhitei Hata
Ni tumang do, gabe manjadi ma haganup. Elda liturgi 1

12. Sanggah Bod ma ari, hubotoh ma bahasa panorang ai aima panorang parsaranan.
Marsaran ma au humbani ganup halojaonku. Pitpit ma pamatangku, janah huahapkonma
sonaha kuasani Naibata marhorja bani angkula na ngayotan. Sanggah panorang na lihar,
huahapkon ma banggalni kuasani Tuhan na mambere panorang bangku laho mansarihon
goluhku ari-ari irik mangidah bueini tinompa ni Naibata. Kis liturgi 1

13. Sanggah loja au bani parhorjaanku, mangusandei ma au, manatap ma au hu langit,

gabe magou ganup loja kin. Huidah do hampar langit songon hiou bolon na tinonunni
Naibata. anggo mungkah golap langit ai hubotoh ma bahasa roh ma panorang in udan,
sanggah torang langit ai, hubotoh ma bahasa roh ma milas ni ari. Dob ai huidah ma suan-
suananku, janah ningku ma ibagas uhurku, ibotoh naibata do haganup na porlu bani
tinompa ni. Anda liturgi 1

14. Hununut mandaihon tinompani Tuhan in, lanjar husungkun ma ibagas uhurhu, ‘Ise
Au?’. Dokah au marpingkir, janah hubotoh ma bahasa au ma tinompani Naibata na tang
sidearan in. itompa do au marhitei tanganni nagok Kuasa, ihombuskon do hosahni ase
gabe tinompa na manggoluh au. Aih O Tuhan! Ise pe lang au hape anggo lang halani
Ham! Gratia liturgi 1

15. Hita haganupan Hasoman sahaporsayaon! Ongga do nani irimang-rimangi hita

pasal haganup na adong, na nididahta na I tanoh on? Bintang, mataniari, udan, bulan,
panorang borngin ampa siang pnl? Ise do na mangatur in haganupan? Sada halongangan
bolon do on anggo iparimbagaskon hita ibagas uhurta pasal sonaha banggalni Kuasa ni
Tuhan Haganup do langit mambaritahon hamuliaon ni Naibata, anjaha hajangkajang
mangambilankon pambahenan ni tangan-Ni. Pinuji ma Tuhan in. Amen. Indah liturgi 1
2. Liturgi II (Pardabuh ni Jolma hubagas Dousa)
P. Haganup natinompani Naibata ai domma jenges. Dear bani ganup natinompa, dear
homa age banijolma in. Goluh ni jolma in sonang, gok malas ni uhur anjaha gok
damei, marhasoman pakon Flora ampa Fauna. Tapi age pesonai, lang lanjar puas
jolma in bani haganupan ai, sihol dope goluh ni lobih hunjai, anjaha aima dalanni
madabuh jolma in hubagas dosa. Jangin do pangkorhon ni dosa bani goluh ni jolma,
halani dosa goluh gabe gok hangaluton, gok paruntolon, gok haparngiton ampa gok
hasamboron. Liturgi 2

1. Iparhatongon si Hawa do aha nahinatahon ni sibolis, targoda janah targiur ma ia

bani hatani si bolis ai, sihol dos ma tongon ia pakon Naibata namanompasi. Gabe
ilanggar ma Hatani Naibata, madabuh ma ia hubagas dousa, hunjai nari
dompakhonon ni jolma in ma sitaronon, paruntolon ampa parnaboriton. Liturgi 2

2. Si Adam, dalahi natinompani Naibata, namartanggungjawab manogu-nogu

parinangonni ai, hape gabe balik do ia janah mangirikhon parinangonni
mangkorjahon dousa. Lang iramoti Hatani Naibata na adong bani, urah do ia
targoda janah taruyun. Dopni, ia pe maningon turak-turak hadogas ma laho
mansarihon sipanganonni. Liturgi 2

3. Dilo-dilo ma Naibata hubani jolma in, tapimarponop do jolma, ronsi sadari on buei
tumang jolma namamonopkon dirini hunlobei ni Naibata. Lang sirsir, lang ra
mambere diri manangihon Hatani Naibata, lang ra martonggo, lang ra marminggu,
mandaoh humbani tumpuan ni halak Kristen. Liturgi 2

