Silih-silih Kambing

(cerita bergambar)

Hal. 1
Ada tuturan satua
I Kambing matimpal ajak I Kuluk
Nongos di bongkol gununge
Dangin Danu Batur

Tersebutlah cerita
Si Kambing bersahabat dengan Si Anjing
Tinggal di pangkal gunung
Di sebelah timur Danau Batur

Hal 2
I Kambing maikuh lantang
Nanging sing ngelah tanduk
I Kuluk matanduk lanying
Nanging ikuhne bontok

Si Kambing berekor panjang

Tetapi tidak punya tanduk
Si Anjing bertanduk runcing
Tetapi ekornya pendek
Hal 3
I Kambing ngamelmel,
“Ganteng gati I Kuluk
Ngelah tanduk lanying.”

Si Kambing ngomel
“Ganteng benar Si Anjing
Punya tanduk lancip.”

Hal 4
Sedek dina anu
I Kedis Celepuk maotonan
Ia ngundang I Kambing
Apang teka ngramenin

Pada suatu hari

Si Burung Hantu berulang tahun
Ia mengundang Si Kambing
Agar datang meramaikan

Hal 5
I Kambing mapineh
Ngedot ganteng cara I Kuluk
Ia lantas nyilih tanduk I Kuluk

Si Kambing berpikir
 Ingin ganteng seperti Si Anjing
Ia lalu meminjam tanduk Si Anjing

Hal 6
“Kuluk, Kuluk!” Keto munyin I Kambing.
“Icang ngedot ganteng cara Cai.
Baang ja icang nyilih tanduk
Lakar anggon ngramenin otonan I Celepuk.”

“Anjing, Anjing! Demikian kata Si Kambing.

“Aku ingin ganteng seperti Kau
Tolong beri aku pinjam tanduk
Untuk meramaikan ulang tahun Si Burung Hantu.”

Hal 7
“Nah, Kambing! Nanging awai dogen
Mani ulihang tanduk icange.”

“Boleh, Kambing! Tapi sehari saja

Besok kembalikan tandukku.”

Hal 8
“Pasti, Kuluk!
Mani tanduk Caine lakar ulihang icang.”

“Tentu, Anjing!
 Besok tandukmu akan kukembalikan.”

Hal 9
Suba jani keto
Di jumah I Celepuk rame gati burone ngramenin otonan.
Mekejang burone ngon nepukin I Kambing matanduk.
“Ganteng gati I Kambing! Ganteng gati I Kambing!”
I Kambing bongga ngedengang tanduk.

Setelah itu
Di rumah Si Burung Hantu ramai benar hewan-hewan meramaikan ulang
tahun.
Semua hewan heran melihat Si Kambing bertanduk.
“Ganteng benar Si Kambing! Ganteng benar Si Kambing!”
Si Kambing bangga memperlihatkan tanduk.

Hal 10
Dina maninne, I Kuluk ngantosang I Kambing.
Nganti tengahi, nganti peteng,
I Kambing tusing teka ngulihang tanduk.
Buin maninne, buin aminggunne,
Masi I Kambing tusing teka.

Keesokan harinya, Si Anjing menunggu Si Kambing.

Sampai siang, sampai malam,
Si Kambing tidak datang mengembalikan tanduk.
 Keesokan harinya, minggu berikutnya,
Si kambing juga tidak nongol.

Hal 11
Ambat gedegne I Kuluk!
“I Kambing tusing nyilih, nanging ngaku ngelahang,”
Keto karengkengan I Kuluk.
Lantas ia malaib ngalih-alihin I Kambing.

Betapa marahnya si Anjing!

“Si Kambing tidak meminjam, tetapi mengaku memiliki.”
Demikian omelan si Anjing.
Lalu ia berlari mencari-cari si Kambing.

Hal 12
Di rurunge cupit, I Kuluk macaplagan ajak I Kambing.
I Kuluk lantas nguber I Kambing.
“Ulihang tanduk cange, ulihang tanduk cange!”
Keto geluran I Kuluk sambilanga nguber I Kambing.

Di lorong sempit, si Anjing berpapasan dengan si Kambing.

Si Anjing lalu mengejar si Kambing.
“Kembalikan tandukku, kembalikan tandukku!”
Demikian teriak si Anjing sambil mengejar si Kambing.
Hal 13
I Kambing kabelet, lantas macebur ke danune.
I Kuluk masi macebur, terus ngalangi nguber.

Si Kambing kebelet, lantas terjun ke danau.

Si Anjing juga terjun, terus berenang mengejar.

Hal 14
Di subane teked di pasisi, I Kuluk nyaplok I Kambing.
Nanging ane kacaplok ikuhne dogen.
I Kambing selamet.
Ia lantas maengkeb di betbete.

Setelah sampai di pinggir danau, si Anjing mencaplok si Kambing.

Tetapi yang tercaplok ekornya saja.
Si Kambing selamat.
Ia lalu bersembunyi di semak-semak.

Hal 15
Ento krananne kayang jani
I Kambing matanduk nanging maikuh bawak.
I Kuluk maikuh lantang, nanging sing matanduk.

Itulah sebabnya sampai sekarang

Si Kambing bertanduk tetapi berekor pendek
Si Anjing berekor panjang, tetapi tidak bertanduk.
Hal 16
Yening I Kuluk nepukin I Kambing,
I Kuluk ngongkong, “Kong, kong, kong….,Kong, kong, kong….!”
Artinne, “Silih-silih kambing. Inget nyilih, sing inget ngulihang”.

Apabila Si Anjing melihat Si Kambing,

Si Anjing menggonggong, “Guk, guk, guk…, guk, guk, guk….!”
Artinya, “Ingat meminjam, tidak ingat mengembalikan.”

Denpasar, 18 Maret 2023

Keterangan :
Judul : SILIH-SILIH KAMBING
(cerita bergambar)
Pengarang : Made Taro
Ilustrator : Gede Tarmada
Penerbit :