Syalom/ horas ma dihita sasudena !

Damang/dainang parhalado rap dohot keluarga! Hata ni debata na gabe turpuk jamita
dipartangianganta di enet mai sian Matius 28; 19-20. Na mandok “ laho maho podai hamu ma
saluhut bangso, didi hamu ma nasida tu bagasan goar ni Ama, Anak dohot Tondi Parbadia. Laos ajari
hamu ma nasida mangaradoti nasa hata naung hupasahat tu hamu. Ai ida ma, sai na dongananku
do hamu ganup ari, rasirasa ro ajal ni hasiangan on “

Damang/dainang parhalado rap keluarga dongan sahaporseaon dibagasan goar ni Tuhanta

Jesus Kristus! Molo di Alkitab disurat do perikop na “ perintah untuk memberitakan Injil” molo di
bahasa batakhon “ disuru mambaritahon barita na uli” jadi marhite perikop i ta boto ma lapatan ni
hatai “ adong disuru mangulahon! adong na porlu di ulahon! adong alasan boasa diulahon! Jala
adong sungkun sungkun aha do sibahenon mangulahonsa!

Damang/dainang dongan parhalado rap keluarga, dongan sahaporseaon dibagasan goar ni

Tuhanta Jesus Kristus, molo hita parrohahon na tarsurat i tarida ma alus ni sungkun sungkun i :

