1

Candi Bumi Ayu

Candi Bumi Ayu tu salah sikok situs peninggalan Agama Hindu yang ade
di pinggir sungai lematang, yang letaknye di dusun Bumiayu, kecamatan Tanah
Abang, Kabupaten Penukal Abab Lematang Ilir ( PALI ), Sumatera selatan. Candi
ikaklah sikok-sikoknye yang ade di sumsel, dan sampai ikak dak kurang dari 9 ikok
candi yang lah betemu dan 4 ikok dari candi itu lah dibenoi, yaitu candi 1, candi 2,
candi 3 dan candi 8. Usaha untuk mbenoi candi ikak lah ade sejak taun 1990 sampai
nearai. Komplek candi ikak ( Bumiayu ) luasnye sampai 75,56 ha dengan batas
luarnye 7 ( tujuh ) ikok sungai paret yang lah surut.

Candi-candi ikak ( Bumiayu ) tu asak uji wang situ “monumen dak benyawe
“, retinye monumen ikak lah ditinggalke oleh wang sekitar situ. Candi Bumiayu
ditinggalke wang kalu oleh banyaknye kekuatan politik Hindu yang kalah oleh
Islam yang ujinye di abad ke -16. Dem tu candi- candi tu rusak trus tekobor tanah
trus ditemuke lagi oleh wang barat E.P Tombrink di taun 1864.

Candi itu dan sistem budayanye lah lenget nian dari ingatan puyang-puyang
disitu. Olehnye ngape cak itu, wang sekitar candi itu be dak kenal lagi dengan fungsi
candi tu untuk ape die. Certie wang yang dicatat oleh wang barat A.J Knaap di taun
1902 ngomong ujjinye candi Bumiayu tu bekas istana kerajaan Gedebong Undang.
Ujinye daerah kerajaan tu luasnye sampai ke modong dan Babat. Uji F.M Schnitger
di due dusun itu ade pule peninggalan Agama Hindu (1934;4), tapi asak ikak lah
lenget gale oleh erosi sungai lematang.

Tambah lagi, candi Bumiayu ikak ade keunikan dewek bagi yang pacak buat
wang datang ke sikak untuk berwisata. Ketue Komisi III ( tige ) Kabupaten Penukal
Abab Lematang Ilir ( PALI) Irwan, S.T. ujinye nyaranke supaye dinas Kebudayaan
dan Pariwisata PALI untuk nyebarke candi Bumiayu supaye terkenal. “ jangan
lewatke nian ade asian game 2018 ikak olehnye itu pastinye banyak wang luo
Penukal Abab Lematang Ilir (PALI) datang ke Sumatra Selatan (SUMSEL), entah
itu dari indonesia ikaklah ape dari luo negeri. Payo, harusnye dari ikaklah kite
sebarke candi Bumiayu supaye terkenal “, uji Politisi partai Golkar ikak.
 2

Bupati Penukal Abab Lematang Ilir (PALI) Ir. H. Heri Amalindo, M.M.
ngomong ujinye pemerintah Penukal Abab Lematang Ilir (PALI) nearai dang
semangat-semangatnye benoi infrakstruktur, terutame jalan nak ke candi Bumiayu
itu supaye lebih mudah asak nak kesitu. “ sehingga ujinye pak Bupati yang datang
ke candi Bumiayu dak cuma Penukal Abab Lematang Ilir (PALI) bae, tapi wang-
wang dari kabupaten/kota lain. Seperti Prabumulih, Muaraenim ,daerah-daerah
laenlah pokoknye”. Trus uji pak Bupati, “ ikak ni pacak jadi yang spesial untuk
candi Bumiayu itu. Kite beharap dengan datangnye pak Menteri Pendidikan dan
Pak Gubernur SumSel pacak mbuat nolong kite nyebarke candi Bumiayu untuk jadi
objek wisata yang paling terkenal di SumSel “. Uji Bupati Penukal Abab Lematang
Ilir (PALI).

Tapi asak uji aku, candi Bumiayu tu memang nk dibenoi nian ape-ape yang
ade disitu. Terutame jalan nak pegi kesitu harus direngkeke dulu pokoke. Olehnye
asak jalannye jat, siapeke galak pegi kesitu, kalu gatek yang galak. Asak uji aku cak
itu pemerintah Penukal Abab Lematang Ilir (PALI) harus serius nian asak nak
nyelesaike masalah ikak.

Jadi, kesimpulannye candi Bumiayu tu sikok-sikoknya candi yang ade di

SumSel, oleh sikok-sikoknye ade di SumSel candi pacak jadi candi yang terkenal
untuk berwisata. Nearai candi Bumiayu dang dibenoi oleh pemerintah Penukal
Abab Lematang Ilir (PALI) supaye lemak dikunjungi wang. Candi Bumiayu ikak
nak dijadike daerah yang paling terkenal di Sumatera Selatan (SumSel) supaye
pacak nambah penghasilan untuk kabupaten Penukal Abab Lematang Ilir (PALI)
dalam pembangunan.