Nama : Ni Kadek Sinta Oktakiani

No Absen : 30

Kelas : X.3

Basa Bali Pinaka Angge

Ngrajegang Budaya Bali

Om Swastyastu,

Inggih Ida Dane Sareng Sami, sadurung titiang ngelantur Matur-atur ngiring sareng
sami ngaturang suksamaning manah majeng ring Ida Sang Hyang Widhi Wasa, duaning
wantah sangkaning asung kerta wara nugraha Ida, mawinan iraga prasida mapupul ring galah
sane becik puniki. Sane mangkin titiang jagi ngaturang pidarta Sane memurda “Basa Bali
Pinaka Angge Ngerajegang Budaya Bali”.

Ida dane sane wangiang titiang. Bali sampun kaloktah kantos ka dura negara. Napi
mawinan kadi asapuniki? Sane ngawinang kadi asapuniki inggih wantah keasrian seni lan
budaya Baline, seni budaya Baline punika minakadi, seni tari, seni tabuh, seni sastra, basa
Bali miwah sane siosan. Iraga pinaka alit-alit, truna-truni Bali patut pisan ngemban utawi
miara keasrian jagat Baline, pamekan ngelimbakang ngewerdiang seni budaya druene
mangda sayan ajeg, sayan asri, miwah sayan nudut kayun.

Inggih Ida dane sane kusumanyang titiang, mungguing sastra kawi pinaka, sampun
kapastiang prasida sekadi pengancan sajeroning ngwangun jagat Indonesiane
ngemangguhang sekadi tatujon jagat kertha raharja Gemah Ripoh loh Jinawi. Raris sane
mangkin wenten pitaken, sapunapi antuk minabdabin ring sajeroning ngelimbakang
ngewerdiang dasa kalih sastra Bali punika?.

Inggih, kemanah antuk titiang, wenten kekalih pemargi sane keanggen ngewerdiang
basa kalih sastra kawi druene, Inggih punika sane kawastanin Pendidikan Formal miwah
Pendidikan Informal. Ring sajeroning Pendidikan formal paplajahan basa baline sampun
ngranjing ring kurikulum sekolah SD, SMP, SMA, SMK, miwah ring perguruan tinggi,
minakadi Fakultas Sastra miwah ring STKIP Agama HIndu. Punika nyihnayang utsaha sane
becik, utsaha sane mabuat pikenoh ipun sajeroning ngewerdiang kalih, ngelimbakang basa
miwah sastra Baline. Mungguing ring Pendidikan Informal, basa miwah sastra Bali punika
ngalimbakang minakadi sajeroning semeton Ida dane sinamian, dadia banjar, desa, ring
sajeroning saka truna-truni pesantian miwah sane siosan.

Inggih Ida dane sane banget tresnasihin titiang, sane mangkin akeh pisan alit-alit
ngangge bahasa indonesia, silih sinunggih alit-alit sane magenah ring kota-kota. Wenten
malih alit-alite mangkin sane ngaggon basa Baline kasar. Ida dane sinamian. Iraga pinaka
krama Bali puniki, patut pisan ngelestariang basa kalih sastra Bali puniki, malarapan antuk
ngangge basa Bali yening mapiucap sareng biang aji ring jero, sareng timpal-timpal ring
sekolah, banjar, dadia miwah sane siosan, sareng bapak ibu guru miwah sane lianan.

Inggih ida dane sane banget wangiang titiang, ngiring pineh-pinehang. Iraga pinaka
krama madue tanggung jawab ngewerdiang miwah ngelestariang seni budaya druene. Ngiring
sareng-sareng ajegang Budaya Baline mangde sayan asri.

Inggih wantah kadi asapunika pidarta sane prasida aturang titiang dumogi wenten
pikenohnyane. Ten lali titiang ngaturang geng rena sinampura menawita wenten atur piatur
titiang sane nenten manut ring arsa, pinih untat puputang tiang antuk Parama Santih,

Om Santih, Santih, Santih Om.