Upacara penganten Jawa: a. Lamaran: calon penganten kakung dolan menyang kulawarga calon penganten putri kanthi tujuan nembung supaya gelem diajak omah-omah mbangun bale kulawarga. b. Siraman: temanten kakung lan putri kadhawuhan adus kanthi tujuan reresik raga lan jiwane, supaya ing dina pahargyan wis bisa resik lair lan batine. c. Midodareni: tata cara midodareni duweni tujuan supaya ing dina pahargyan penganten putri kasulistyane kaya dene widodari. d. Ijab qabul/akad nikah: penganten kakung nindakake ijab kanthi ngucapake janji yen penganten kakung bakale bisa mbimbing kaluwargane miturut ajaran Gusti Ingkang Maha Agung. e. Upacara panggih: penganten putri panggih (ketemu) karo penganten kakung saperlu nindakake upacara balang suruh, wiji dadi/midak tigan, sinduran, bobot timbang, kacar- kucur, dhahar klimah, lan sungkeman. Prosesi upacara panggih/temu manten/temon: 1) Balangan suruh/gantal: minangka tandha kasetyaning penganten. 2) Wiji dadi/midak tigan: penganten kakung midak endhog pitik nganti pecah, banjur penganten putri ngumbah ampeyane penganten kakung nganggo banyu kembang, upacara iki duweni teges yen kepala keluarga kudu tanggung jawab marang keluargane. 3) Sinduran: bapak saka penganten putri nggendhong penganten sakloron kanthi nggunakake selendhang werna abang, lan ibune penganten putri nyurung saka mburi, maknane yaiku penganten kakung iku wis ditampa lan dianggep keluarga dening wong tuwane penganten putri. 4) Bobot timbang: Penganten sakloron lungguh ing pangkone bapake penganten putri, maknane yaiku wong tuwa kudu tumindak adil marang anak lan mantune. 5) Kacar-kucur: piranti awujud dhuwit logam, beras, kacang-kacangan, palawija, lan ubarampe liyane dikucurke ing pangkone penganten putri, tegese penganten kakung wis duweni kuwajiban nafkahi penganten putri. 6) Dhahar klimah: penganten sakloron dulang-dulangan, maknane yakuwi penganten sakloron arep urip susah seneng bebarengan. 7) Sungkeman: penganten sakloron sungkem nyuwun pangestu marang wong tuwa.
Gambar Prosesi Upacara Panggih:
balangan suruh wiji dadi
sinduran bobot timbang
kacar kucur dhahar klimah
sungkeman
2. Kerata Basa, tuladha:
a. ngelmu: angele yen durung ketemu b. kupat: ngaku lepat c. tuwa: ngenteni metune nyawa d. tebu: anteb ing kalbu e. wedang: ngawe kadang f. dhalang: ngudhal piwulang lsp.