Bahan Sermon PJJ 02 Mei – 08 Mei 2021

Ogen : I Korinti 1 : 10 – 17.

Tema : Tetap Ersada Ibas Kristus. ( Nilahken Mara Sosial )

Kata Penaruh.

Sedar entah la sedar, kita nggeluh ibas doni si dem perlumbaan nggeluh. Manusia erlumba erkiteken sumber
daya alam e terbatas, waktunta guna ngenanami sumber daya e pe terbatas sedangken manusia harus
berjuang guna memenuhi kebutuhen geluhnaa. Abraham Maslow encidahken hirarki kebutuhen manusia.

Ibas tep-tep hirarki pencapaian kebutuhen nggeluh e, manusia harus berjuang ras erlomba guna ndatkennca.
Perjuangan entah perlombaan e banci saja berubah jadi mara sosial ( Bencana Sosial). Bencana Sosial entah
pe mara sosial eme bencana siakibatken peristiwa atau serangkaian peristiwa sinilakoken manusia, misalnya
konflik antar manusia atau konflik sosial antar kelompok masyarakat. Perjuangan entah pe perlumbaan e jadi
mara sosial dikune manusia enggo menekanken perbedan-perbedan si lit ibas kegeluhenna.

Ibas kegeluhen manusia mbue kal perbedanna. Perbedan ibas pendirian, perasaan, nilai hidup, kepentingan
latar belakang sosial, budaya, Situhuna, perbedan e me hal si wajar. Tapi, perbedaan banci jadi perselisihen
tupung sada kalak entah sada pihak menekanken entah pe erpengakap maka dirina me si “lebih” asangken
kalak si deban entah pe pihak si deban. Kalsk si deban entah pe pihak si deban “kurang” ras salah.
.Sebalikna, kalak si deban e, la bage saja setuju nandangi pihak si pertama,, malah pihak kedua e pe
erpangakap pihak pertama e nge si kurang dingen salah. Perselisihen e jadi perpecahen tupung masng-masing
pihak enggo mengkonsolidasiken gegehna (si jadi korban, kita senasib – sepanangungen, lanai terpisahken,)
guna memenangken perselisihen e ras secara terbuka enggo mengkristalisasiken pihak yang lain sebagai
lawan (si jadi pelaku, bali nge ia kerina, la lit nari si benar ia) si arus italuken. Perpecahen dungna banci saja
jadi kekerasen tupung enggo ipake alat-alat si bersifat kekerasen guna memenangken pihakna, misalna alu
make kata-kata cacian, makian atau senjata.

Arah bahan PJJ-nta enda kita iperlengkapi segelah kita tetap banci nggeluh ersada amin gia kita nggeluh ibas
situasi kegeluhen si dem perjuangen entah pe perlumbaan.

Penaruh Kerna Kitab I Korinti.

Kota Korintus jadi i kota pelabuhen si penting ibas salah sada rute si meriah i Laut Tengah. Ibas kerehen
Paulus ku Korintus, kota e jadi salah sada kota mbelin Romawi ras kota si makmurna ibelenag-belang
Yunani.1 Sebage kota pelabuhan ras jalur perdagangan, kota Korintus iingani beranekaragam golongan
masyarakat.2 Penyair Alciphron, nggambarken kota Korintus alu ngataken, “lebih memilih tinggal di Athena
dari pada kota mewah Korintus, dimana di kota Korintus orang kayanya tidak tahu malu dan orang
miskinnya sangat menyedihkan / susah sekali.3 Gronen nggambarkan kota Korinti sebage kota majemuk,

1
Ben Witherington III, Conflict and Community in Corinth : a Socio-Rhetorical Commentary on 1 and 2 Corinthians,
(Michigan:Wm. B. Eerdmans Publishing Co, 1995) h.5-6.
2
John Drane, Memahami Perjanjian Baru Pengantar Historis – Teologis, (Jakarta:BPK Gunung Mulia, 2000) h. 350.
3
Robert M. Grant, Paul in the Roman World the Conflict at Corinth, (Kentucky:Westminster Knox Press, 2001) h.14-15.
bage pe ibas bidang agama. Segala macam agama, aliran dan kepercayaan ndatken pendukung ras penganut
kota Korintus.4

