SEKAR ALIT

JENIS JENIS PUPUH

Guru wilangan lan Guru Suara ( Padalingsa) sekar alit.

1. Sinom akeh carik 10 (8a,8i,8a,8i,8i,8u,8a,8i,4u,8a)

2. Ginada akeh carik 7 (8a,8i,8a,8u,8a,4i,8a)
3. Ginanti akeh carik 6 ( 8u,8i,8a,8i,8a,8i)
4. Smarandana akeh carik 7 ( 8i,8a,8e,8a,8a,8u,8a)
5. Mijil akeh carik 7 ( 4u,6i,6o,10e,10i,6i,6u)
6. Pucung akeh carik 6 ( 4u,8u,6a,8i,4u,8a)
7. Durma akeh carik 7 ( 12a,7i,6a,7a,8i,5a,7i)
8. Maskumambang akeh carik 5 ( 4u,8i,6a,8i,8a)
9. Pangkur akeh carik 7 ( 8a,10i,8u,8a,12u,8a,8i)
10. Dandanggula akeh carik 12 (10i,4a,6a,8e,8u,8i,8a,8u,8a,4a,8i,8a)

1) PUPUH SINOM
Ring carike sane linggah
Pantunnyane kantun alit
I cetrung ngelah pianak
Nanging kantun alit-alit
Rauh sang mederbe carik
Sane benjang jagi durus
Kaanyi padi punika
I cetrung sedih ngurimik
Ratu Agung
Kenken jani ban madaya
2) PUPUH GINADA
Eda ngaden awak bisa
Depang anake ngadanin
Geginane buka nyampat
Anak sai tumbuh luhu
Ilang luhu buke katah
Yadin ririh
Liu enu paplajahan

3) PUPUH GINANTI
Saking tuhu manah guru
Mituturin cening jani
Kawruhe luir senjata
Ne dadi prabotang sai
Kaanggen ngaruruh merta
Saenun ceninge urip

4) PUPUH SMARANDANA
Titiang lulus sane mangkin
Tamat ring sekolah dasar
Teleb ngapitut gurune
Pangajahe becik pisan
Sekolahe kalanturang
Sia tiban sane patut
Nganutin program pamrintah
5) PUPUH MIJIL
Dadong dauh
Ngelah siap putih
Ba mataluh reko
Minab ada limolas taluhne
Nanging lacur ada ne nepukin
Anak cerik-cerik
Liwat rusik ipun

6) PUPUH PUCUNG
Bibi anu
Lamun payu luas manjus
Antenge tekekang
Yatnain ngaba masui
Tiuk puntul
Bawang anggon sesikepan

7) PUPUH DURMA
Cai durma pianak bapa paling wayah
Tumbuhe kasih-asih
Katinggalan biang
Jumah cening apang melah
Bapa luas nangun kerti
Ka gunung alas
Idepan bapa mati
8) PUPUH MASKUMAMBANG
Belog tutut
Keto solah nyane yukti
Tusing ngelah daya
Setata gaennya pelih
Nanging tusing ngelah jengah

9) PUPUH PANGKUR
Pan suka mnungguh ring gita
Kala lingsir budal ngungsi negari
Sarwi makta rebab gambuh
Ring margine panes pisan
Langkung aran tarunane sane kadulu
Pamargine sampun jambat
Lesunnya nenten sinipi

10) PUPUH DANDANGGULA

Dandanggula kang pinurweng gending
Nyaritayang
Satuannya sang baka
Winursitaang karane
Solah mapi-mapi sadu
Waluya pandita luih
Majujuk di sisin tlaga
Ring madyaning sekar tunjung
Ngamargiang pangupaya
Ngrana sika
Maketu makamben putih
Teleb teken tapa brata