Warta BANJIR TEKA MANEH

Wis adat saben, tekane mangsa rendheng kang tumiba ing sasi Desember nganti tekan tengah-tengahing April, dibarengi karo pawartapawarta kang ana gegayutane karo banyu udan, kayata banjir, angin lesus, lemah longsor, lan liya-liyane. Yen wis ngono, kabeh jinis informasi elektronik apadene medhia cetak kang sumebar ing masarakat, kayata radhio, tivi, internet, koran, lan sapanunggalane dikebaki dening pawarta banjir. Wiwit tangi turu nganti arep mapan turu maneh, pawarta banjir ora ana kendhate ngrenggani acara-acara ing medhia kasebut. Durung suwe ing wiwitaning sasi Januari kepungkur, banjir bandhang wis dumadi ing tlatah Jember Jawa Timur lan Wonosobo. Sawise kuwi ganti-gumanti liya dhaerah keterak banjir. Kang kalebu banjir gedhe ing wiwitaning taun iki yaiku banjir kang dumadi ing pesisir lor Jawa utawa kondhange disebut pantura Jawa. Banjir kang dumadi ing tlatah iki meh rata saka tlatah kulon kang klebu dhaerah Jawa Barat nganti tekan pesisir sisih wetan kang klebu ing dhaerah Jawa Timur. Semono uga dhaerah pesisir Jawa Tengah, kalebu Semarang mangetan lan mangulon ora keri, melu kebanjiran. Malah miturut kabar saka medhia tivi lan surat kabar, ana tlatah kang keleban nganti suwene seminggu luwih, amarga ora asat-asat lan udan tetep grejih. Durung maneh, longsor lan banjir cilik-cilikan ing saben tlatah utawa kabupaten mesthi ana. Tundhone musibah saka banyu udan wis ora bisa diselaki maneh. Korban manungsa, raja kaya lan raja brana wis ora bisa kaetung maneh. Saka musibah banjir kasebut yen didelok, saben taune nuduhake ora saya suda nanging suwalike malah saya gedhe lan dhaerah sing kena banjir saya rata. Apa ateges iki sing diarani jaman karusakan (kalabendu)? Nalika jaman saya maju lan akeh wong winasis, suwalike alam saya bubrah lan rusak. Endi sing kudu disalahake, manungsane apa alame?

Berita BANJIR DATANG LAGI

Sudah menjadi tradisi, dengan datangnya musim penghujan yang jatuh pada bulan Desember hingga pertengahan bulan April, pasti diiringi dengan berita-berita yang berkaitan dengan hujan, seperti banjir, topan, tanah longsor, dan lain-lain. Kalau sudah begitu, segala jenis informasi elektronik maupun media cetak yang tersebar di masyarakat, seperti radio, televisi, internet, koran, dan sejenisnya dipenuhi dengn berita banjir. Dari bangun tidur hingga akan kembali tidur, berita banjir tidak pernah berhenti menghiasi acara-acara di media tersebut. Seperti awal bulan Januari yang lalu, banjir bandang telah melanda daerah Jember Jawa Timur dan Wonosobo. Setelah itu secara bergantian daerah lain diterjang banjir. Yang termasuk banjir besar di awal tahun ini yaitu banjir yang terjadi di pantai utara Jawa. Banjir yang melanda daerah ini hampir rata mulai daerah barat yang masuk daerah Jawa Barat hingga pantai utara daerah Jawa Timur. Demikian juga daerah pantai utara Jawa Tengah, termasuk Semarang ke timur dan ke barat ikut terkena banjir. Bahkan menurut kabar dari media televisi dan surat kabar, ada yang tergenang air hingga seminggu atau lebih lamanya, sebab genangan tidak kunjung surut dan hujan terusmenerus turun. Belum lagi, longsor dan banjir dengan skala kecil-kecil di setiap daerah kabupaten pasti juga terjadi. Akhirnya musibah dari hujan sudah tidak bisa dihindari lagi. Korban manusia, hewan piaraan, dan harta benda sudah tidak terhitung lagi jumlahnya. Dari musibah banjir tersebut dapat dilihat, bahwa setiap tahunnya musibah banjir menunjukkan kecenderungan tidak semakin berkurang tetapi sebaliknya justru semakin parah dan daerah yang kena banjir semakin merata. Apakah berarti ini yang dinamakan zaman kerusakan? Ketika zaman semakin maju dan banyak orang pandai, sebaliknya alam semakin kacau dan rusak. Mana yang harus disalahkan, manusianya atau alamnya?