GAGURITAN PAWIWAHAN

PUPUH SINOM SIWAGATI

1.  Puja pangastutin titiang
Sedurung ngelantur ayah-
ayahan titiang sepisanan
melajahang angga, lugrayang
titiang ngaturang Puja Astuti

 Ring Ida Hyang Saraswati

Pamekas majeng ring Ida Sang
Hyang Aji Saraswati maka
unteng daging Sastra sane
ngicen kaweruhan.

 Manda tan kacakra bawa

Dumogi nenten keni raja-
pinulah, kedasarin manah
hening subaktine ring Ida
 Sang Hyang Widhi.

 Meled manah ngardi gurit

Riantuk meled manahe
malajah nyastra mapiranti
antuk sekar alit nelebang
sastra Agamane.

 Indik sang alaki-rabi

Sane anggen titiang bantang
bebawos wantah ngeninin
indik Angamet-pinet ring Sang
Pacang alaki-rabi.

 Ngagem grahasta kasengguh

Nincapang Brahmacari-
asrama nuju pangkedan
kahuripan selantur ipun sane
 kebawos grahsta-asrama.

 Nuju tatuwek mautama

Kawiyaktianne parikrama
puniki madwe tatujon dahat
mautama lan luhur manut
Sastra Agama.

 Manga tan iwang pengapti

Punika kautaman ipun sane
patut tuwekang ring kayun
mangda nenten pengaptine
iwang ngawetuang letuh.

 Ngawit katur
Inggih, ngiring sane mangkin
ngawit bawosang ngeninin
indik paridabdab nuju
 Grahasta Asrama.

 Antuk Panganjali Puja

Mejalaran antuk ngulengang
pikayunne mangda degdeg
lan hening nguncarang Puja
Panganjah : “Om Swastiastu”

 Wenten pengapti utama

2. Wenten eiyakti acepan sane
mautama sane sandang
pikayunin nyangkepang
swadharma kauripan.

 Sajroning alaki-rabi
 Pamekasnyane ngadungan
jiwa pramana ri tepengan
ngemargiang Swadharmaning
Grahasta Asrama

 Naur hutang manut karma

Patemon puniki kawiyaktian
ipun wantah saling ayahin
miwah mayah hutang manut
karma

 Pejatu karmane nunggil

Kemulan wantah pejatu
karma sane ngaranayang
prasida masikian kacunduk
kadi tanpa sangkan.

 Tan sida pacang kelidin

 Manawita sangkaning pituduh
Ida Hyang Widhi wasa nenten
sida antuk ngandegang tur
makelid.
 Wantah pula-pali hidup
Punapi wantah ketekan
kahuripan marupa paileh sane
patut margiang medarsana
pemargi patut.

 Sangkaning Hyang Mawisesa

Manusa sane sampun
kejangkepin Tri Pramana olih
Ida Hyang Widhi marupa
pidutuh alaki-rabune
kemargiang.

 Dharmane anggen nitenin

 Nangingke mangda tan salah
wiguna paican Ida patut pisan
Dharma Patute anggen
nitenin pemargine.

 Pang tan letuh

Mangda nenten kaliput
tekening leteh menados
cemer tur ngawe duhkita
kabyahparan.

 Suciang antuk pabyakalan

Mawinan patut pisan suciang
antuk pikayun hening lan
welas asih sane mapiranti
antuk upakara pabyakalan.
PUPUH GINANTI
1.  Catur Asram dasar ipun
Wenten pidabdab ngelarang
Grahasta Asrama sinalih
tunggil, wantah catur asrama
dasar ipun.

 Anggen titi nutug urip

Sane keanggen piranti
ngemargiang dudonan
kahuripan puniki sane sampun
kaepah saking alit nuju tua.

 Manut kala miwah yusa

Janten sampun keanutin ring
galah wiyadin tuwuhe sane
sampun nibenin kahuripane
soang-soang.
 Tingkahe apang masalin
Indik paridabdab laksanane
janten sampun mabinayan
magentos setata nincapang
manut pileh jagat.

