DIPASUANG JAHOWA HINADENGGAN NI NGOLU NI JOLMA

EV: 1 Musa 8:15-22 Ep: Pilipi 1:21-30

Patujolo
Riwayat air bah dalam Kej 8:15-22 ini adalah satu rangkaian yang utuh mulai dari pasal 6 hingga 10.
Bagian ini ditempatkan menyusul kisah kejatuhan manusia ke dalam dosa dan pengusiran dari taman Eden (Kej
3 dan 4) sebagai berita tentang pemulihan umat-Nya dari akibat dosa yang mematikan dan menyengsarakan.
Satu pola yang jelas terlihat dari rangkaian cerita itu adalah; dosa, penghukuman dan pemulihan - dengan satu
pesan penting bahwa Tuhan tidak menghendaki kematian manusia, melainkan selalu pada rencana kehidupan
yang kekal.
Inisiatip pemulihan akan selalu terjadi dari pihak Tuhan Allah dalam kaitannya dengan rencana Allah
atas manusia di bumi. Dalam kisah air bah ini, Allah melihat Nuh sebagai seorang yang istimewa dimata-Nya
dan memilih dia untuk diselamatkan. Melalui Nuh diharapkan kemudian akan dilahirkan anak-anak manusia
yang taat kepada Tuhan. Tentu saja Nuh yang telah mendapat kasih karunia di mata Tuhan (Kej 6:8), benar-
benar menerima perintah-Nya dengan seutuhnya. Dimulai dari membangun sebuah bahtera menurut spesifikasi
yang Tuhan perintahkan. Berikut logistic, berbagai jenis makhluk dan orang-orang yang bersama-sama dengan
Nuh untuk diselamatkan. Semua ini dilaksanakan menurut petunjuk langsung dari Tuhan Allah.
Hatorangan
Molo tauji manigati 1 Musa 8:15-22 on boi ma disagi tu opat horong. Parjolo: Joujou ni Debata tu si Noak
(15-17), paduahon, pangoloion ni si Noak dohot sude na di bagasan parau (16-19), patoluhon, dipaojak si Noak sada
langgatan tu Jahowa (20) jala napaopathon, padan ni Debata tu si Noak (21-22). Nuaeng tatangkasi ma jolo ganup.
Parjolo, Joujou ni Debata tu si Noak. "Jadi ninna Debata ma mandok si Noak." Marhite hataNa do Debata
mamangulingi sude jolma. Songon na masa tu jolma naparjolo i, si Adam dohot si Hawa ( 1 Musa 3:1-24). I ma tong
na masa tu si Noak jala masa do i tongtong tu jolma di hasiangan on. Jadi dung mahiang ma tano i sian udan na
doras i (ay. 14) ro ma tona ni Debata tu si Noak laho ruar sian parau i. Ala naeng patupaon ni Debata ma sangkap
naimbaru tu jolma natinompana di hasasalpu ni aek nasumar i.
Paduahon, Pangoloion ni si Noak dohot sude na dibagasan parau i. Umbege joujou ni Debata na sahat tu si
Noak i migor dihalaputi ibana ma ruar sia parau i. Ndang marpaima jo, ndang dipanengelnengel ibana alai tinggil
manangihon hata ni Debata di bagasan parau i. Ndang pola disungkun ibana anakna dohot parumaenna laho
mangalapati joujou ni Tuhan i. Molo pola sungkunonna parripena marragam ma pandapot nasida ujungna ndang saut
sangkap ni Debata. Tontu saleleng di bagasan parau i ibana tarpaima do ibana andigan ruar sian parau i. Di bagasan
napaimahon i ma Debata manghatai tu ibana. Ala ni i sada barita las ni roha do di rohana joujou na- sahat tu ibana
umbahen sigop nasida haruar. "Ruar ma ho sian jolmam dohot angka anakmu dohot jolma ni anakmu rap dohot ho
(ay. 16). Marhite joujou i dapotan asi ni roha ni Jahowa do si Noak dohot dongan saripena di adopan ni Debata di
hamamasa ni aek na sumar i.
Patoluhon, dipaojak si Noak sada langgatan tu Jahowa. Mandok mauliate do si Noak tu Debata marhite
napaulihon langgatan tu Jahowa hinorhon ni barita las ni roha najinalona. Boi tapatudos tu tingki panjouon ni Debata
tu si Abraham, dipanjongjong ibana do langgatan (mezbah) dalan mandok mauliate tu Debata (1 Musa 12:1-9).
Songon ima napinatupa ni si Noak manghamauliatehon panjouon ni Debata tu ibana. "...dibuat sian nasa pinahan na
ganjing dohot sian nasa pidong na ganjing bahen pelean situtungon, pelehononna di langgatan i (ay. 20). Di pudian
ni ari masa ma pasahathon hamauliateon tu Jahowa marhi te pelean situtungon tu Jahowa.
