Umapasa Batak Toba

1. Dekke ni sale-sale, dengke ni Simamora,

Tamba ni nagabe, sai tibu ma hamu mamora.
Sahat-sahat ni solu, sahat ma tu labuan,
Sahat ma hamu leleng mangolu, jala sai di dongani Tuhan.

2. Sahat solu, sahat di parbinsar ni ari,

Leleng ma hamu mangolu jala di iring-iring Tuhan ganup ari.
Mangula ma pangula, dipasae duhut-duhut

3. Molo burju marhula-hula, dipadao mara marsundut-sundut.

Ruma ijuk tu ruma gorga,
Sai tubu ma anakmuna na bisuk dohot borumuna na lambok marroha.
Anian ma pagabe tumundalhon sitodoan,
Arimu ma gabe molo marsipaolo-oloan.

4. Gadu-gadu ni Silindung, tu gadu-gadu ni Sipoholon,

Sai tubu ma anakmuna 17 dohot borumuna 16.
Andor hadukka ma patogu-togu lombu,
Sai sarimatua ma hamu sahat tu na patogu-togu pahoppu.

5. Bulung ni Taen tu bulung ni Tulan

Ba molo tarbahen, sai topot hamu hami sahali sabulan,
Molo so boi bulung ni tulan, pinomat bulung ni salaon,
Ba molo so boi sahali sabulan, pinomat sahali sataon.

6. Ni durung si Tuma laos dapot Pora-pora.

Molo mamasu-masu hula-hula mangido sian Tuhan,
Napogos hian iba, boi do gabe mamora.

7. Songgop si Ruba-ruba tu dakka ni Hapadan,

Angka pasu-pasu na ni lehon muna,
Sai dijangkon tondi ma dohot badan.

8. Mardakka Jabi-jabi, marbulung ia si Tulan

Angka pasu-pasu na pinasahat muna,
Sai sude mai dipasaut Tuhan.

9. Naung sampulu sada, jumadi sampulu tolu,

Angka pasu-pasu pinasahat muna,
Sai anggiatma padenggan ngolu-ngolu.
Naung sapulu pitu, jumadi sapulu ualu,
Angka pasu-pasu pinasat muna hula-hula nami,
Diampu hami ma di tonga jabu.

10. Turtu ninna anduhur, tio ninna lote,

Angka pasu-pasu pinasahat muna,
Sai unang ma muba, unang mose.
11. Habang pidong sibigo, paihut-ihut bulan,
Saluhut angka na tapangido, sai tibu ma dipasaut Tuhan.
Obuk do jambulan, nidandan ni boru Samara
Pasu-pasu na mardongan tangiang sian hula-hula,
Mambahen marsundut-sundut soada mara.

12. Tinapu bulung nisabi, baen lompan ni pangula

Sahat ma pasu-pasu na nilehon muna i tu hami,
Sai horas ma nang hamu hula-hula.

13. Ijuk di para-para

hotang diparlabian.
nabisuk nampuna hata
naoto tu panggadisan

14. Molo menurut ahu satingkosna nian

ijuk dipara-para
hotang diparlabian
nabisuk nampuna hata
naoto siajaran.

15. Bintang ma narumiris

tu ombun nasumorop,
Anak pe riris boru pe torop.

16. Tubu ma hariara diholang-holang ni huta,

dakkanai tanggo pinarait-aithon,
Tubu ma di hamu anak na marsahala dohot boru namartua,
sitongka panahit-nahiton.

17. Sahat sahat di solu ma

Sai sahat ma tu bontean,
Nunga sahat hita mangolu
Sai sahat ma tupanggabean.

18. Napuran tano-tano

Rangging marsiranggongan,
Tung pe badanta padao-dao
Tondinta ma marsigomgoman.

19. Hotang binebe-bebe, hotang ni pulos-pulos

Unang hamu mandele ai godang do tudos-tudos.

20. Dangka do dupang, Amak do rere

Ama do tulang, Anak do nang ibebere.
UMPAMA BAHASA BATAK TOBA
1. Ingkon songon poting, lam marisi lam so marsoara
(Makna: Semakin tinggi ilmu pengetahuan seseorang, harus semakin hati-hati berbicara).

2. Jempek do pat ni gabus

(Makna: sehebat apapun seseorang menutupi kebohongannya, cepat atau lambat pasti akan
terbongkar juga).

3. Jolo dinilat bibir asa nidok hata

(Makna: pikir dahulu baik-baik sebelum berbicara)

4. Lambiakmi ma galmit
(Makna: Bila orang tua mengeluhkan kelakuan anaknya yang kurang baik,sadarilah bahwa
itu karena kekurangan orang tua dalam mendidik anaknya itu).

5. Molo litok aek di toruan, tingkiron ma tu julu

(Makna: bila ingin menyelesaikan suatu permasalahan, carilah dahulu apa penyebabnya).