 Saking alit kantos bajang

Yaning kantun alit napi sane
patut laksanayang, punika taler
yaning sampun marupa daha
utawi taruna.

 Sampun bajang nuju lingsir

Sesampune nganutin tingkahe
menek bajang malih magentos
nuju parilaksana risampune
tua utawi wreda.
2.  Petang undag jalan hidup
Dadosne petang pangked
punika pah-pahan pemargin
kahuripane manut tatuwek
daging Catur Asrama.

 Kapretama Brahmacari
Kapretama kebawos
Brahmacari wantah galah
melajahang raga muatang
pangaweruh, ngandeg
pamurtian kama.

 Gragasta ne kaping rwa

Kaping kalih kewastanin
Grahasta, tingkahe ngalap rabi
pacang ngewangun kulawarga
bagya lan sejahtera.
 Wanaprastha ne kaping tri
Kaping tiga mewasta Wana-
prasta nabdabang raga
nincapang ajah-ajah agamane
nuju kasubagyan sekala-
niskala.

 Bhiksuka ne kaping empat

Sane kaping untat kebawos
Bhiksuka sampun ngancan
tasak pangaweruh agamane
nuju kalepasan.

 Sampun jangkep papat sami

Sapunika inggian pula-pali
kahuripan jangkep sampun
patpat kawentenane sane
patut margiang ring jagate.
3.  Grahasta mangkin kehatur
Pidabdabe ngewangun
kulawarga ring paumahan, jero
uatami griya sane mangkin
bawosang.

 Ngelangkungin Brahmacar
Saderenge janten sampun
wikan dumun sajroning
ngagem Brahmacari, uning
mekek indria saking aji
pangeweruh.

 Sampun uning ngeruruh merta

Turmaning sampun uning
ngaruruh pangupa jiwa anggen
ngupapira kuluwarga medasar
pekaryan sane patut.
 Bekelang ring kulawargi
Keangge bekel ring kuluwarga
minakadi pangan, wastra
miwah harta-brana anggen
nyambung huripe sekala-
niskala.

 Amongane ngancan rahat

Sajroning karyane sane
kaemban janten sampun
ngakehang amongane, marupa
tategenan hidup.

 Ngardi sentana utami

Medasar antuk tingkah lan
parilaksana patut ngacepang
mangda ngembasang Suputra
 nabdab kasukertan jagate.
4.  Wargane dabdabang dumun
Sadurung nabdab kasukertan
jagat, kulawargane becikang
dumun mangda tan dados
pakeweh jagat.

 Wireh abot malih ketil

Riantuk meweh pisan nabdab
kulawarga mangde degdeg,
trepti, nenten rebat kantos
mebrarakan ring warga.

 Manga sida paras-paros

Punapi antuk apang sida
pakedek-pakenyem,
salunglung-sebayantaka, adung
dumun ring kulawarga raris
 limbakang.
 Nunggalang sane kekalih
Patut madwe pangweruh
nyikiang sane kekalih tur
mabinan,uning
ngawigunayang lan
nyuksemang.

 Raris margiang limbakang

Pangeweruhe puniki
ngawinang kayunne parama
suksema lan ledang sane patut
margiang tur limbakang.

 Sane akeh dados treti

Mahawinan mahurip sane
akehe puniki sampun
ngeranayang, dwaning akehe
 puniki mangda trepti.

5.  Dharmaning grahasta tuhu

Tingkah lan parilaksana sane
patut margiang sajroning
maseumah ring kulawarga
mangda degdeg lan trepti.

 Uning ngemban anak istri

Mangdane wikan ngeraksa
anak istri saking welas asih, tan
dados sasaran patungkas
kantos nemu duhkita.

 Ping kalih preti sentana

Taler uning miwah sumanggup
ngupapira lan ngeraksa preti
santana saha nuntun mangda
 madwe sasana becik.

