Prolog: Jahowa do panompa na sian na so adong gabe adong, ima dimulana I dijadihon Debata langit dohot tano on, jala saluhutna tung mansai uli tahe. Tabege ma liturgy panompaon sian ari na parjolo sahat tu ari papituhon. 2. Liturgi Pujipujian tu Jahowa: Prolog: ta idama Saluhut angka jadijadianNa tung mansai uli, las ma rohanta mamuji Debata marhite angka jadijadianNa I, ai Ibana do na manompa i. tapuji ma Ibana, marhite liturgy na paduahon on, pujian tu Debata marhite panompaonNa. 3. Liturgi: Hadabu ni Jolma tu dosa Prolog: nungga singkop sude tompaaNa I, dibahen ma jolma I di porlak Eden, jala dilehon Jahowa ma patik tu jolmai, alai diose jolmai do padanNa dohot Debata, dioloi jolmai do sibolis I, umbaheni madabu ma jolma tu dosa. Tabege ma liturgy hadadabu ni jolma na parjolo tu dosa, manang mula ni dosa. 4. Liturgi Fragmentasi Parbue ni Daging. Prolog: nungga madabu jolma I tu dosa, jala dosa I manghorhon manang mamparbuehon parbue ni daging, lam tu jorbut na tahe pangalaho ni angka jolmai ndang adong be nasida marparbue na denggan, akka dia ma parbue ni daging i? tabege ma liturgy Fragmentasi parbue ni daging. 5. Liturgi parbue ni tondi: Prolog: songon halak naung pinalua ni Kristus hita, tama ma hita mamparbuehon parbue ni tondi, ima parbue ni haporseaon. Alai, ta ida ma tung mansai maol do diulahon jolmai. Akka diama ulaning parbue ni tondi i? tarimangima marhite liturgy Fragementasi parbue ni tondi on. 6. Fragmentasi Kenakalan Remaja/hatanghangon ni naposo bulung: Prolog: Marhuraja do hape dosa I, sahat do tu angka naposo bulung. Hinorhon pangelaela ni si bolis I, godang naposo ni Huria ndang be dibagasan poda ni Debata. Rap mahita mangarimangi angka pangalahonta, marhite fragmen hatanghangon ni naposo bulung. 7. Fragementasi Ale Amanami: Prolog: Dipodahon Jesus do angka sisean na parjolo laho martangiang tu Amai, ima tangiang ale Amanmi. Alai, dang piga be jolma si partangiang, godang do angka jolma mangasahon dirina sandiri, na deba godang mangaleai Debata marhite pangalaho naso denggan. Tabege ma fragmen tangiang ale Amanami. 8. Liturgi : Pangarimangon Dosa Prolog: dinamanomu haroro ni Tuhan I, ringkot do tahe adong hamubaon ni roha, jala panolsolion, asa tubu Jesus di rohanta marhite mambolongkon pangalaho na roa sian rohanta. Laos I do dipodahon Jesus asa dibagasan habadiaon paima haroroNa na paduahalihon.
9. Liturgi : Bagabaga Haluaon
Prolog: di padan na robi, ta ida ma holong ni Johowa tu jolma. Ima na dilehon angka panurirang mamodai angka jolmai, asa mulak tu Debata. Jala dibagabagahon Jahowa ma na ro ma Mesias, na mamboan haluaan tu jolma, tabege ma liturgy bagabaga haroro ni Jesus Kristus Mesias i. 10. Liturgi : Hatutubu ni Jesus. Prolog: Holan Ala Asi ni rohaNa, dilehon ma anakNai, Tuhan Jahowa naung marpadan sian na robi, na ro Mesias i. nuaeng, nungga ro Ibana, Mesias i, ima Debata na dibagasan rupa ni jolma. Las ma rohanta, tapuji ma ibana. Nuaeng pe, tabege ma liturgy hatutubu ni Jesus Kristus. 11. Liturgi Makna Natal Prolog: Nungga tubu si palua I, las ma rohanta, tabahen ma ibana tubu di rohanta. Alai, nungga lam ngalina tahe parbue ni natal I, godang jolma mambahen natal holan hariburon sambing. Attong dia do parbue ni Natal I, aha do ta dapot sian ulaonta dibagasan sadarion? Rap ma hita mambege liturgy makna natal, dalanta mangarimangi Natal sadarion.