JUDUL : NIKAH SASUKU

Tema : Karma Melanggar Hukum Adaik

Tokoh :
1. Rachil Islami Ikhsan (ayah upiak)
2. Vanisa Alfia Nola (amak upiak)
3. Nazhifa Ermimes (upiak)
4. Rifky Geovany (buyuang)

*Dendang*

Mulo….sagalo…
Utang nan banyak….
Cukuik rombongan…
Kasadonyo….2x

Jari sapuluah…
Nan kami susun…
Rila jo maaf….
Kami minta….2x

*Awalan*

Mancuci sarawak diateh papan…

Pulangnyo langsuang ka ladang…
Salam jo sambah kami sampaikan…
Untuak dewan juri dan tamu undangan ban alah datang..
Kami ucapkan assalamualaikum wr.wb

Pai baralek ka simpang kanan

Pai mandaki ka gunung talang…
Judul nan nio kami sampaikan
Nikah sasuku larangan adat Minang.

*Dialog*
Buyuang : Hallo yang dima kini?
Upiak : Di umah yang manga tu?
Buyuang : Basobok wak nah yang
Upiak : Dima yang?
Buyuang : Di taman
Upiak : Jadih yang

*Dendang*
“Upiak jo buyuang basuo di taman. Di cigok dek gaek si upiak”

*Dialog*
Upiak : Hai yang
Buyuang : Hai
Ayah Upiak : Upiak buyuang!! Manga kalian disiko???
Upiak : Kami basobok ajo nyo bak
Ayah upiak : Basobok cek kau, apo cek urang kampung mancaliak kalian baduo disiko?
Buyuang : Tasarah kecek urang kampung lah. Nan pantiang kami nak malanjuikan
hubungan kami ko. Kok ka nikah nikah.
Ayah upiak : Haaa nikah cek ang..

“Pai mamancing ikan sapu-sapu

Sawah tabantang di tapi muaro
Kalian baduo sasuku
Indak bisa untuk basamo…”

Upiak : Tapi awak cinta ka inyo bak. Awak indak bisa hiduik kalo indak jo inyo.
Amak upiak : Ondek nak. Ndak buliah bak itu do. Kalian tu sasuku ndak bisa basamo.
Masih banyak laki-laki di lua sinan nan masih bisa kau nikahi.
Upiak : Tasarah kami lah nan pantiang kami nak malanjuikan hubungan kami.
Ayah upiak :
“Batalon mangkok bajalan
Mufakain mangko bakato
Indak bisa hiduik sasuku kalian
Hiduik di Minang turuik aturannyo..”

Dima bumi dipijak disitu langik dijunjuang…

Buyuang : Mangkok dari itu, bialah kami mamijak bumi nan lain manjunjuang langik
nan lain
Ayah upiak :
“Tasabuik urang bunian
Bialah tarang di tapi Rambang
Kato nan bana indak baturuikan
Kini kalian lah tabuang ka tanah lakang…”

Amak upiak : Tapi amak indak ridho piak. Cilako nan kau dapek kalua kau Pai juo
Upiak : Tapi upiak lah manimang-nimang Mak setuju ndak setujunyo Amak abak jo
penduduk kampuang, kami akan malanjuikan ka manikah
Amak upiak : Upiak, jan tinggaan amak piak…

*Dendang*
Duo bulan lah balalu upiak jo buyuang dapek karma 2x
Upiak : Uda baa capek bana Uda pai da
Kecek uda sakik sanang awak basamo, tapi baa sacapek itu bana uda pai
Uda jagolah da baoklah upiak pai da
Amak maafkan upiak mak. Upiak emang nak durhako mak. Tolong maafkan upiak mak.
Amak upiak : Amak inda bisa mangecek banyak piak sabab Tuhan lah ma agiah pelajaran
bagitu kareh ka kau. Kini tagak lah nak tolonglah nak jadi gadih Minang nan labiah elok
kedepannya.
Upiak : Jadih mak, upiak akan manjadi gadih Minang nan elok kedepannyo lai.

*Dendang*
Cukuik sakian randai kami. Rila jo maaf kami minta.