 Yadyastun kalintang sukil

Meweh pisan wiyakti reraksan
sang ngelarang grahasta
ngadungang lan nyikiang
papinehe mangda sumuyub
ring kulawarga.

 Nanging amongan utama

Kemon sujatin ipun dahat
mautama anggen piranti
nuntun kahuripan nuju
penauran hutang lan
palepasan.

 Yan sampun degdeg lan trepti

Nanging mangda wyakti
sumeken meyasakerti
ngacepang mangda degdeg lan
trepti ngawit saking kulawarga.
PUPUH GINADA BAGUS KUMARA
1.  Paos pertama nartayang
Manut undang-undang
perkawinan nomor siki paos
kapertama janten sampun
kasurat.

 Paiketan alaki-rabi
Pawiwahan inggih punika
paiketan alaki-rabi purusa
kalawan pradana sane saling
asah-asih asuh.

 Sekala miwah niskala

Boya paiketan angga sarira
kemanten, nanging kantos
sane pinih luhur jiwa pramana
 mawinan kebawos sekala-
niskala.

 Kulawarga langgeng
kewangun
Sane maduwe pangapti utawi
tatujon ngewangun kulawarga
sane langgeng mawinan tan
dados madwapara.

 Muponin bagya-santosa
Turmaning matatuwek
mangda sida ngamolihang
kasubagian lan santosa sekala
mwang niskala.
  Tresna asih
Kedasarin antuk sama-sama
tresna asih paras-paros lan
salunglung sebayantaka.

 Bhakti ring Hyang Widhi

Wasa
Taler kedasarin antuk rasa
subhakti majeng ring Ida Sang
Hyang Paramakawi.

2.  Sesana ngagem grahasta

Inggih, sesampune
ngemargiang kahuripan
mapaumahan utawi rumah
tangga, patut anutin
sesanane.
 Mangda satya lan sutindih
Pamekas sang kalih suami-istri
mangda satya lan sutindih
ngagem pakulawargane, tan
dados obah.

 Ring ngaskara pawiwahan

Riantuk sampun manggeh
pawidhi widanane, majalaran
upasaksi sekala-niskala
ngaskara pawiwahan.

 Sang kalih eling lan tinut

Punika dwaning sang alaki-
rabi mangda setata eling lan
satinut ngajegang
kulawargane asri ngaledangin.
 Stata ngautsahayang
Uning ngemban kulawarga,
mitetin pikayun mangda uleng
pikayune ngacepang
kasukertan warga warga riyin.

 Saling asih
Mangda trepti saling uning
nerima pabinayan papineh
soang-soang, tresna asih tan
wenten rebat kabyahparan.

 Tan kantos palas merabian

Napi malih paiyegane kanti
ngawinang palas makurenan,
nenten pisan dados.
Sampunang surud-surud ngelatih angga
sajroning ngalimbakang kesabaran,
kadegdegan, mamekek indra mangda tan
ngawetuang brangti, keciwa, pariselsel lan
kaduhkitane siosan mapiranti antuk
ngisep angkihan sane alus, pamjang lan
ngeningan pikayun medasar : heneng-
hening-eling-awas.
SLOKA MANAWA DHARMASASTRA
“Tatha nityam, yate yatam,
Stri pumsau tu krta kriyau,
Ya than abi cartam tau,
Wiyukta witar etaram”
(M.D.S.IX.102)
“Mogi-mogi Sang sane sampun kaikat
antuk upacara pawiwahan, mangda
setata Sang kalih ngutsahayang tetap
rumaket, mangda nenten palas
marabi.”
3.  Ring manawa Dharma Sastra
Manut daging cakepan suci
Manawa Dharma Sastra
 wenten makudang-kudang
warni pawiwahan (8 warni)

 Pawiwahan keh pemargi

Brahma Wiwaha, Daiwa
Wiwaha, Arsa Wiwaha,
Prajapati Wiwaha,Asura
Wiwaha, Gandarwa Wiwaha,
Raksasa lan Paisaca.

