1 Johannes 3:1-7

“Pasodanghon Ma Tu Hami Sondang Ni Bohim/ Cahaya

Wajah Tuhan Menyinari Kita

Amang/inang…. Ida hamu ma godang ni haholongon na

binasabasahon ni Ama I tu hita, didiok di ayat 1 (baca). Tontu sada
tanda manang holong ni Ama I tu hita ima digoar hita gabe Anak ni
Debata/kita disebut anak-anak Allah (ndang anak haram hita didok
ate manang anak pungut, alai anak hasianNa do hita). Jala
sasintongna ndang holan digoar gabe anak ni Debata, ai molo
holan digoar biasa do pe i, molo holan diakui sebagai anak biasa
do pe i. alai on gabe panean do muse didiok hita/gabe ahli waris.
Jadi molo ta jaha anon di Rom. 8:17 didok disi (alai molo anak
hita, dohot ma panean, panean ni Debata dongan panean ni
Kristus. Molo tung donganNa hita disitaonon, gabe donganNa do
hita sogot nang di hasangapon). Molo di Gal. 4:7 didok songon on
(dibahen I ndang be hatoban ho, alai Anak do. Alai molo anak
laos panean do ho marhite sian Debata). Ido asa hudok nangkin,
ndang holan digoar alai dilehon do status naumtimbo di hita ima
gabe panean. Lapatanna dilehon hak tu anak na I, dilehon na patut
parbagianan ni anak na i. ai na umhansit nga na so diakui gabe
anakna, ndang dilehon muse parbagiananna. Ibarat na rupani,
sudah jatuh ditimpa tangga pula. Jadi tung luarbiasa do holong ni
Debata tu hita, digoar hita gabe angka anakkonna jala dipatau hita
gabe panean di arta na sumurung i.
 Amang/inang, songon na toras maradophon anakkonna
songoni do nang Debata maradophon hita. Mansai timbo do
harapan ni natoras tu angka anakkonna. Ndang holan asal
mangolu ate (toema asalma mangolu), ai molo holan asal
mangolu do tu ahama i? dos do I songon gadong i ai holan
disolophon tu tano I tubu do I jala mangolu. Alai tu ahama anggo
holan na mangolu do ate? Na ta hirim ima ingkon marparbue do
kan? Songoni ma panghirimon ni natoras maradophon gelleng na,
ianakkoni ingkon siboan goar ni natoras na, sijujung goar ni
natoras na, unang siboan arsak ni natorasna, unang na holan sai
manusai natorasna, unang holan na pailahon na torasna, alai na
membanggakan ma. Jadi molo disungkun halak, anak nise do i? ala
denggan rupani pangalahona dohot prestasi na, bangga ma tong
natoras na I mandok “anakku do i”. alai molo so hasea do
dohononna do I anon “ndang anakkonna” sotungsotung didiok
muse “mapultak sian bulu”. Kan songoni do jotjot, molo hasea
anak ni amongna, alai molo so hasea tubuni inongna (ise do na
manubuhon ho, nda ninna do?) jadi mansai timbo do
panghirimon ni natoras maradophon angka ianakkonna.
Amang/inang suang songoni do Debata maradophon
hita, dihirim Debata do asa unang dos hita songon anak ni portibi
on, ai molo dos do hita songon anak ni portibi on ahama tutu
jambarta? Diama halobionta? Kalau Tuhan sudah membuat kita
special dimataNya maka kitapun harus menunjukkan hidup yang
special pula dihadapan Bapa kita. Dos do nangkinan natoras
maradophon ianakkoni, jadi molo songoni ma rupani perjuangan
ni natoras na tu gelleng na, bah songoni do tong penghargaan ni
angka ianakkoni tu perjuangan ni natorasnai. Ingkon dohononna
tu hita asing do anakki sian angka I sude, anggo angka anak ni
portbi on na laho maup do I sude, alai anggo angka anakku na
laho muap do nasida. Lapatanna muap, tarbarita ala na dneggan
anakna i.
Amang/inang songon anak hita adong do muse
tanggung jawab ta, diama i:
1. Ingkon di parbadiai ma dirina songon Ibana na badia i/
menyucikan diri sama seperti Dia yang adalah suci. Artinya
kita harus hidup di dalam kesucian kita harus hidup di dalam
kekudusan. Jadi suka atau tidak suka ingkon diparbadiai ma
dirina.
2. Ingkon mian dibagasan Ama i/ tetap berada di dalam Dia
(ayat 6)
3. Ndang be diula dosa
4. Unang be olo dipaototo halak/ jangan mau disesatkan orang.
Alai unang antong gabe laos paototohon halak ate. Jadi angka
anak di Debata ndang sipaototohoni jala ndang olo
paototohon di bagasan ongoluna.
5. Ingkon si ula hatigoran ma ibana/ menjadi pelaku kebenaran
(ayat 7).

Angka ima na gabe tanggungjawab na niigil ni jamita

on sian hita. Hamu angka amang/inang hea do ta bege hata na
mandok “like father like son?” molo di hata batak didok “ndang
dao tubis sian bonana, molo dao adong mandok disaruk babi ia
so I gabe sayur tubis”. Lapatanni pandohani ima laho mandok
ingkon maniru amongnai do ianakkonna (dalam arti na positif do
da, ai adong do tong amai ndang sitiruon pangalahona). Jadi
alana Badia do Debata bah hita pe tong ingkon badia ma, ala
ndang adong dosa diulahon Ama I hita pe ndang boi mian
dibagasan dosa. Mian do Tuhani dibagasan hita bah hita pe ingkon
mian ma di bagasan Ibana. Au ma di ho, Ho ma di au. Alana
partigor do Debata bah hita pe ingkon siulahon hatigoran ma. Ido
konsekwensi sebagai anak-anak Allah. Jadi ndnag boi
marmeameam, unang gaitgait dibahen, unang dipaila Debata.
Sungkunsungkun na nuaeng, boha nunga tutu
tapatuduhoni dibagasan ngolunta siganup ari songon anak hita?
Molo ndang do pe, berarti ndang tangkas do pe di sadari jala
diauhon status na gabe anak ni Debata. Kita belum sungguh-
sungguh memahami siapa diri kita di hadapan Allah Bapa? Alai
molo nunga tangkas disadari status nai nangkinan, porsea ma
hita patuduhononni do pangalaho dohot ngolu songon ngolu ni
Amai. Antong angka amang dohot hamu inang sai tapatuduhon
ma ngolu na dumenngan pabaoa anak ni Amai do hita marhite
parangenta be. AMEN.