1. Di Matius 28 i na disuru mangulahon! ima 11 murid Tuhan Jesus

2. Na porlu ( penting ) di suru diulahon! i ma “ mambahen sude bangso gabe sisean ni Tuhan
Jesus, jala diparidi tubagasan goar ni Ama, Anak dohot Tondi Parbadia”
3. Alasan boasa diulahon! i ma asa ganup jolma dapotan hasintongan dohot hangoluan
(Yohanes 14;6)
4. Songon dia do cara mangulahonsa! Marhite Marjamita,Marsaksi dohot Mangajar.
Damang/dainang parhalado rap keluarga dongan sahaporseaon di Tuhanta Jesus Kristus,
molo mulana na mangulahon murid ni Tuhan Jesus! Dipartingkian saonari hita nama disuru
mangulahon songon na tarsurat di Matius 28. Alai sungkun sungkun, nunga boi jala nunga pantas be
hita ? alus na pantas jala boi ( mampu )! Ala hita nunga be di tabalhon gabe sintua ! jadi romuse
sungkun sungkun aha do cara si bahenonta asa boi matius 28;19-20 tarbahen hita? Alus na marhite
marjamita, marsaksi dohot mangajari!
Damang/dainang parhalado dohot keluarga dongan sahaporseaon di bagasan goar ni
Tuhanta Jesus Kristus na gabe si ulahononta na laho sipatorangon di partangianganta dison ima
taringot tu namarjamita. Jadi ro muse sungkun sungkun boasa hita ingkon marjamita. Alusna........!
1. Alana hita disuru marjamita! 2 timotius 4;2 mandok” jamitahon hatai, hajongjongkon
ditingki na une nang so une, paingot, apoi marhitehite nasa lambas ni roha dohot
pamodaion” Debata mansuru hita songon si Paulus mansuru si Timotius.
2. Ala jolma mardosa porlu mambege hatani debata! Roma 10;17 mandok” Asa sian na
tumangihon do ro haporseaon, ia panangihon i sian hata ni Kristus do”. Damang/dainang
parhalado rap keluarga dongan sahaporseaon dibagasan goar ni Tuhan Jesus Kristus! Sude
jolma nunga mardosa jala porlu haluaon jala haluaon holan adong marhitehite
marhaporseaon tu Tuhan jesus Kistus, asa boi marhaporseaon nasa jolma ingkon mambege
hata ni debata. Roma 10;13-14 mandok “ ai malua do ganup na manjou goar ni Tuhan i,
antong, beha jouon nasida ibana na so hinaporseaan nasida? Behama porsea nasida, ia so
jolo dibege baritana, alai beha begeon nasida ia soadong parjamita “ Damang/dainang
parhalado rap keluarga dongan sahaporseaon dibagasan goar ni Tuhanta Jesus Kristus! On
ma nanidongkon na logika iman/ logika haporseaon sian natarsurat di Roma 10;13-14, i
 sarana “naeng dapot haluaon ingkon manjau, naeng boi manjou ingkon porsea,naeng dapot
porsea ingkon mambege, naeng dapot mambege ingkon adong na marjamita”
3. Alana porlu pagodanghon halak na badia! 1 Petrus 2;2 mandok” songon poso poso na
imbaru tubu uasan ma hamu di susu na tama, naso marlaok , asa lam magodang hamu
horhonon ni i, bahen haluaon”. Damang/dainang parhalado rap keluarga dongan
sahaporseaon dibagasan goar ni Tuhanta Jesus Kristus, marjamita lapatan na pasahathon
hata ni debata tarsongon sipanganon partondion ni jolma asa tubu songon na ni halomohon
ni Debata. Marjamita lapatan pasahathon barita na uli taringot Yesus adalah raja, juru
slamat, Debata jala Tuhan ni saluhut jolma. Marjamita marlapatan panghobasion na mansai
porlu ala barita nauli ingkon tu sude jolma asa malua, Roma 1;17 mandok” ai dipapatar do
disi hatigoran ni Debata, na sian haporseaon, hombar tu na tarsurat hian, na mangolu do
partigor i hinorhon ni haporseaon”, marjamita lapatanna bagian na terpenting
diparmingguan,partangiangan,alana marhite jamita Debata mangkatai tu ruas na, impola ni
parmingguan, partangiangan ni kristen ima jamita, dang adong parmingguan nang
partangiangan molo so adong jamita barita na uli.
Damang/dainang parhalado rap keluarga dongan sahaporseaon di bagasan goar ni Tuhanta
Jesus Kristus marhite partangianganta di borngin on nunga lam tangkas ta boto lapatan ni
marjamita, ala ni i di suru do hita marjamita,ta parade ma dirinta jala lam ta paringgas ma
di rinta manjaha buku na badia i, ala sian buku na badia ido bahan/sumber na laho si
jamitahonon, di pargogoi Tuhanta ma hita jala di lehon ma di hita hapistaran dohot
pangantusion! Martua ma na tumangihon hata ni Debata jala na umpeopsa! Amin
Matius 28;19-20 “ karena itu pergilah, jadikanlah semua bangsa muridKu dan baptislah
mereka dalam nama Bapa dan anak dan Roh Kudus, dan ajarlah mereka melakukan segala
sesuatu yang telah kuperintahkan kepadamu. dan ketahuilah, Aku menyertai kamu
senantiasa sampai kepada akhir zaman”
Yohanes 14;6 “ kata Yesus, Akulah jalan dan kebenaran dan hidup,tidak ada seorangpun
yang datang kepada Bapa, kalau tidak melalui aku”
2 Timotius 4;2” Beritakanlah firman, siap sedialah baik atau tidak baik waktunya,
nyatakanlah apa yang salah, tegorlah dan nasihatilah dengan segala kesabaran dan
pengajaran”
Roma 10; 13-14” sebab barang siapa yang berseru kepada nama Tuhan , akan
diselamatkan.Tetapi bagaimana mereka dapat berseru kepadanya, jika mereka tidak
percaya kepada Dia! Bagaimana mereka dapat percaya kepada Dia, jika mereka tidak
mendengar tenteng Dia! Bagaimana mereka mendengar tentang Dia! Jika tidak ada yang
memberitakanNya!”
Roma 10;17” jadi,iman timbul dari pendengaran dan pendengaran oleh firman Tuhan”
1 Petrus 2;2” dan jadilah sama seperti bayi yang baru lahir, yang selalu ingin akan air susu
yang murni dan yang rohani, supaya olehnya kamu bertumbuh dan beroleh keselamatan”