BAHAN LITURGI PERAN RENA HKBP PARTALI JULU

DESEMBER 2022
=====================================================================================

I. PANOMPAON NI DEBATA DI NASA NA ADONG :

Musik : O Debata tung longang do rohangku
Soara : Sian sangkap ni Debata do jadihon Ibana sude na adong diportibi on. Di bagasan
onom ari do di tompa ibana sude na di portibi on, uli singkop soada na hurang
1. Panompaon ni Debata di portibi on (Globe)
Soara : (Gemuruh) Ari Parjolo di tompa Debata langit dohot tano on. Parjolo do ditompa
Debata tano I, asa adong inganan parmianan ni angka na tinompa na asing i. Holom
dope portibion laos di tompa Debata ma na tiur, goar ni na tiur I aian, goar ni na
holom I borngin.
Pemeran : (Mamboan Globe…mardalan nanget-naget tu altar)
2. Panompaon ni Debata di hajang hajang :
Soara : (Gemuruh) Ari paduahon : Mangulantap dope aek I di sisik ni hasiangan on, laho
manirang aek na di tano on dohot na di ginjang di tompa Debata ma hajang hajang
ima langit na manirang aek na di tano on dohot na di langit i
Pemeran : Mambuan gambar ni langit di bagas kertas na bontar, laos mardalan ma ibana tu
Altar
3. Panompaon ni Debata, tano dohot laut dohot nasa suan suanan
Soara : (Angin – Air ) Ari patoluhon : Dang adong dope parsirangan ni aek dohot darat, dungi
disirang Debata ma aek na di darat dohot na di laut I gabe adong ma darat, laos disi
ma di tompa Debata angka suansuanan na marragam i
Pemeran : (mamboan tano, aek dohot ranting ni hau, bunga di bagasan pot, mardalan mamnuju
Altar.)
4. Panompaon ni Debata di matani ari bulan dohot bintang.
Soara : Ari paopathon : Laho manondangi portibi on di tompa Debata do panondang, ima
mataniari, bulan dohot bintang, saluhutna I di tompa Debata manondangi portibi on,
jala asa adong hangoluan di angka na tinompa na asing i
Pemeran : (Mamboan gambar ni mata ni ari bulan dohot bintang, laos menuju Altar.)
5. Panompaon ni Debata di bintang, dengke, pidong
Soara : Di ari palimahon : Asa tung singkop na ringkot di jolma I, di tompa Debata do angka
dengke, pidong, mansai marragam saluhutna I di tompa Debata marguru tu ringkota
dohot lomo ni roha ni Debata
Pemeran : (Mamboan : ikan mas, ayam, boneka binatang.)
6. Panompaon ni Debata di jolma na parjolo I, (Adam dohot Hawa)
Soara : Dung singkop ditompa Debata angka na ringkot di jolma I, ditompa Debata ma jolma I
tumiru rupana tu dos tu pangalahona. Di buat Debata ma orbuk ni tano I, di tompa
ma tumiru rupana, di ombushon ma hosa hangoluan gabe mardaging na mangolu.
Talalap modom ma si adam, dungi dibuat Debata ma holi holi sian rusukna sian ma di
tompa si Hawa. Di pasu pasu do nasida, asa marpinompari jala dilehon do huaso tu
jolma na parjoloi asa mangarajai di angka na tinompa ni Debata
Pemeran : (Si adam marlan di porlak eden, laos tarpodom, di dapithon si hawa, laos mardalan
nasida padua marnida haulion porlak i.

