Pabayuhan Oton

Oleh :

Miswanto
Pustaka Griya Kerthasari Kayumas Kaja 2005

PABAYUHAN OTON
Om Awighnamastu nama sidhem. Nian pawetuning oton, mtu maring Radite, dewania bhatara Indra, butania Anggapati, kalania Yaksa, kakayonia kayu Putih, manuknia Siyung, wayangnia Panji, lintangnia Tendas Marengreng, panes patuk ia, pinyakitnia grah mrahpah, panes tis, lesu ngibuk, kahangan, anglampuyeng, kapjahania doyan mati nglah pianak, yan lanang mati ngamuk, nagih caru I Buta Anggapati, bras, 5, catu, taluh, 5, bungkul, nyuh, 5, bungkul, bnang, 5, tukel, artania, 500, biu, 5, ijas, dadi a sok, sesayutnia kusuma jati, nasi putih tulus, ayam putih tulus, mapanggang, mapjel, mice ginten, skar putih, 5 swan, kaatur ka paibon dumun, yan tan

kaatur ika, gong larania, tan tuna gring ngeri ngawania.

Nian pawatuning oton, mtu maring soma, dewania, bhatara Soma, kalania Durga, butania Catuspata, kakayonia Kayu Pule, manuknia Jangkung wayangnia Togog, mayania Ulan, lintangnia Padati, Lintang Naga, gringnia makweh, ginteng-gintangan, ayan, lumpuh, bongol, lesu nyakitang basang, ngibuk, ngamuk-amuk, sewasandi larania, kapjahania, doyan mati senggot sampi, yan wadon mati amah tiwang, yan tan kataur ika, tan sipi alania, yan kataur ika, sumanggih dreman, kinasihan dening wong kabeh, kinasihan dening sang prabu, nagih caru, bras, 4, catu, taluh, 4 besik, nyuh, 4 besik, biu, 4 ijas, bnang, 4,

tukel, artania, 400, dadi a sok, sasayutnia, sinta rengga, nasi ireng, ayam ireng, pinanggang, pinecel mice ginten, wuwukania, sasawur, kaatur ring paibon dumun, sambat batari Soma.

Nian pawetuning oton, mtu maring Anggara, dewania bhatara Ludra, kalania Singa Barong, butania buta Ulu Kuda, kakayonia kayu Canigaron, manuknia Gagak, wayangnia Cupak, mayania Api, lintangnia lintang Jong Sarat, ika nagih caru, bras, 3, catu, nyuh, 3, besik, taluh, 3, besik, biu, 3, ijas, bnang, 3, tukel, artania, 300, dadi a sok, sasayutnia, wira kusuma, nasi barak sanda kuning, ayam wiring kuning, pinukangnukang, magoreng malih winangun urip, skar putih kuning, 3, swan, kaatur ring paibon dumun, sambat Batara Ludra, pangambean, a dulang, kaatur ring

pawon, yan tan katurang ika, gringnia makweh, rumpuh, koreng, nyakitang basang, langu, ngibuk, ngarigis, mnek tuwun larania, mawatuk, ngangsur, perot, anyang-anyangan, mdalang rah, sapanangkania, gring ngamah tuju, tiwang, kapatiania, anyud, katebek, yan wadon mati pangantenan, wankani tinulung.

Nian pawetuning oton, metu maring Buda, dewania bhatara Mahadewa, kalania Raksasa, butania Ulu Kambing, kakayonia Bunut, manuknia Dara,

wayangnia Wirun, mayania Pretiwi, lintangnia Kris, panakitnia, ayan, parang, grah mrapah, panes tis, puruh, kepek, ngibuk, ngusu, tan kawasa mangan, jangkal, caket, tanpa bayu, hnek hatinta runtag, punika nagih caru, bras, 7, catu, nyuh, 7, bungkul, taluh, 7,

bungkul, biu, 7, ijas, bnang, 7, tukel, artania, 700, dadi a sok, sasayutnia, purna suka, nasi kuning masawur, samsam dali, mawante, ayam putih siyungan,

mapukang, ginoreng, malih winangun urip, skar putih kuning, kaatur ring paibon dumun, apan pinyakitnia makweh.

Nian pawetuning oton, metu maring Wrespati, dewania bhatara Guru, butania Ulu Singa, kalania Sang Dora Kala, kakayonia Waringin, manuknia Nuri, wayangnia Semar, mayania Lawang, lintangnia Bade, lintang Salah Ukur, pinyakitnia makweh, ngutah mising, anglampuyeng, nek atinia acekal, ngibuk, gring kanin, nyakitang basang, malar pular waduknia, sarwa sandi larania, sring katepuk tegah, sring katiben

ipen ala, mawatuk, buduh, ika mamilara, nagih caru, bras, 8, catu, nyuh, 8, bungkul, taluh, 8, bungkul, bnang, 8, tukel, biu, 8, ijas, artania 800, dadi a sok, sasayutnia, kusuma ganda wati, nasi dadu, ayam wangkas, mapukang magoreng, malih winangun urip prasita ngiburawu, malih pangambean a dulang, yan wadon ayam wadon, anggen ulamnia, yan lanang bebek, yan mangantal, panganang ulam, yang mangan sega, panganang bantal, apaning salah ukur.

Nian pawatuning oton, metu maring Sukra, dewania bhatara Sri, kalania Jreng, butania buta Ngomel, kakayonia Ancak, manuknia Titiran, wayangnia Sangut, mayania Toya, lintangnia Kaparebutan, lintang Nyanya Kangrem,

pinyakitnia, nyakitang awak, lesu, ngibuk, grah mrapah, panes tis, langu, linyun, kangan, anyang-anyangan, gondang

nglempuyeng,

nyakitang

basang,

pamalinan,

bengkuk, koreng, parang, kores, edan, tan meling ring karya,

ngrigis, kapjahania, doyan mati, senggot sampi, sai amah desthi, mati anyud, kreng utawi sring katiben ipen ala, sring kadesthi, dening leyak, yan aturang kadi ika, sugih dreman,lekas kaya, akeh kadangnia, ika mamilara, nagih caru, bras, 6 , catu, nyuh, 6, bungkul, taluh, 6, bungkul, bnang, 6, tukel, biu, 6, ijas, artania 600, dadi a sok, sasayutnia, liwat majabira, skul maaruban canang, mapucak taluh, ayamnia klawu, pukang, ginoreng, katur ring paibon dumun.

Nian pawetuning oton, metu maring Saniscara, dewania bhatari Durga, butania buta Ulu Gagak, kalania Kala Barong, kakayonia Kepuh Rangdu, manuknia Kuwuk, mayania Byang Lala, wayangnia Delem, lintangnia Praru, maka mamilara, pinyakitnia, sarang kuning awaknia, nglempuyeng, nyakitang awak, bengkung, sangar, koreng,

ngamuk, sesah, pareng, linyun, grah mrapah, peceng, bongol, ngiwirangnia, tripolahnia, tan kwasa kaungkulan munyi, ika mamiruda, nagih caru, bras, 9, catu taluh, 9, bungkul, nyuh, 9, bungkul, biu, 9, ijas, bnang, 9, tukel, artania, 900, dadi a sok, sasayutnia, kusuma ganda, nasi barak, ayam wiring kuning, pinanggang, pukang-pukang, mabasa mice ginten, prascita, nguireng, samsam andong skar, 9 swan, katur ring paibon dumun, yang tan katurnia ika makweh larania tka, yan aturang kadi ika, sugih dreman, asapolira dening sang prabu, kadangnia asih.