4. Ra do lopus bulan margantih, tahun margantih seng ongga toruh uhur manangihon
Hata ni Naibata. Adong do na ra roh hu gareja, tapi das i gareja marsahapi,
marangan-angani, mangosor-osor suntil, tartunduh, masam ma tene. Liturgi 2

5. Lambin lang adong, bahkan lambin bois ma ra hasirsiron ni jolma laho manjalo
Hatani Naibata. Harosuhta aima, mansahapkon sahap nalang margagan,
mansahapkon dalan ni paruntungan napodas janah bahat. Dobni, mangulas togel ma
horja ase podas marduit. Liturgi 2
6. Lambin marponop jolma hun lobei ni Naibata, goluh pe lambin mandaoh ma,
lambin roh bagasni ma jolma madabuh hubagas dousa. Naibata domma lambin
lingot, sitaronon lambin martambah-tambah pakon hangaluton. Liturgi 2

7. Na idah tongon dousa in lambin markuasa do itanoh on, martambah ma hajahaton ni

jolma laho parsedahon goluh ni jolma in sandiri. Maseda ma angkula, maseda ma
pakon moral. Liturgi 2

8. Masa ma dousa gijang ni uhur bani jolma, aima jolma na manganggap dirini jago
janah gogoh, talup janah sungkupan. Na manganggap seng dong hahuranganni,
seng porlu bani halak nalegan, bahkan pangurupion ni Naibata pelang porlubani. Ia
ma naming sibalosan, hatani ma sitangionkon, pandapotni ma nasintong, ia ma
sipasangapon bani goluh on. Liturgi 2

9. Ra ma homa jolma maruhur subil, ulang naming dearan halak ase ia, ulang adongan
bani halak ase bani, lang sonang be pangahap ni anggo pala masa ma sonai ai. Lang
sanggup ia anggo ihatahon sitoruhan, lang sanggup ia anggo ihatahon adong
nahurangni. Liturgi 2

10. Masa ma homa jolma maruhur sogam pakon domdom, marosuh manggolom-golom
borit ni uhurni, janah marusaha antigan boi ia mambalaskon ai. Lang ra ia mardear
pakon jolma na dob mambahen borit ni uhurni age pe domma mangaku salah ia
marhitei nara paunduk dirini. Liturgi 2

11. Ganup ari ididah hita do naha kemajuan ni zaman on, tegnologi semakin canggih.
Belanja pe domma boi online , martelepon pe doma boi video call-an. Aha na
ihaporluhon jolma doma serba gampang. Tapi akibat ni ai, jolma doma semakin
egois janah mamorluhon dirini pitah do. Lang be peduli bani hasoman. Liturgi 2

12. Adek lang menghargai abangni sonai homa bani kakani. Orang tua lang be ianggap
bonani habotohon na humbani Tuhan. Halani orang tua pe doma sibuk bani horja
janah lang peduli be bani niombah. Liturgi 2
13. Aturan pe doma lang be ihargai. Haganup doma manganggap na madear.
Menghalalkan haganup cara aima sada jalan pintas, budaya “uhurhu bakku” aima na
hebat sipasingat pakon panisei lang be ihaporluhon haganupan domma maseda.
Liturgi 2

14. Tindak kekerasan pe domma biasa terjadi di lingkungan masyarakat, pembunuhan,

pencurian, kdrt pakon na legan domma bahat kasus na viral na ididah hita. Sangat
memprihatinkan. Liturgi 2

15. Agepe doma mardosa jolma in, anggo rado mulak janah manolsoli dousani, mulak
ratah do use holong ni Jahowa. Ai tarsurat do “ ai sonon do holong ni uhur ni
Naibata bani dunia on, pala do anakNi na sasada in iberehon, ase ulang magou
ganup na porsaya Bani, tapi ase hagoluhon na sadokah ni dokahni bani. Liturgi 2

3. Liturgi III (Bagah-bagah pasal Partubuhni Sipaluah)

P. Seng paturutonni Naibata jolma in lalab ibagas hagolapan,pangkorhonni dousa in.
Humbani buei ni sitaronon na idompakkon jolma,pangkorhonni dousa, ibagah-
bagahkon Naibata do homa hubani jolma in Sipaluah laho paluahkon sidea humbani
hagolapan. Bagah-bagah ai itongos Naibata marhitei nabi-Ni. Liturgi 3

