Hadirin, Rahimakumullah !.
Dugika jaman ayeuna, masih seueur golongan nu masih cangcaya ka Nabi
Muhammad SAW salaku khotamin nabiyyiin, panutup para Nabi sareng Rasul Allah. Masih
aya wae jalmi anu ngaku-ngaku jadi Nabi Allah oge seueur jalmi-jalmi anu mercayana.
Margi kitu, cocog pisan, upama dina sasih ieu maheutkeun deui gerakan da’wah nu
dipatalikeun sareng kamulyaan Kangjeng Rasulullah SAW, Anjeunna panutup sadaya Nabi
sareng Rasul Allah. Naon margina seueur para ulama kapungkur, ngawariskeun acara
muludan. Singhoreng, bakal seueur jalmi dina jaman ka payun nu bakal teu percaya kana jati
diri Kanjeng Rasul SAW salaku Nabi Allah anu panutup, nu nyandak pituduh kanggo hirup
dialam dunya, malah dugika aya jalmi-jalmi anu wantun ngaku-ngaku jadi Nabi saotos
Kanjeng Nabi SAW.
Mudah-mudahan ku ayana miemut paringetan maulid Nabi SAW maoskeun sajarah
kahirupan Mantenna tiasa dijadikeun pamiangan deui, kanggo ngarengsekeun masalah-
masalah nu aya patalina sareng pamahaman ajaran agama.
Diantawis sikep Kanjeng Rasulullah Muhamma SAW anu kedah jadi conto atanapi
panutan sakumna manusa, khususna ummat Islam nyaeta: Kahiji, dina cariosanana.
Rasulullah SAW tara nyarios dina perkara nu teu perlu. Cariosan Rasulullah SAW gampil
kahartos. Nu kadua, dina padamelanana. Cariosan jeung padamelanana tara patojaiah. Teu
wungkul pinter dina nyarios capetang dina basa, tapi oge leres-leres dilaksanakeun. Nalika
Rasul nganjurkeun sangkan manusa kedah sae kapapada manusa, Rasulullah masihan conto
ti payun. Kitu deui upami Rasul nyarek kana anu dilarang, Rasul maparin conto ku jalan teu
ngalakonan naon-naon anu dicaram. Katilu, dina akhlak sareng tingkah lakuna. Ku mulya-
mulyana Akhlak Rasululloh SAW, Mantenna kenging pujian ti Gusti Allah SWT, sakumaha
dina surat Al-Qolam ayat 4 dina bubuka khutbah tadi diluhur.
Ku kituna, dina mayunan mangsa kiwari saparantosna mieling lahirna Kanjeng
Rasulullah SAW, masing jadi eunteung kanggo kaum muslimin, yen Rasulullah salaku
pamingpin dunya dugika akherat tos sakedahna jadi papagon sangkan urang mampuh
ngalampahkeun hirup anu jujur, amanah, fatonah sareng wantun tableg nyaeta ngadugikeun
naon nu leres naon nu lepat numutkeun syareat Islam. Pasipatan jalmi-jalmi nu tetep dina
jalan haq bakal dipiharep ku kaum nu ariman. Sabalikna jalmi-jalmi bakal bendu ka jalmi nu
ngagaduhan sifat beungeut nyanghareup ati mungkir, tukang bohong sareng nipu. Mudah-
mudahan urang sadaya salawasna kenging hidayah sareng pitulung Allah SWT. kanggo
panceg ngamulyakeun sareng ngalaksanakeun sadaya aturan agama Islam nu dicandak ku
Kangjeng Nabi Muhammad SAW. Aamiin
ِم ِل ِل ِت ِا ِلِم ِم
َباَر َك اُهلل ْيِل َو َلُك ْم َو َجِل ْيِع اْلُمْس َنْي َو اْلُمْس َم ا َّنُه ُه َو الَّس ْيُع اْلَع ْيُم
KHUTBAH KA DUA