 Nging ketehe kemargiang

Nanging boyaja sami punika
memargi manut galahe
mangkin wantah saking
Brahma Wiwaha kantos Asura
Wiwaha.
 Twah arsa-Wijaya iku
Sane paling ketah pisan
kemargiang manut Adat ring
Bali pamekas wantah Arsa
Wiwaha.

 Kedasarin sama suka

Sang yayah-rena ngadungan
okane alaki-rabi sane sampun
medasar saling tresna asih
ring sang kalih.

 Ring sang kalih

Pamekas calon panganten
maka kalih sampun pada
ngadungang raga sangkaning
sama arsa lan sama asih.
  Purusa klawan pradana
Sang marasa lanang kelawan
istri sampun pada
sumanggem ngelarang
grahasta asrama

4.  Wiwaha tan kedadosang

Risajeroning pawiwahan
wenten sane tan kemargiang
kadi ketahe riantuk nenten
kalugrayang.

 Raksasa-pisaca kalih
Mekadi wiwahane sane
kekalih puniki inggih punika
Raksasa mwah paisaca
Wiwaha
 Reh tan anut maring dresta
Riantukan nenten pisan
manut ring dresta Desa
pakraman sane madwe tata
krama sane luhur.

 Pawiwahane tan patut

Pawiwahan kadi punika tan
pisan patut kemargiang
dwaning kaliput dening
kaletehan rajah-tamah.

 Riantuk tan pada lila

Semaliha nenten kedasarin
antuk welas asih sane suci tan
pada suka lila sajroning kayun
 hening

 Ngaresresin
Banget pisan nyejehin, nenten
ngawetuang kasubagyan
riantukan ngaresresin ngawe
manah sedih.

 Kedasarin parikosa
Dwaning kemargiang antuk
parilaksana sane kaon
medasar parikosa lan
kakerasan.

5.  Tata-titi pawiwahan
Wenten makudang-kudang
dudonan parikrana sane patut
margiang sajroning pacang
 nabdab pawiwahan

 Marerasane kawitin
Kekawitin dumun antuk
pesadok mapiuning ring sang
madrue daha, ngaturang indik
ngawentenang mararasan.

 Ngnutin Brahma wiwaha

Pemargine puniki nganutin
brahma wiwaha sane mesaih
pemargine ring Arsa wiwaha
sampun kalumrah.

 Mapepadik dasar ipun

Dasar ipun wantah kulawarga
saking purusa maswaka ring
genah kulawarga pradana
 kepadik kejangkepang alaki-
rabi.
 Reh sang kalih pada tresna
Dwaning sang kalih purusa
kelawan pradana sampun pda
tresna asih ngadungang raga
makurenan

 Kedabdabin
Sajroning pemargi kantos
puput upacara-upakara
Pawidhi-widana kedabdab tur
karemba olih kulawarga

 Olih Sang Guru Rupaka

Wantah yayah renan sang
meraga teruna utawi purusa
sane nabdab pula-pali
 pawiwahane.

6  Mesadok patut margiang

Masesambatan lan mapiuning
sandang margiang mangda
ninutin tata krama sane
ngulangunin kayun.

 Ring reraman anak istri

Pamekas marep guru rupakan
sang daha nguningayang indik
dudonan parikrama sane
kemargiang.

 Ngawentenang dharma-
swaka
Raris ngemargiang pepadikan
utawi Dharma sewaka ring
 sang madwe daha lan
warganyane.
 Ring galahe pinih ayu
Manut sekadi galah sane
sampun kapikayun becik sane
kemanggehang suba dewasa.

 Warga daha-warga truna

Matemuang warga daha
kelawan warga teruna
ngawentenang bebaosan
nyulurang pemargin Sang
kalih.

 Masasahin
Sangkaning pagendu wirasa
sane becik mapaitungan
kulawarga purusa kelawan
 kulawarga pradana.

 Ngamet-pinet pada arsa

Nyulurang pemargin sang
kalih sane sampun pada arsa
jaga pacang ngelarang
grahasta asrama.