6. Songon parlange ni si bagur, tio tu jolo, litok di pudi

(Makna: Seseorang yang suka meninggalkan persoalan/ kekacauan di tempat yang
ditinggalkannya).

7. Tongka do mulak tata naung masak, mulak marimbulu naung tinutungan

(Maknanya: sesuatu hal yang telah terjadi tidak boleh lagi disesali).

8. Ndang adong amporik na so siallang eme

(Maknanya: tidak ada seorangpun yang akanmelewatkan kesempatan besar didepannya).

9. Ingkon sada do songon dai ni aek, unang mardua songon dai ni tuak
(Maknanya: setiap orang harus ssaling terbuka agar seia sekata, dan bukan berdebat dalam
pendapat yang berbeda)

10. Ndang piga halak sigandai sidabuan, alai godang sigandai hata
(Maknanya: dalam kehidupan tidak banyak orang yang berkata jujur dan berbuat ikhlas, tetap
orang-orang lebih banyak menggosipi orang lain dan memutarbalikkan fakta).
11. Piltik ni hasapi do tabo tu pinggol, anggo piltik ni hata sogo do begeon
(Maknanya: kabar yang sesuai dengan keadaan adalah yang harus di dengar, sementara gosip
dan kabar yang memburukkan orang lain haruslah dijauhi atau dihindari).

12. Santau aek nuaeng, duaan tahu aek marsogot, na santahu i do pareahan
(Maknanya: Sedikit pun yang kita hasilkan hari ini, mungkin besok akan lebih banyak, tapi
hasil hai ini yang sedikit itupun, haruslah disyukuri).

13. Risi-risi hata ni jolma, lamot-lamot hata ni begu.

(Maknanya: Ucapan manusia itu kasar, tetapi ucapan iblis itu halus lemah-lembut,Ungkapan
 ini mengingatkan supaya orang jangan cepat tergiur pada kata-kata rayuan yang hanya enak
didengar kuping, padahal maksud dan tujuannya untuk menusuk dari belakang atau tipuan).

14. Jolo nidilat bibir asa nidok hata

(Maknanya:Pikir dulu pendapatan, sesal kemudian tidak berguna. Pikirkan dulu baik-baik
barulah ucapkan).

15. Ndang dao tubis sian bonana.

(Maknanya: Rebung tidak akan jauh dari pokoknya. Ini biasa diucapkan untuk menilai
perilaku orng lain atau untuk menyimpulkan mengapa sampai terjadi kelakuan anak seperti
itu. Oh, orangtuanya pun seperti itu).

16. Aek godang, aek laut. Dos ni roha sibahen nasaut

(Maknanya:Hasil musyawarah untuk mufakat itulah yang terbaik).

17. Tuit sitara tuit, tuit pangalahona. Molo tuit boru i mago ma ibotona.
(Maknanya:Perempuan yang suka mejeng atau berbuat tak senonoh akan mempermalukan
saudaranya laki-laki (ibotonya). Mengapa demikian? Karena harga diri suatu keluarga kelak
terletak di tangan anak lelaki bila ayahnya sudah tiada. Jadi, para gadis Batak janganlah
sampai terkesan cewek jalang).

18. Ndang di ahu, ndang di ho, tumagonan ma di begu.

(Maknanya: Tidak untuk saya, juga tidak untuk kamu, lebih baik untuk hantu. = Ucapan ini
dialamatkan kepada orang yang berhati busuk ketika merasa kalah dalam perebutan harta,
kekuasaan atau hak-hak lain. Ia tidak merasa senang kalau temannya sendiri yang
mendapatkan, lebih baik pihak ketiga).

19. Tampulon aek do na mardongan tubu.

(Maknanya:Orang semarga itu bagaikan aliran air ( sambung menyambung),jika dicoba
diputuskan, sebentar lagi sudah menyatu. Artinya; jangan coba-coba mengadudomba atau
mencerai-beraikan orang semarga).

20. Ndang songgop onggang tu hadudu.

(Maknanya:Tidak sanggup burung enggang ke padi-padian. Artinya tidak mungkin
kehormatan dan kekuasaan datang kepada orang bodoh).
UTTISA BATAK TOBA

1. Inongna maneati anakna manullangi, aha mai?

Alusna : ilalang.

2. Salpu mangan ro si ganjang mise, aha mai?

Alusna: sapu ijuk.

3. Di tallik so ratus, aha mai?

Alusma: aek.

4. Dung dilehon mangan disongkihi, aha mai?

Alusna: parasan, panuhukan.

5. Molo hundul timbo molo jongjong jempek, aha mai?

Alusna: panangga (biang).

6. Gantung marniang, aha mai?

Alusna: paila.

7. Disuan so ra tubu dibutbut so ra malos, aha mai?

Alusna: obuk.

8. Dung dilehon mangan disongkihil, aha mai?

Alusna: panuhukan.

9. Dipamasuk toltol, dung haruar gale, aha mai?

Alusna: mangallang tobu.

10. Ban ni aha ma na boi gabe panakko?

Alusna: bandit.