Paopathon, Padan ni Debata tu si Noak. Ndang manongtong rimas ni Debata di hamamasa ni aek na sumar i.
Alai dipatuduhon Debata do holong ni rohana mida angka na tinompa i. Dibahen Debata ma padanna tu si Noak, dia
ma padan i? Ima dipasuang Jahowa hinadenggan ni ngolu ni jolma. Di sude pangaramotion ni Debata di tingki ro aek
na sumar i, jala marpadan do Debata. "Ndang be ulahanHu manorui tano on ala jolma i, ai na jat do pingkiran ni roha
ni jolma sia sietehetehonna.... (ay. 21.b). Dipatangkas ma muse di ayat 22: "On pe saleleng adong tano on, ndang
jadi mansohot saburon dohot gotilon, ari ngali dohotari las, ari logo dohot rondo ni ari, arian dohot borngin.
sian barita on idaonta ma mutiha na arga sihangoluhononta: Parjolo, Manghamauliatehon pangaramotion ni
Debata. Marragam do angka na masa naung tabolus dohot angka na naeng sibolusonta dope di portibi on. Angka na
masa i boi do sipata patubu arsak ni roha, jut ni roha, pandelean, sahit lumobi ala ni hapogoson. Alai ingkon do
parhatopotonta na tongtong do tajalo pasu- pasu sian Debata. Alai nang pe songon i rumang ni ngolu natabolus
ingkon tongtong ma hita mandok mauliate tu Debata. Sabalikna molo jumpang pe angka pasupasu di ngolu ni jolma
unang dipangke i gabe mambahen sogo ni roha ni Debata. Gariada tahe mambahen las ni roha ni Debata. Mandok
mauliate hita di saluhut pandonganion dohot pangaramotion ni Debata di ngolunta siganupari marhite nasa na adong
di ngolunta on.
Paduahon, Tatangihon Jaoujou ni Tuhan i na sahat tu hita. Ganup na porsea di Tuhan i ingkon do tinggil
sipareonna umbege joujou ni Debata nasahat tu ibana. Ganup ari do hita dipanghulingi Debata. Asa unang ma
tumangian hita di joujou ni portibion asa tu joujou ni Debata. Dijou Debata do hita laho manganhon parbue ni
pasupasu napinasahatna di hita di ngolu siganup ari. Dijou Debata do hita ruar sian haholomon tu hatiuron ima
marhitehite Barita Nauli i.
 Patoluhon, Ingot ma padan ni Jahowa na tu ho. Na mangolu do hita di bagasan padan asi ni roha ni Debata.
Jala tongtong ma tahatindanghon i ganup ari. Ndang hea lupa Tuhanta i laho manghaholongi hita. Alani i naeng ma
manongtong holong ni rohanta tu Debata jala tarida parsitutuonta manghaporseai Ibana saleleng mangolu hita. Sai
taingot ma padan ni Debata tu hita.
Paopathon, Kristus Jesus do haluaon dohot hangoluan di hita. Disuru Debata anakna Jesus Kristus tu portibi
on asa malua hita sian haholomon tu hatiuron i. Ndang adong haluaon na asing ia so holan marhite Jesus anak ni
Debata. Marhite Ibana ma hita dapotan hangoluan nasaleleng ni lelengna. Tapatuduhon ma parsitutuonta laho
manghaporseai Jesus haluaonta.
Ddang adong jolma namanghilala dirina pintor di adopan ni Debata. Gariada tahe marhatopothon dirina
parsala jala pardosa na godang di adopan ni Debata. Molo ala ni godang ni dosanta dohot pangalaosionta di patik ni
Debata nunga mago hita. Alai Debata parasi roha do Tuhanta i. Ibana do umboto nataula jala mamintori hita. Tutu
ndang dihalomohon Debata hadosaonta alai dipangido hamubaon ni roha. Marhite Jesus dipatuduhon Debata ma
pamintorionna tu hita jolma pardosa on. Dipalua Debata do hita ndada ala ni pintorta dohot habadiaonta alai holan
ala asi ni roha ni Debata sambing do.
Mandok mauliate ma hita tu Debata ala sai tongtong dope mian asi ni roha dohot denggan basana tu hita.
Songon panindangion ni apostel Paulus di turpuk epistelta di Pilippi 1:21-30 i: "Ai Kristus do hangoluan di ahu jala
laba nang hamatean (ay. 21)".
Tongtong ma tatiop padan asi ni roha ni Debata napinasahatna tu hita. Paboa dongananna do hita ganup ari di
sitaonon dohot di las ni roha. Ido nidok ni topik ni jamita on: Dipasuang Jahowa hinadenggan ni ngolu ni jolma i.
Amen.