1. Tonggor ma, domma iting-ting kon Jahowa das hu ujung ni tanoh on:hatahon ma
bani boru Sion:”tonggorma domma roh haluahon,marolob-olob anjaha marmalas ni
uhur ma ho, ale boru Sion”.Na roh ma Ahu sihol marianan itongah-tongah mu,nini
Naibata. Liturgi 3

2. Tapi on do sibahenon ku bani ginompar ni Israel, nini Jahowa: Nahkonon-Ku do

titah ku,hubagas atei-atei ni sidea, anjaha suratkonon ku dob ai bani uhur ni sidea,ai
seng ijalo nasiam tonduy jabolon,tapi tonduy anak do,ase marhiteihon ni in do hita
mardilo: Abba Ham Bapa. Liturgi 3

3. Seng ipadokah-dokah Tuhan in bagah-bagah ni, songon hinatahon ni na deba;tapi

lumbang do uhur ni mangidah nasiam.Ai ipangindo uhurni do ulang magou namin
atap ise pe,tapi das ma haganupan tene hu hamubahon ni uhur. Liturgi 3
4. Ulang ho mabiar, ai Ahu do paluah ho.domma hudilo goran mu, Ahu do simada ho.
Halani ai jong-jong ma ho! Ai domma roh panondang mu, anjaha hamuliahon ni
Jahowa domma poltak i baboumu. Hasangapon ma bani Naibata i babou,damei ma
itanoh on bani na hinarosuhkon ni in. Liturgi 3

5. Bangsa na mardalan ibagas hagolapan,mangidah sada panondang na bolon. Halak

na mariana bani linggom ni hamateian,poltak do i babou ni sidea sada panondang.
Liturgi 3

6. Tapi anggo ho ale Betlehem Efrata,age pe etek ho itongah-tongah ni marga Juda:

humbam do roh bangku na gabe panggomgomi bani Israel,anjahaharorohanni
humbani na hinan,humbani ari na bassa ia. Liturgi 3

7. Jesaya 7:14 Liturgi 3

8. Jesaya 9:5 Liturgi 3

9. Jesaya 9:6 Liturgi 3

10. Jesaya 11:1 Liturgi 3

11. Jesaya 11:2 Liturgi 3

12. Jesaya 32:1 Liturgi 3

13. Jesaya 32: 2 Liturgi 3

14. Jesaya 55:3–4 Liturgi 3

15. Jesaya 60:1-2 Liturgi 3

4. Liturgi IV (Partubuhni Sipaluah)
P. Hatengeran ni uhur do Naibata. Igoki do padan-Ni hubani jolma in. Haganupan ai
ibahen Naibata aima halani sihol ni uhur-Ni ase dapotan haluahon jolma in marhitei
partubuh-Ni Sipaluah, in ma Jesus Kristus. Liturgi 4

1. Jadi roh ma ijia parentah humbani Kesar Augustus, ase isuratkon sagala jolma na
ibagas gomgomanni. Panuratan na parlobei ma ai, sanggah si Kerenius
manggomgomi tanoh Siria. Liturgi 4

2. Jadi misir ma haganup, ase isuratkon, ganup hu huta hasusuranni bei. Misir ma
homa si Josep hun Galilea, hun huta Nasaret, laho hu Judea, hu huta ni si Daud, na
margoran Betlehem, halani hun marga ampa humbani ginompar ni raja Daud ia.
Laho ma ia pasuratkon dirini rap pakon si Maria, tunanganni ai, na dob boratan
rumah ai. Liturgi 4

3. Anjaha sanggah na ijai sidea, jumpah ma panorangni tubuhan tuah ia. Jadi
itubuhkon ma anak bunga tubuhni, ibaluti ma bani ampan, anjaha ipatibal bani
panggagatan, halani seng dong ianan bani sidea i rumah parbornginan. Jadi adong
ma parmahan marborngin i sampalan na bani ianan ai, manjagai pinahan ni sidea.
Liturgi 4

4. Jadi roh ma sada malekat marayak sidea, anjaha marsinalsal ma sangap ni Tuhan
inggot sidea, gabe mabiar tumang ma sidea. Tapi nini malekat ai ma hubani sidea,
“Ulang mabiar hanima! Tonggor ma, ai ambilan malas ni uhur banggal do huboan
bannima, parulihan ni ganup bangsa. Ai domma tubuh bannima saborngin on, i huta
ni si Daud, Sipaluah in, in ma Kristus Tuhan in! Liturgi 4