II. HADADABU NI JOLMA I TU BAGASAN DOSA :

Musik : Ale amang asi roham di au pardosa on
Soara : Sonang do si adam dohot si hawa di porlaok I ai tung singkop do di bahen Debata
angka na ringkot di nasida. Alai di tingki na sonang I do ro sibolis I mangela ela roha
nasida, mandok boi do panganon nasida hau na diparsintongan ni porlak I, asa
doshon Debata nasida. Hape nunga di dok Debata hian, dang jadi jamaonna, jala
dang jadi panganonna sian parbue ni hau na di parsintongaan ni porlak i
1. Adam dohot si hawa sonang di porlak eden I
Peran : (Adam dan hawa mardalan di tonga ni porlak I mamuji na tinompa ni Debata)
2. Tarlalap modom do si adam di tonga ni porlak i
Peran : (Adam tarpodom, tinggal si hawa (menari)
3. Di dapaothon ulok I si hawa laos di husipi
 Suara : (Gemuruh) Hawa….hawa….hawa…. jadi panganonmu sian parbue na di Porlak I, asa
doshon Debata hamu
Peran Hawa : (Menolak)
Suara : (Gemuruh) Buat ma, pangan ma, asa doshon Debata hamu)
Peran Hawa : (Mamereng parbue ni hau i) Laos di putikhon)
4. Di buat si hawa ma parbue ni hau I di boan tu sinondukna, laos rap nasida mamangan
Soara : (Angin) Nunga diputikhon si hawa be parbue ni hau I, laos di pasahat tu si adam asa
rap manganhon parbue ni hau nasida
Peran Hawa : (pasahathon parbue ni hau tu sia adam)
Peran Adam : (manjua)
Peran Hawa : (mangelek si adam asa dohot manganhon parbu ni hau i)
Peran Adam : (Ragu) alai di ujungna di jalo laos di pangan
5. Soara ni Debata na mandabu uhum tu si Adam, si Hawa dohot tu ulok ,
Soara : (gemuruh, Guntur) Jo adam, jo adam di dia do Ho ?
Peran : (Adam Hawa mabiar)
Soara : a. (gemuruh, Guntur) Jo adam, jo adam di dia do ho ?
b. Hubege do nian soram Tuhan, alai mabiar ahu.
a. Boasa mabiar ho ? Ala dilaosi hatangki, na so jadi panganon mu sian parbue ni
hau na di parsintongaan ni porlak I, hape nunga di laosi ho. Hona uhummu ma.
b. Boru-boru na nilehon mi do na mangela ela au umbahen hupangan.
c. Ulok I do na paoto oto au umbahen hapangan
Soara : (gemuruh, Guntur) Ala nunga silaosi patik ni Debata huna uhum do hamu ala ni
pangalaosionmuna
a. Adam : Ala di tangihon ho soara ni jolmam, mangalaosi na hupatikhon I : Hona
torungku ma tano on ala ni hoporsuk ma ahaponmu manganhon gogona
saleleng di ngolum. Pantubuhononna ma di ho angka duri-duri dohot duri duri
na marsuga suga, angka ingku na di lading I nama panganonmu. Ingkon hir
hodokmu manganhon sipanganonmu, paima mulak ho gabe tano
pambuatanmu hian, ai tano do ho jala tu tano do ho mulak sogot.
b. Hawa : Ganda situtu bahenonku parniahapanmu saleleng gabegabean ho;
bernit taononmu laho manubuhon anakkonmu, sinondukmu na ma ihutanmu,
jala ibana mangarajai ho.
c. Ulok : Ala dibahen ho songon i gumodang ma torungku tu ho sian tu nasa
pahanpahanan dohot sian tu nasa na manggulmit di ladang. Butuham na ma
jururhononmu, jala orbuk panganonmu saleleng di ngolum. Jala bahenonku ma
parbadaanmu dohot boruboru i, ro di pinomparmu tu Pinomparna. Ibana
mangalisathon ulum, gabe pargutonmu tambihulna.
6. Di lele surusuruan ni Debata nasida sian porlak i
Soara : Ndang di loas Debata be nasida tinggal di inganan na sonang I, dipalao Debata ma
nasida sian porlak eden I jala di jala surusuruan herubim manjaga porlak I, unang
mulak siadam tu porlak i.
Peran : 1. (Surusuruan herubim, marpodang mangalele sia adam dohot si hawa laos manjaga
porlak i)
2. (Adam hawa, mabiar laos maninggalhon porlak i.)
Musik : Andung
Tarian : (Panolsolion)

