Bahan Jermon Jamita, Minggu, 8 Maret 2020, 2 Musa 17:1-7

Manontong do asi ni roha ni Debata tu bangsoNa

1. Patujolo

Tung marhite tangan na gogo do Debata mamboan bangso Israel ruar sian parhatobanan
Misir. Molo sian gogo ni bangso i do, tung naso tuk do nasida malua sian huaro ni raja Misir.
Marhite halongangan bolon na pinatupa ni Debata, sonang do bangso i mamolus aek rara alai
laos mago jala mate do sude parangan, hureta dohot parsihundul ni Piraun na ro mangalele
nasida. Ndada holan i, Di na mamolus halongonan i, Jahowa tongtong mardalan di
jolonasida. Arian ro do ombun na marsijongjong manogihon nasida di dalan i, jala borngin
marhite api na marsijongjong manulu nasida, asa tarbahen mardalan arian dohot borngin. Alai
dang mamoto nasida di pandonganion ni Debata. Sai talpe do nasida madabu tu
parungutunguton. Marmungutmungut do nasida di Mara, ala paet siinumon jumpa disi. Udut
do muse parmungutmunguton ni sandok luhutan i di halongonan Sin, laho mangudo
sipanganon dohot juhut. Jala turpuk on, ima udut ni parmungutmunguton nasida muse.

2. Na masa di Rapidim

Borhat ma bangso i sian halongonan Sinjala marguru tu pandok ni Jahowa marsaro jala
mangulon ma nasida di Rapidim alai dang adong aek siinumon disi. Gabe muruk ma bangso
itu si Musa, didok ma “ lehon hamu aek siinumonnami!” Jadi didok si Musa ma tu nasida”
Boasa au badaanmuna? Boasa unjunonmuna Jahowa?’ lalu ma muse parmungutmunguton ni
bangso i didok” Boasa paruaronmu hami sian Mesir, lao mamunu hami dohot ianakkonnami
ro di pinahannami dibahen uas?. Ai otiknari dangguron ni bangso i nama ibana (ayat 4) alani
rimasnasida.

Molo taida sian sikap ni bangso on, hatop situtu do nasida menyetang si Musa, alai
lambat mandok mauliate tu Debata nang tu dongsn jolma pe.Jadi mangangguhi ma si Musa tu
Jahowa mangido manang aha sibahenonna tu bangso iDibagasan pangidoan ni si Musa i, sada
sitiruon ima jumolo do diboan ibana hamaolon i tu jolo ni Jahowa (ayat 4), songon na
binahenna di 2 Musa 15:2532:30. Jala menaroik situtu do sungkunsunkunna di turpuk on, “
aha ma bahenonhu...”?, Dang di dok “, aha sibahenonMu, manang aha naung binaenMu,
manang hahuaonMu bangso on”?, Toho ma nanidok ni 4 Musa 12:3”Alai jolma na
mardangol situtu do si Musa, gabe lumambok Ibana sian saluhut joma di atas tano on”.

Jadi didok Jahowa ma tu si Musa “ bolus ma sian jolo ni bangso...” Sungkunsungkun”

Boasa ingkon dema sian sintua ni Irael i boanonna?, asa denba nasida gabe sitindangi. Disuru
do si Musa asa maboan tungkot. Torop angka na bisuk mandok tungkot i ima tungkot na
dihindat ni si Aron rap dohot si Musa, na dilipathon tu aek na ujungna gabe mudar (2 Musa
7:20)”. Lapatanna marhite tungkot na sarupa masa hamatean (2 Musa 7), jala ruar aek
hangoluan (2 Musa 17). Dung i didok Jahowa “ ida ma, jongjong ma Ahu disi, di
jolom...”(ayat 6). Debata mamillit inganan i, jala patupa halongangan i. Marsintuhu do goar
ni batu on, jotojot do digombarhon on ima hadirion ni Tuhan i. Jala di padan na imbaru Jesus
Kristus do na tinudu ni batu on.
 Dibahen do goar ni hajongjongan i Massa (pangunjunan, dohot Meriba (parbadaan).
Pangunjunan dohot parbadaan(ayat 7) ima patuduhon na humurang di inganan i alai
parningotan ma i di asi ni roha ni Debata. Uju usouso nasida, didia do ulaning Debata, turpuk
on m gabe alus, ditongatonganta do Ibana. Boasa holan situa ni bangso i doboan ibana,
sipatudu do i taringot tu Kristus i, ai angka halak si ida Kristus i do natuatua sibagasan
haporseaon, asa tindakan iman do sintuhu ni halongangan, dang na pertunjukan. Asa porsea
ma hita atik pe so marnida (2 Korintus 5:7).

3. Si pahusorhusoron
1. Boi masa do angka hamaolon na ingkon adopan jala siperjuanghononhon di bagasan
ngolu, alai taingot ma gumodang do basabasa ni Debatya naung dipalumehon tu hita,
ima sada alasan asa unang be nian mura hita marmungutmungut dohot mambahen
penghakiman maradophon dongan, songon na pinatupa ni bangso i tu si Musa. Ai
dang adong parbue ni ungutungut. Unang sai marmungutmungut (BE 503)
2. Sapala nanung dipillit Debata lao pasupasuonNa, na saut do tutu boanonNa tu
pasupasu i. Bertanggungjawab do Debata tu saluhut jolma i, tarlumobi ma di angka
nasatia
3. Aha pe na masa dingolu on, nang ro angka pangambati, manang hamaolon, manang
ancaman, hatop ma hita manungkun Debata, aha do ulaning ulahononta, asa Debata
ma na mangula dibagasan saluhutna i. Sai porsea ma hita tongtong tu Debata. Amen