5. On ma partinandaan bannima: Jumpahonnima do sada na etek-etek, ibaluti bani

ampan, tibal bani panggagatan.” Jadi sompong adong ma hasoman ni malekat ai,
buei bala parnagori atas, ipuji sidea ma Naibata, nini ma, “Hasangapon ma bani
Naibata na i babou, damei ma i tanoh on bani jolma hinarosuhkon-Ni in.” Liturgi 4

6. Dob laho malekat ai humbani sidea dompak nagori atas, nini parmahan ai ma
samah sidea, “Laho ma hita hu Betlehem mengidah na masa ai, na pinabotohkon ni
Tuhan in banta.” Jadi podas ma sidea laho hujai, anjaha jumpah sidea ma tongon si
 Maria ampa si Josep ampa Dakdanak ai ibagas panggagatan. Ase dob ididah sidea
Ia, ipatugah sidea ma sahap na dob ihatahon bani sidea pasal Dakdanak ai. Liturgi 4

7. Anjaha haganup na manangar ai, longang bei do pasal na hinatahon ni parmahan ai

bani sidea. Ia si Maria iparimbagaskon do haganup hata ai, anjaha ipingkir-pingkiri
ibagas uhurni. Mulak ma parmahan ondi, ipasangap anjaha ipuji sidea do Naibata
halani haganup na tinangar ampa na nididah ni sidea, songon na dob hinatahon
hinan bani sidea. Liturgi 4

8. Tongon tumang do na tarsurat in. Barang ise naporsaya parrupei do ia bani

hagoluhan nasadokah nidokahni. Seng mardalan bani na golap na mangirikhon-Si,
halani Jesus do dalan Hasintongan pakon Hagoluhan. Liturgi 4

9. Jesus do haholongan in, anjaha halak natotap ibagas holong, ai do natotap Bani
marhitei na dob sinuruh-Ni Anak-Ni na sasada in hudunia on. Ase manggoluh hita
marhiteihon-Si. Ia do Naibata na sintong anjaha Hagoluhan na sadokahni-dokahni
jumpah Bani. Liturgi 4

10. Gabe daging ma Hata in, janah domma marianan itongah-tongahta. Domma ididah
hanami hasangapon-Ni Anak sasada na humbani Bapa in. Haleluya, hasangapon ma
bani Naibata na ibabou anjaha damei ma itanoh on bani jolma na hinarosuhkon Ni
uhur-Ni. Liturgi 4

5. Liturgi V (ragam profesi)

P: Domma tubuh Tuhanta Jesus Kristus hu dunia on,laho mambere haluahon bani
ganup halak na porsaya hubani. Halani ai lambin martambah tambah do malas ni
uhurni jolma na manjalo ronsi na mangkagoluhkonsi, buei pe sipata paruntolon,
sitarononni halak naporsaya in liturgi 5

1. Parkode liturgi 5
Horjakku tiap ari aima marjualan. Berusaha do au sonaha ase bahat untunghu.
Halani kebutuhan hidup domma semakin mahal, naha ase bahat untung hubaen do
argani lain daripada yang lain. lang namin na menyombongkan diri, tp aha na
hujual kebutuhan hidup ni jolma do. Jadi pasti do berusaha naha ase ituhor halak
jualanku.
2. Parjuma-juma liturgi 5
Tiap ari pagi sampe sore, bahkan rado sampe malam, horjakku aima hujuma. Naha
hubaen? Ai do sangguphu. Husuan do aha na boi husuan. Menhasilkan banyak
untung marhitei hasil panenhu. Tapi aima, harga ni pupuk, obat pompa pe domma
mahal. Kadang mengeluh do diri, aih tongon nasibku on. liturgi 5

3. Guru
Berangkat pagi, mulak siang. Tiap ari do hudalankon ai selain hari minggu.
Mangajari anak ni halak aima horjakku. Halani parlahouni murid jaman sonari on
lang tarkahua be, rado roh ibagas uhurhu “ ah.. paturut hujin.ai lang anakhu”.
Mase? Sipata halani rundut ni sipikkirhonon ai rado emosi diri mangajari dakdanak
sonarion. Kecanggihan ni jaman on merusak pola pikir ni parsikkola do, apalagi
doma irajai handphone. Aih tene Zaman on. liturgi 5

