CHARA NGAGA TUAK

A. CHIPING/RAGI ( 2KG)
B. BERAS PULUT 4 KG
C. GULA 5 KG
D. AI MINERAL/DRINKING 1.5L ( 12@14 BOTOL BESAI)

1. Jembi chiping/ragi sehari.

2. Lakka sehari semalam (ngambika chukup chelap)
3. Panduk beras pulut (tejuka chelap- pengelama 12 jam)
4. Tutuk chiping ti UDAH CHELAP sampaika tenyuh.

Proses Ngerami Ragi/Chiping enggau pulut

1. Pulut disungkit ari periuk lalu diidarka dulu ba chapan tauka bekas.
2. Ragi ditabur ngagai pulut ti udah diidar nya tadi. Pulut enggau ragi lalu dilunyu sampai ragi
begulai manah enggau pulut.
3. Pulut ti udah dilunyu tadi lalu disimpan dalam tajau/tong ti beresi.
4. Tutup rapit mua tajau/tung nya tadi

Proses Manchak(pengudah 2 minggu tauka 10 hari)***peratika dulu asi pulut nya tadi udah bisi ai tauka
luchak lalu bisi bau tuak mimit.-

1. Panduk ai mineral/drinking ti diluai dulu enggau gula(nyadi ai gula)

2. Tejuka ai gula datai iya chukup chelap( dilakka datai 12 jam)
3. Udah nya tadi, tuang ai gula ngagai tajau/tong pulut.
4. Ai gula enggau pulut lalu diluai/dikacau
5. Udah tembu diluai, tutup baru tajau/tong nya tadi
6. Selap mua penutup enggau kain(dikena nyerap wap/beluh-ngambika beluh enda neritik baru
ngagai tuak( TUAK ENDA MUDAH MASAM)
7. Peram pengelama 2/3 minggu. (enti ai udah enda keruh agi- tau dikauk)