A’lampa ri Jumpandang

Maka ruang allona a’parurumi iParukku’, ajangna siurang ana’na. Naerangmi cengkena limang
karung a’dongko’ oto besji. Lantei naung napanaungmi cengkena. Maingi nitimbang cengkena
rie’i tallung bilangang tuju pulo lima kilo hattala’na iangase’. Narekeng ballinna se’re juta
sibilangang ruang pulo lima sabbu iangase. Lannasami siurang rannunna rua sikalabini
allangngerei lohena ballinna cengkena. Nibilangangmi doi’na nampa nipatarimaiang. Ambibii
limanna iParukku’ antarimai doi’na ka nampanna a’patantang doi’ sikonjo lohena. Rannumi rua
sikalabini a’tarima doi’ siloheang. Mangemi ri tokoa ammalli pakeang maraengangna pole
nunakacinnaya. Se’re juta doi’na naerang amminro ri balla’na. Oto bes mini nadongkoki amminro,
lohe apa-apa naerang pole.

Kunjo ri otoa rie’ todo tau maraeng a’dongko’ kunjo ri otoa naurang siampi’ a’cidong. Napaumi
angkua, “Inakke tau battua ri Jakarta. Rie’ mintodo’ ballaku ri Jakarta.” Narapi’mi
napa’kuta’nangang angkua, “Kunjo ri Jakarta rie’ todo’ padanggang cengke?” Nakua injo taua,
“Lohe tau danggang ammalli cengke na suli’ batena ammalli.” Nakuamo iParukku, “Biasa
ta’sikura kilangngere se’re kilo?” “Ri hattungku la’lampa inni ta’lima sabbu se’re kilo. Punna rie’
cengketa nalohe-loheja, a’rurungangmaki sallo’ kunjomaki ri ballalru buntulu, kunampa
angngurangki mange ri pahalli cengkea ambalukangi.” Nakuamo iParukku’, “Ie’, haji’ to’ji. Tarima
kasi.”