Om Swastyastu

Pamiarsa sareng sinamian, matemu malih sareng titiang zamrie maulaya amien lan mohammad
aryono, Ring galahe sane becik mangkin, tiang jagi ngaturang gatra basa bali saking acara Orti
Bali ring rahina mangkin, Rahina redite, Pinanggal pat belas november warsa Kalih Tali duang
dasa kalih. Mungguing selanturnyane, orti sane jagi kaaturin minakadi “kebudayaan bali“. Inggih
sane mangkin kawitin titiang antuk orti kapartama
( video klip )
Pura Goa Lawah inggih punika silih tunggil pura sané magenah ring Désa Pesinggahan,
Kecamatan Dawan, Kabupatén Klungkung , Bali.[1] Pura Goa Lawah kacihyanang antuk
kawéntenan goa tur manados sarang lelawah ring tengahnyané. Pura punika taler silih tunggil
genah paperangan Kusamba utawi Puputan Klungkung sané kaadegang olih Déwa Agung Istri
Kanya. Pura Goa Lawah rumasuk silih tunggil Pura Sad Kahyangan sané wénten ring Bali.
Manut saking Lontar Dwijéndra Tatwa, sané nyaritayang indik pamargin Dang Hyang
Nirartha saking Gélgél nuju Kusamba. Ida nénten masandekan nanging nglanturang pamargi
nuju Goa Lawah. Drika Dang Hyang Nirartha nyingakin gunung sané becik pisan tur
wewidangan nusané. Ritatkala ngranjing ka tengah goané, Ida nyingakin lelawah akéh pisan tur
ring puncuk gunung goané wénten bunga pakebiah-biah sané aas mawinan kesiran angin. Raris
ida angob miwah kalangen turmaning ngwangun padmasana irika. Sasampun wénten pura,
dumunan karawat olih Gusti Batan Waringin antuk pawarah-warah saking Ida Penataran. Ida
Penataran wantah putran pemangku ring Pura Besakih Ida Tulus Dewa. Ida nuturang yéning
sujatinnyané Pura Goa Lawah sareng Pura Besakih mapaiketan. Pura Goa Lawah inggihnyané
genah pamedalan Ida Hyang Bhatara Basukih saking gunung Agung ri tatkala jagi masucian ring
pasih. Ngantos mangkin, sané kasungsung ring Pura Goa Lawah inggih punika Déwa Mahéswara
sareng Sang Hyang Basukih. Pura punika taler pinaka genah utama upakara nyegara-gunung.
Penutup
Inggih pamiarse sareng sami wantah asapunika ORTI sane prasida aturang titiyang ring
wengi sane mangkin. Titityang………. Pinake pengater acara ngelungsur geng rene sinampure
paparada wenten atur titiyang sane wenten manut ring arsan ida dane sareng sami inggih suksma
uratitiang ida dane sareng sami sinep titiyang parama santi
Om santi santi santi om
 TUGAS BAHASA BALI
PRESENTER

OBJEK WISATA
PURA GOA LAWAH

OLEH :
I GUSTI AYU KOMANG DIAH N. (04)
KETUT SATHYA WIANDANI (11)
MOHAMMAD ARYONO (13)
ZAMRIE MAULAYA AMIEN (31)