Ghumah Baghi

Segale gawi dilakukah berawal sandi ghumah, base ghumah kami ni ghumah
enjokkan sandi jeme tue lakiku,makini lakiku lah matek anye …ade beberapa jeme
nek lah nak mbeli ghumah ini anye takut kualat dighini.
Ghumah kami ni ade didusun Tegurwangi diketeng gunung dempo pagaralam
sumatera selatan,ghumah kami bediri tegak ditengah amparan sawah pangke
menguning,jeme besemah ngicekkah ghumah kami nih ghumah baghi tuape ghumah
nih la lame digunekah sejak beratus taon uleh nineng muyang.
Ciri khase ghumah baghi ni dek bedie jendile anye ade sijat daun duare di
purok tengah, daun duare tebuat sandi kayu nga engsel mirep sumbu nye yang ade
dipucok nga dibawah daun duare, ade pule ciri khas nye atap pucuk e seragi nge
ghumah jeme minang atau jeme toraja anye dide runcing nian,,pucuk e tuh tebuat
sandi ijuk atau serabut batang nga kerangkenye tebuat sandi buluh.
Negakkah bangunannye tuh ngunekah pasak yang nyatuhkah bagian
rangka,alapnye ghumah baghini dide makai paku ndek masangkah lembaran papan
dindeng cukup nebok i alur kerangka dindeng kandek kuncinye.ghumah baghi nih
dide bedie sekat atau kamar, didalam nye ade ruangan 2 tingkat saje,purok yang tinggi
digunekah ndek badah duduk meraje yaitu keluarge sandi turunan lanang,purok
bawah digunekah ndek anak belai yaitu keturunan muanai nga laki dan anak
cucong,jadi nurot penempatan tekinak lah bahwa masyarakat adat besemah nganut
garis keturunan lanang.
Ghumah baghi tebuat sandi tige ukuran ade kecik,sedang dan besak,bahan
bakunye tebuat sandi kayu pulai yang ade diutan,kate jeme dulu ngatekah kayu pulai
tuh dibatak oleh roh halus yang dipantau oleh pemilik ghumah yang nak bangun
ghumah tuh,ade pule ngatehkah dibantu oleh hewan ternak umpamenye sapi atau
kerbau.
uleh sebab itulah ghumah baghi dikatehkah ghumah yang punye daya cipta
dan seni yang sangat tinggi, tercermin sandi bentuk fiseknye dan or nament yang ade
pada eksterior dan interior bangunan ghumah yang ade di dusun tegurwangi, untuk
itu dibutuhkan perhatian lebih dari pemerintah daerah dan masyarakat luas untuk
terus ngejagenye dan melestarikan kekaye an salah sijat kebudayaan nusantara yang
adi luhung ini.