4. Tenaga medis
Bahat do huida hasoman na lang sehat akkula sonari on. Adong ma ai na pilek,
marbatuki, demam atak aha deba. Adong homado na lang sehat fikkiran. Sipata
ibagas uhurhu ai namahua do nai hanami on? Setiap hari menghadapi orang sakit,
rado tubuh ibagas uhur holong, tapi sipata rado marayoh diri menghadapi halani
kebanyakan na roh martambar lang sabaran. Doma lang sehat, mamaksa use. Jd
marayoh diri melayani. Paturut hujin. liturgi 5

5. Partiga-tiga
Au setiap hari berusaha do mangindo barang ni parjuma-juma sonari on. Persaingan
ni partiga-tiga na semakin wahh...mambaen diri kadang jenuh. Tp naha ma. Ai do
horja diri. Ibaen murah, lang dapot barang. Ibaen mahal rado sanggah manjual diri
soppong murah. Malah rugi homa diri. Rado sipata ibagas uhu adong niat laho
mangurangi kilo ni jualan ni hasoman. Horja pe setiap hari lang holan mambuat
barang, tapi laho mengoto-otoi halak do. Ai sonaha ma nani on tene? liturgi 5

6. Parjudi
Aha lang nini halak. Setiap jolma do adong masalah bani goluhni. Tapi au lang
perduli sisonai ai. Naha ase sonang uhurhu nai ma hubaen dah. Bois duit assogot
isari homa. Lao hujuma ni halak. Daot 100.000 ungga sukkup homa modal. Ai
anggo au, marjudi naman huahap lalap on ase sonang goluhku. liturgi 5
7. Partenggen
Pas ma ai hasoman. Au homa anggo lang tenggen setiah malam lang pas huahap.
Loja diri mamikkiri dunia on. Sanggah tenggen ai ai lupa lah diri tokkin ma
manggolu huahap au. liturgi 5

8. Pangomo
Ambit ma namin bayak au. Lang setiap ari au hujuma ni halak. Yahhh....sonai ma
lobe. Nasida ge kan porlu do bakku. Sai sonai do bani goluh on. Saling
membutuhkan nini. Tp sanggah horja na borat hujuma ni hasoman ai marayoh ma
au ai. Anggo boi holan mamutik lasina, buncis. Horja na lang mambaen loja ma
ipilih da. Sore gajian, sukkup-sukkup mangan dassa. liturgi 5

9. Pakkail
Au ipinggir ni tao ai 2 hali lah saminggu, ma malas uhurhu. Sambil marangan-
angan au bahat duitku.. Age sanggah makkail ai, songon na isurga ma huahap au.
Hundul marangan-angan, tarik pancing mangihut dekkeni, yahhh malas ma tumang
uhurhu ai. Masalah hidup hanpudi ma ai. Pokokni na Makkail on harus do
huhorjahon liturgi 5

10.Supir
Huahap, anggo lang horja au sahali saminggu keberatan dora parhuta ati. Apalagi
na lang adong kendaraanni. Au do manaruhon barang ni parhuta on tong hutiga.
Porlu ma memang horjakkon. Agepe holan supir malas tong uhurhu. Agepe hupaik
ongkos ya harus do naik nasida dah. Ai lang peduli au na keberatan nasida. liturgi 5

11.Panggosip
Au anggo lang massahapi jolma lang huahap pas hasoman. Songon reporter ma
huahap au ai dah. Apalagi diri jadi sumber informasi. Penting ma tumang peranhu.
Agepe kadang ihatahon halak “ iceritahon bakku gadung, das bani halak an doma
jadi kolak”. Ai mahua gatni? Anggo porsaya ham bani ceritakku ai porsaya ma
hape. Anggo lang pe, ai lang rugi au ijai dah. liturgi 5

12.Pembawa damai
Hasoman sahaporsayaon. Ai ma luar biasa ni Tuhanta Naibata na manjadihon hita
jolma on bermacam-macam. Namahua pe adong do i dunia on. Tapi adong do na
gabe pedoman hidup banta jolma. Aima hata ni Tuhan na doma isurathon bani
 Bibel. Iajari do hita sonaha mandalankon goluh. Yang paling utama aima
martonggo. Hita sebagai makhluk yang paling mulia harus do homa hita
mandalankon harosuh ni Tuhan, lang pitah harosutta. Aima ase totap ma hita
marondos bani Tuhan. liturgi 5

