ACARA PARTANGIANGAN

MAMASUHI BAGAS
Kel: A.Putra Sinaga
St.TR.Nainggolan

“Jahowa do Siparmahan ahu, Ndang tagamon hurangan ahu’

(Psalm. 23:1)
Senin, 25 Desember 2023
Gundar

I. PANGARADEON (U=Uluan, R=Ruas, K=Keluarga)

 II. ACARA KEBAKTIAN
1. Marende No. 309 : 1 + 4 ( BL 164 )
Raphon Tuhan Jesus i pungka ulaonmu.Ingkon tu Ibana i parguruhononmu.
Baen Ibana donganmi hehe dohot modom. Dege ma bogasna i rohami pahohom.
Ganup sogot ingkon do Jesus jouhononmu. Asa urupanna ho di siulaonmu.
Ai arian borngin pe naeng ho donganna. Dosami pe sasude naeng taluhononna

2. Votum ( U : Uluan R : Ruas )

U: Marhitehite goar ni Debata Ama, dohot Goar ni AnakNa Tuhan Jesus Kristus dohot Goar ni
Tondi Parbadia na tumompa langit dohot tano on.
R: Amen
U: Mandok mauliate ma hamu di Jahowa, ai na basa do Ibana, ai ro dii salenglelengna do asi ni
rohaNa i.
R: Tung ise ma tuk manghatahon angka hagogoon ni Jahowa, patubegehon baritaNa i
sudena ?
U: Martua ma angka na mangaradoti uhum, na tongtong patupahon hatigoran
R: Sai ingot ma ahu ale Jahowa, hombar tu halolomo di bangsoM.
U: Sai tingkir ma hami marhitehite hatuaonMi asa hupaidaida hadoharon ni angka na pinillitMu,
asa huhalashon halalas ni roha ni bangsoMi.
R: Ningku do mandok Jahowa, ro di saleleng ni lelengna do asi rohaNa, jala
marsundutsundut do hasintonganNa.
U: Martua ma manang ise na mambahen Jahowa pangurupina jala na tongtong manghirim di
Jahowa Debatana. Haleluya, Martangiang ma hita : Ale Tuhan Debata, Amanami na di
banua ginjang ! Ho do nampuna langit dohot tano ro di pangisina sudena. Jadijadian ni
tanganMu do sudena na adong jala na pinarmuduM do umbahen mangolu sude na
tinompaMi. Na marpungu do hami dison manghalashon denggan ni basaM. Diurupi Ho do
hasuhuton on paulihon bagas sibaganding tua di nasida, sian na mamungka sahat ro di
sadarion. Pujionnami ma Ho ro di saleleng ni lelengna, ala naung sun saluhutna i marhite
silehonlehonMu na balga i, na pinasahatMu tu hami. Hupangido hami ma tu Ho: Sai
pasupasu bagas on ro di pangisina asa mardame jala sonang tongtong nasida di bagas on
laho mamuji pasangap GoarMu. Sai lam patandahon ma tu hami godang ni denggan ni
basaM, asa huboto hami mandok mauliate tu Ho dohot mamuji GoarMu na Badia i
marhitehite Tuhan Jesus Kristus Tuhannami , Amen.

3. Marende No. 186 : 1 JAHOWA DO HAPOSANKI ( BL 173 )

Jahowa do haposanki Na mangapoi rohangku. Na patiurhon dalanku Bulus dibaen langkangku.
Sonang tongtong rohangkinon binaen ni Debatangku. Patikna do lomongku
4. Litani : ( Sipaingot tu nampuna bagas) 5 Musa 8 : 11 – 18
U: Di na marlas ni roha hita mamasuhi bagas on, tama do pahusorhusoronta poda ni Debata,
marhite hataNa. Asa ia dung mangan jala bosuran, jala dipauli ho angka bagas nauli ingkon
pujionmu do Jahowa. Ai ibana mangalehon ho mangan manna na so tinanda ni ompum, asa
ibana paserep roham.
K: Ala ni i ndang jadi dohononku di bagasan rohangku “ gogongku sandiri dohot huaso ni
tanganku mangomo di ahu hamoraon “
U : Ingkon paingotingoton ni roham tahe Jahowa Debatam, ai Ibana do mangalehon gogo tu ho
mangomo angka arta i, asa pahothon padanNa naung niuarihonNa tu angka ompum, songon
na andar sadari on.
K : Sai ditangihon jala dipeop rohanami ma saluhut tona ni Debata na hujalo hami sadari on,
jala sai dipargogoi ma hami na saripe manghamauliatehon pasupasu ni Debata, baen
sangap di goarNa na badia i. Amen.

5. Marende No. 159 : 3 “Martua Dongan nasabagas”

Martua na saripe pangajari di anakhonna asa tong burju.
Na so marpansohotan ganup ari tumangianghon angka i tutu.
Tu Tuhan Jesus asa sai Ibana mamasumasu sasudena i.
Huhut dilehon asi ni rohaNa manogihonsa tu lambungNa i

6. Jamita :

7. Marende No. 15 : 4 AUT NA SARIBU HALI GANDA

Mauliate ma rohangku di Ho O Debata tongtong.
Dibaen sude denggan basaMu naung nileonMu di au on.
Ai dipatongon Ho tongtong sude na ringkot di au on

8. Tangiang Pangondianon: Horong Hulahula

9. Marende : B. E. No. 12 : 2 DIPUJI ROHANGKON DO HO

Hu boto Ho do mual ni, na denggan sasude, di lehon Ho do sian i, godang di hami be.

10. Tangiang Sian Parhalado

11. hMarende No. 12 : 2 , 8 , 12 , 15 (Papungu Pelean)

Huboto Ho do mual ni na denggan sasude ,Dilehon Ho do sian i godang di hami be
Ima tutu O Debata dilehon Ho sude Ai Ho do na tongtong basa manumpak jolma i
Sai disarihon Ho sude di hasiangan on Tu daging nang tu tondi pe Panongos Ho Tongtong
 Antong pasombu Debatam mambaen ture langkam, Asa tongtong sonang roham timbul
dohot tuam

12. Tangiang Panutup :

U: Ale Tuhan Debata, Parasi roha na sumurung. Mauliate ma rohanami tu Ho, ala godang ni
asi ni rohaM. Diurupi Ho do keluarga on laho paulihon bagas na uli sian na mamungka
sahat tu na paujunghonsa, ndang tagamon so godang halojaon nang parungkilon laho
paulihon bagas on, alai dipasingkop Ho do na ringkot di nasida, gabe dimpos jala sirsir
saluhutna songon na hubereng hami nuaeng. PasupasuM do i Tuhan, jala hupuji hami ma
GoarMu ala ni saluhutna i.
R: Di Ho ma tutu Tuhan, puji pujian dohot hamauliateon ni rohanami olat ni on ro di
saleleng ni lelengna.
U: Di naung hubongoti hami bagas on sadari on, hupasahat jala hupagomgomhon hami ma
tu Ho saluhut pangisi ni bagas on, sian na metmet sahat ro di na magodang. Sisolhot,
aleale nang angka pangurupi pe ro diangka artanasida. Mian ma Ho di bagas on
marhitehite tondiM, ramoti ma nasida mangingani bagas on ro di salelengna.
K: Suru ma TondiM, Tondi Parbadia i tu ganup hami pangisi ni bagas on, asa jumpang hami
dame, Las ni roha, Hatuaon, Parsaoran na tama, asa masa di hami Holong
masihaholongan marhitehite Goar ni Jesus Kristus Tuhannami.
U: Tangiang Pelean, Tangiang Ale Amanami, Pasupasu. Amen, Amen, Amen.