III. SORA NI PANURIRANG NA MAMBAGABAGAHON HARORO NI SIPALUA I

Musik : Advent, advent
Soara : Porsuk do ngolu ni jolma na di bagasan dosa I, dang tarhatahon, sega na niula, turun
arga ni cabe so marhasoan be. Niula do nian sude alai ndang manjadi tung tu ise
nama iba mangalu alu, ndang marhasoan be ngolu on, ala na di bagasan dosa i
Peran : (Jualan sayur, cabe, ro pe jolma holan mamolus)
Soara : Ro do parsahiton, so tartaon be, tompu tompu do saluhutna, tompu do ro covid 19
tung godang do na monding : dang boi be marpesta, tu gareja, singkola, amang tahe
hansit ni nama saon ala ni dosa i.
Peran : (Berjalan…lunglai jatuh jala mate)
Soara : Dipalumehon Debata do nian di iba ianakhon, alai ida ma…dang sioloi ajar,
pinaborhat do singkola alai holan hagiot ni rohana di olo i : marisap, narkoba mabuk,
 nasip hi na margelleng I i. Tung tu ise nama iba mangalu alu, soadong be nab oi
palumbanghon roha. Hansit na I ngolu na di bagasan dosa i
Peran : (sahalak parsingkola manghadang tas, narkobaon, mabuk marlan hira na naeng
tinggang)
Soara : Lalooo…lalo. Suhul….suhullll. Tu dia nama hita lao, nunga di hutol portibi on.
Godangjabu na marumpak, sega dang boi hainganan, tu dolok pe iba dang sonang di
rura pe iba dang sonang, gok biar do ngolungkon. Hansit na I ngolu na di bagasan
dosa I, gok biar do ngolui

Rumang ni ngolu na mambege soara ni panurirang I :

Suara : Di hahansiton ni parngoluon ni jolma ala ni dosa I, dang di pasombu Debata jolma I di
bagasan dosa , Di parbaga baga Debata do haroro ni Raja Sipalua I, na manobus jolma
I sian saluhut dosana. Di topot do jolma I paboahon barita las ni roha I, alai songon
dia di panjangkon jolma I di soara ni panurirang I ?
Peran : (Partonun…….dang parduli di soara ni panurang i)
Soara : Jesaya : Hehe ma ho! Marsinondang ma ho! Ai na ro ma panondangmu, jala
hamuliaon ni Jahowa binsar di atasmu. Ai ida ma, haholomon do manghungkupi tano
on, jala hagolapon angka bangso; alai na binsar ne ma Jahowa di atasmu, jala
marsinondang hamuliaonna di atasmu. Jadi dapothonon ni angka bangso parbegu ma
panondangmu dohot angka raja mandapothon sinondang naung binsar di ho.
Patonggor matam mamereng humaliang! Luhut ma nasida marrongoman ro
mandapothon ho. Angka anakmu ro sian na dao, dohot angka borum
abingabingonna.
Peran : (Marcatur…..di tangihon alai di tulak)
Soara : Hesekiel : Jala naposongku * si Daud gabe raja gumomgom nasida, gabe sasadasa
siparmahan di nasida luhut, jadi * marparange ma nasida di bagasan angka uhumhu,
jala radotannasida ma angka patikku huhut ulahononna.
Peran : (Manduda Mamiari boras…..di tangihon…jala di ihuthon panurirang i)
Soara : Mika :Alai anggo ho, * ale Betlehem Eprata, mametmethu do ho nian anggo tung
pola jujuron tu angka huta marriburibu di Juda; hape sian ho do haroroan ni na
gabe panggomgomi di Israel, jala * angka haroroanna sian na nahinan, sian angka
ari na robi salelenglelengna.
Peran : (Partigatiga di tangihon alai dang parduli)
Soara : Jeremia : “Jala patindangonku tu nasida parmahan angka na marmahan nasida, asa
unang be tahuton nasida manang tarsonggot, jala ndang mago nanggo sada, ninna
Jahowa. Ida ma, na ro do angka ari sogot, ninna Jahowa, patindangonku ma di si
Daud * sada tumbur na tigor, na bangkit * raja jala na pistar, jala hajongjongkononna
ma uhum dohot hatigoran di tano i.