6. Liturgi VI (Refleksi Natal)

P. Parrohni Jesus Kristus hu tanoh on lang pitah manghorhon haluahon hubani jolma,
tapi dihut do homa parrohkon malas ni uhur na banggal, tarmasuk hubani Seksi
Namaposo GKPS. Age pe ibatasi Pandemi Covid-19 ope, totap do hita boi
marmalas ni uhur bani Natalta on. Partubuhni Jesus maningon do mambahen tubuh
homa biak-biak na madear i tongah-tongahni Namaposo, anjaha ulang taruyun
halaniPandemi na masa ope i tongah-tongahta. Liturgi 5

1. I toruh ni dolog Simarsolpah,

aima ianan parjumpahanta.
Domma tubuh Sipaluah,
aima Kristus Jesus Tuhanta. Liturgi 6

2. Iroboh hayu sihala,

i lambungni hayu tuba.
Ulang sangsi hita pala,
Jesus do hansa na talup isomba. Liturgi 6

3. Paima marhorja ulang lupa mangan.

Salpu mangan, borhat ma hu tujuan.
Natal aima Naibata turun tangan.
Balosi hita ma marhitei na marsitogu-toguan. Liturgi 6

4. Padan ni Tuhan Jesus aima padan na mantin.

Na marsinalsal bai hagolapan songon apuy ni lilin.
Age pe hita namaposo domma manjalo vaksin,
anggo protokol kesehatan ai totap ma disiplin. Liturgi 6

5. Dolog Simarsumpit dohorhon ni bah Bolon.

Monkey Forest dohorhon Girsang Sipangan Bolon.
Age pe pandemi Covid laho gok ma dua tahun bolon,
 Namaposo GKPS maningon boi monang ibagas sitaronon. Liturgi 6

6. Iboli ma tilam sapaket pakon bantal,

sedo laho pakeion, tapi laho gabe siluah.
Tandani hita namaposo domma marnatal,
hasadaon pakon pangidangion maningon ma marbuah. Liturgi 6

7. Poltik ma jolom hita pangarapan na dob niakuhonta in, ai hatengeranni uhur do na

mambagahkonSi. Ai humbani idop ni uhur ase maluah hita marhitei haporsayaon,
sedo binahenta, tapi sibere-bere ni Naibata do. Liturgi 6

8. Jalo janah hagoluhkon hita ma partubuh ni Kristus Sipaluah in. Saksihon hita ma
paboa seng dong sada pe haluahon sobali Kristus na paluahkon hita. Anjaha sada do
Tuhan in, in ma Jesus Kristus parhiteian ni haganup. Liturgi 6

9. Ase Natal aima buahni pambalosionta bani na ipilih Tuhan in hita laho padaskon
partubuhni Tuhan in bani hasoman na legan. Ase hita Namaposo, sauhur anjaha
sasora ma hita laho mamakei Jesus in gabe panondang bani goluhta. Liturgi 6

10. Tubuhan ma lata-lata,

dohorhon juma partidahan.
Selamat ari Natal ma hubanta,
sai tongtong ipasu-pasu Tuhan. Liturgi 6

11.Marhiteihon ni partubuhni sipaluah in,mubah ma tangis gabe tortor. Ibagas Jesus

sipaluah in jumpahan panambarion do naboritan, naugahan ibaluti, natangis i ipuk
nagalek ipargogohi. Tangan-Mu do namanjadihon pakon napaulihon au, paruhuri Ham
ma ahu ase huguruhon parentahmu. Liturgi 6

12.Domma tongon poltak panondang bolon in hupikir-pikkiri do dalanhu, gabe hupaulak do

langkahku hubani hasaksianMu, tarolos do au anjaha seng hupadokah-dokah laho
mandalankon parentahMu. Liturgi 6
13.Ai nini malekat do ijia”hasangapon ma bani Naibata ibabou, damei ma itanoh on, damei
do na iboan Ham hutanoh on marhitei partubuh-Mu. In ma tongon na manramotkon
hanami sonari ronsi sadokah ni dokahni”. Liturgi 6

14.Dop honsi ibotoh si Simeon na dop tubuh Tuhan Jesus na gabe sipaluah bani jolma
pardousa lanjar nini ma” lopas Ham ma sonari jabolon mu on misir ibagas damei,ai
domma huidah haluahon na binobanni Kristus Jesus Tuhan in. Liturgi 6

15.Anjaha pakei nasiam ma jolma nabaru, na tinompa usih songon Naibata, ibagas
hapintoron ampa hapansingon na botul. Liturgi 6