7  Mangda manggeh
pawiwahan
Apang sida janten parikrama
amet-pinet sane kemargiang
kelanturang antuk upacara
pawiwahan

 Patut wenten upasaksi

Kerastitiang mangda patemon
alaki-rabi mangguh
 kerahajengan turmaning
nunas upasaksi
 Ring Ida Hyang Widhi Wasa
Ping ajeng ring ida Sang Hyang
Parama kawi mangda ledang
ngicen wara nugraha ring
palinderan kahuripane puniki.

 Pasakapan cihna ipun

Wentene katur banten
upakara miwah Pawidhi-
widana punika maka cihna
pastika pemargine manggeh.

 Kariyinin biya-kala
Janten sampun kariyinin
antuk upacara makalan-kalan
sapisanan maka upasaksi ring
 para Bhuta-Kala

 Lantur malih,
Mangda jangkep
kawentenane upasaksi janten
sampun wenten malih

 Upasaksi ring manusa

Sapengerauh Ida-dane saha
sameton sareng sami janten
sampun meraga upasaksi ring
kemanusan.

8.  Klian Adat miwah Dinas

Napi malih kerauhin olih para
prajuru dinas kelawan Adat
sane pacang ngemanggehang
indik pawiwahan.
 Saking sang alaki-rabi
Manggalaning adat lan dinas
ring wewidangan purusa lan
pradana ngadungan
bebaosan.

 Serah-terima kemargiang
Ngawentenang parikrama
serah-terima tur ngalingga
tanganin mangda manggeh
sapamargin pawiwahan.

 Kajangkepang swaran kulkul

Manut sima-dresta sane
kemargiang pamekas ring Bali
kejangkepang antuk swaran
 kulkul ring bebanjaran
pradana.

 Cihna banjar pakraman

Nika wantah cihna pasobyah
ring banjar pekraman indik
warginnyane sane ninggal
banjar merabian.

 Manggeh yukti
Medasar dudonan parikrama
kadi ring ajeng puniki tur
kapuput olih pemangku janten
manggeh pawiwahan.

 Pawiwahan manut dresta

Manut dresta ring desa
pakraman sane kelanturang
 nuju kedinasan kantos sida
ngamolihang akta perkawinan

9.  Saking pawidhi-widana
Majalaran ngaskara upacara
pawiwahan sane medaging
tuntunan mautama sajroning
ngemban kulawarga.

 Ne macihna sampun pasti

Macihna sampun manggeh
turmaning patut
kelaksanayang olih sang alaki-
rabi mangda molih
kerahajengan.

 Sajeroning pawiwahan
Patut pisan resapang pula-pali
 pawiwahan sane ngicen
tuntunan lan uger sajroning
parilaksana.
 Pamarisudha katuju
Tatuwuke pisan majeng sang
alaki-rabi ngicalang sarwa
letuh sane nyarubin patemon
pura kelawan pradana.

 Kabawos pabiyakalan
Mawinan wenten kemargiang
upacara pabiyakalan marep
sang kalih mangda taler uleng
ngacepang anggan nyane.

 Suci bresih
Ngicalang sebel-kandel sane
wenten ring padewekan,
 menados suci nirmala, boya
wantah ngulurin kama.

 Manik sang lanang mwah

wadon
Kasuciane puniki sane
ngawinang sang lanang miwah
wadon kasusupin olih manik
mautama peragayan kama
jaya mwang kama ratih

1  Dwaning koja gagesonan

0 Punika mawinan dabdabang
pisan sampunang karunggah-
runggah, kedoropon mangda
tan kedandan kita sane letuh.

 Dasarin pikayun hening

 Patut pisan matetuwek antuk
pikayuh degdeg bresih tan
kasusupin buta kalan I panca
indria.

 Ngawit saking pasewakan

Kekawitin saking pasewakane
mangda ninutin tata krama
sane patut manut dresta
wewengkon nyane.

 Nganutin dresta penghulu

 Sida ngardi pewarangan

 Sareng sami
 Mangda sida nemu bagya.