IV. HARORO NI SIPALUA I IMA HATTUTUBU NI YESUS :

Musik : Sonang ni borngin na i
1. Parmahan di ladang efrata
Soara : Sonang do parmahan di lading Efrata manjagai biru biruna, ala naung robot borngin
laos di inganan parmahanan I nama nasida tarpodom huhut manjagai biru biru
pinarmahanna i.
Peran : (Parmahan manogunogu birubiruna tu panjampalan I, laos tarpodom
2. Panjangkonon ni huta Betlehem di si Josep dohot si Maria
Soara : Hombar tu surat na sian Kesar agustus, mandok : Ingkon pasurathon dirina be tu
ganup tu bona ni pinasana. Borhat do si Josef dohot oroanna si Maria tu Luat Yudea,
ala sian marda dohot pomparan ni si Daud nasida. Nunga gabegabean si Maria sian
Tondi Porbadia. Nanget nanget ma nasida nangkot tu hutia, ala nunga robot bongin.
Di tuktuhi nasida do ganup bagas, anggiat adong inganan parmianan nasida. Adong
do na manulak, na manjua, adong marsuru nasida tu bara ni pinahan.
Peran : (Di togutogu si Jose psi Maria…Manuktuhi jabu : Tok..Tok..Tok…., haluar parjabu.
Josep: “atik tung rade rade rohamuna manjangkon hami mian di bagas muna on,
nunga robot borngin”. Parjabu: “ndang adong be inganan di hamu, tu jabu na asing
an ma jalahi hamu”. Si Josep dohot si Maria borhat manopot bagas na asing. Tok…
tok…tok… Haruar parjabu. Josep : “atik tung rade rade rohamuna manjangkon hami
mian di bagas muna on, nunga robot borngin”, nunga loja inanami on, jala
gabegabean ibana”. Parjabu….”Maaf ma jo amang inang….ndang adong be inganan
 na rade di bagas on….alai molo rade rohamu, di balian an, adong do bara ni
pinahan, tu si ma hamu marborngin”….Josep “mauliate inang…tu si pe hami
marborngin.
Suara : Ndang jumpang nasida bagas parbornginan I, tu bara ni pinahan I nama nasida
marborngin, laos di bara ni pinahan I, sorang ma Tuhan Jesus di borngin na holom i
Peran : (Di togu togu si Josep si Maria mandapothon bara ni pinahan i. Dung sahat nasida tu
inganan I, hundul…sorang ma Tuhanta Jesus. Dua surusuran tu inganan I, (tarian
malaikat)
Musik : Sonang ni borngin na i
3. Parmahan di ladang efrata : Boa boa tu parmahan I naung tubu Jesus i
Soara : Dang tu na mora, ndang tu parpangkat boa boa parjolo hatutubu ni Tuhan Jesus I, tu
na lea I do, parmahan na di lading Efrata, tu si do ro surusuruan ni Debata paboahon
naung tubu Jesus Kristus i. Unang mabiar hamu; ai barita halalas ni roha godang do
huboan tu hamuna, parsaulian ni sandok bangso i.
“Ai naung tubu do di hamu saborngin on, di huta ni si Daud, Sipalua i, i ma Kristus,
Tuhan i! On ma partinandaan di hamu: Posoposo do dapotonmuna, na binorhos peak
di panggagatan.” Hasangapon ma di Debata di ginjang, dame ma di tano on, di
angka jolma halomoan i.”
Masipandohan do angka parmahan I mandok : “Beta ma hita tu Betlehem, taida ma na masa
on, na pinabotohon ni Tuhan i tu hita!”
Jadi hatop ma nasida laho tusi, gabe jumpangsa si Maria dohot si Josep dohot
Posoposo i, na peak di panggagatan i. Asa dung diida, dibaritahon nasida ma boaboa,
naung dihatahon tu nasida taringot tu Dakdanak i. Jadi sude na umbegesa, longang
be do siala na hinatahon ni angka parmahan i tu nasida. Ia si Maria, dipeop do hata i
sudena jala dipahusorhusor di bagasan rohana. Mulak do angka parmahan i,
dipasangap jala dipapujipuji do Debata ala ni sasude na binege jala na niidanasida,
songon naung dihatahon i tu nasida.
Peran : Parmahan manangihon soara ni surusuruan i