Secara khusus kita banci ngangkai ise si jadi jemaat Korinti enda. Ibas 1 Korint1 1:26, ikataken, “la piga kam
si pentar, ntah erkuasa, ntah pe kesusuren kalak si mehaga rikutken anggapen manusia”. Ibas I Korinti 11:21,
khususna ibas Lakon Persadan Si Badia, teridah maka lit kalak si lumben ras lit kalak mabuk perban besur.
Arah litna pemindon penampat man perpulungen Korinti ( I Korinti 16), kita ngangkai maka perpulungen
Korinti lebih erkecukupen asa perpulungen si deban. Ibas I Korinti 6: 9-10, ituriken kerna lagu si la mehuli.
Ibas ayat 11, Paulus ngataken “Nai lit piga-piga kalak i bas kam sibage”. Bagenda me kita kita erbage-bage
perbedaan si lit ibas perpulungen Korinti. John Drane ngatakan maka labo mengherankan adi kalak si
berlatang belakang rohani, intelektual yang begitu berbeda, masing – masing membawa gagasan dan ide –
ide yang berlainan. Orang – orang Kristen baru ini merenungkan bagi diri mereka sendiri implikasi –
implikasi dari iman Kristen mereka, dan dengan sendirinya memperoleh jawaban yang berbeda - beda.
Akibatnya maka di Korintus terjadi perpecahaan.5

Penaruh Kerna Ogen.

Golongen –golongen e labo hanya erkiteken si pemimpinna entah si mperidikenca, tapi nuduhken pola pikir
ras praktek kegeluhenna. John Drane nuduhken maka permasalahen si lit e erkiteken litna perbedaan
perukuren ras praktek kegeluhen si iwakili tep-tep. Golongan Paulus entahpe “libertine”, eme kalak si enggo
megi kotbah Paulus kerna kemerdekan Kristen, ras muat kesimpulen maka kenca kalak enda mereken respon
man Injil, kalak enda enggo merdeka ngelakoken si ngena atena (I Kor. 5:1-13). Golongan Kefas entahpe
golongen legalistik. Golongan ini erpendapat maka kegeluhen kalak Kristen arus tetap ngikuti hukum
Taurat alu ketat, subuk upacara agama bage pe moralna. Kalak enda mpersoalken man pangan si enggo
ipersembahken i kuil-kuil ( I Kor. 8 – 9 ). Golongan Apolos entah pe golongen filsuf. Golongan enda
engataken maka ibas ia lit kepentaren si meganjangna (I Kor. 1: 18 – 25 ). Golongan Kristus entah pe
golongen mistik. Golongen si ersura –sura nggejapken secara langsung hubungen ras Kristus jine, bali ras
hubungen ibas kiniteken perbegu si enggo pernah idalanina. (I Kor. 12:2). 6 Perbedan-perbedaan enda masih
dalam tingkat perselisihen, lenga seh ku perpecahen. Willi Marxsen ngatakenca maka la lit bukti kerna
perpecahen si tuhu-thu i bas jemaat Korinti. Amin gia lit perbedan-perbedan, kinatana kalak enda tetap
pulung ras-ras. ( I. Kor. 11: 17- )7

Nandangi situasi enda, Paulus ningetken maka makna Baptisen si enggo ialoken perpulungen Korinti labo
erkiteken ise si ngelakoken Baptisen e. Baptisen si nilakoken “ I bas gelar Tuhanta Jesus Kristus” enda me
sada-sadana makna si erbahanca perpulungen Korinti banci ersada kata kerina, ersada ukur ras ersada sura-
sura. Paulus ngingetken maka perpecahen e erbahanca “lasam kematen Kristus i kayu persilang.”

Pengkenaina.

Kita nggeluh ibas doni si dem perlombaan ras perjuangan si banci meningkat ku bas perpecahen. Keadaan
enda pe banci saja mempengaruhi kegeluhen ngawan-ngawan perpulungen. Perselisihen ibas kegeluhen
ngawan-ngawan perpulungen banci saja semakin meningkat. Erkiteken si e tetap dage si inget makna “kayu
persilang Kristus” dingen Baptisen si mpersadaken kita ku bas kematen ras kekeken Kristus. Alu natap ku
bas kayu persilang Kristus kita ngasup saling memahami, saling menerima dan saling mendukung ibas
kegeluhen enda. Labo perbedaan sinitekanken kita, tapi persadaan si enggo ibahan Kristus arah kayu
persilangNa. Erkiteken si e me maka kita ngasup “ Meteruk min ukurndu, lemah lembut dingen saber. Ola
kam pergelut sapih-sapih kam, erkiteken kekelengen si lit i bas kam.” ( Rfesus 4: 2) Persadaan si enggo
ibahan Kristus ibas kayu persilang me si erbahanca kita banci nilah ibas mara sosial nari.

Bujur.

4
P.Dr. C. Groenen.OFM, Pengantar Ke Dalam Perjanjian Baru Mengenal Latar Belakang Dan Tiap – Tiap Karangannya, Kanisius,
1984,hal.227-228.
5
John Drane, Memahami Perjanjian Baru, h. 350-351.
6
John Drane, Memahami Perjanjian Baru, h. 351-352.
7
Willi Marxsen, Pengantar Perjanjian Baru,h.82.