4. Paroha sian purba borhat mamereng poso poso na sorang i

Musik :
Soara : Barita hatutu ni Tuhanta Jesus, sahat do tu si Herodes. Di suru ibana do parroha sian
pur ba tu huta Betlehem laho mandiori dakdanak I, di dok do :
“Laho ma hamu tu huta Betlehem, diori hamu ma dak danak I, molo dung jumlang
hamu, paboa hamu ma tu ahu asa dohot ahu, marsomba tu ibana”.
Alai hata na do I, molo dung jumpangsa poso posoi, asa bunuonna do. Dung sahat
nasida di huta Betlehem, jumpang nasida do posoposo I, laos disomba nasida
dipaahat ma angka pere, perak dohot haminjon. Di na mulak nasida dipangkulingi
suru suruan ni Debata do nasida asa unang mulak tu si herodes, alai mamillit dalan na
asing.
Peran : (Tolu halak parroha sian purba, maniop taropong, mamereng bintang, mamboan
nasida sahat tu bara ni pinahan i.

V. ANGKA PAMBAHENAN NI JESUS SONGON ANAK NI DEBATA :

Musik : Na ro pandaoni bolon I ima Tuhanta Jesus
Soara : Haroro ni Jesus tu portibi on, mamboan haluaon do tu angka jolma na si portibi on : ai
malua ma nasida sian dosana, malua ma nasida sian ngolu na ginosagosa ni portibi on.
Malum ma nasida sian hapitungon, malua ma nasida sian hapangpangon, mangolu ma
nasida sian hamatean
Peran 1 : (Na mapitung mangido ido…. ro Jesus pamalumhon)
Soara : “Mangasahon goar ni Ama I…..malum ma ho”
Peran 2 : (Na pangpang mangidoido…. Ro Jesus pamalumhon )
Soara : “Mangasahon goar ni Ama I…..hehe ma ho”
Peran 3 : (mangusung na monding)
Soara : “Mangasahon goar ni Ama I…..hehe ma ho”

VI. MANGOLU DI BAGASAN NGOLU NA IMBARU HOMBAR TU LOMO NI ROHA NI DEBATA

Musik :
Soara : Haroro ni Jesus I mamboan hamubaon ni roha do tu portibi on. Di suru do sisean I,
apostel I nang angka parjamita, asa marhabuaon ni roha jolma I sian angka ulaon na so
 hombar tu lomo ni roha ni Debata. Di suru Debata do Apostelna tu tano Batak
Nomensen, asa malua halak batak sian na mardebatahon si Heban, alai manjalo Jesus
Kristus gabe si Palua. Jongjong do si Nomensen di dolok si atas barita, dibege soara ni
Giringgiring ni Gareja. Sian I do di totophon ibana di bagasan tangiangna, manolu
manang mate pe ibana ingkon mamaritahon barita na uli di tano Batak
Musik : Soara ogung…….
Peran : (Halak batak manontori manomba bona ni hau……ro si Nomensen mamaritahon barita
nauli, mandok :
“Pauba hamuma rohamuna, ai nunga jonok harajaon ni Debata”, halak batak
maninggalhon manomba ganaganaan. Huhut mangendehon.
“Halas ni roha godang na hubaritahon on, nunga tubu sipalua di hita jolma on.
Hasangapon ni Debata, las dame, dame, dame ma di jolma. Lomo ni roha ni Debata do
hita jolma on”.