SRI BADUGA MAHARAJA

Ku Edi S. Ekadjati

Jenengan Sri baduga maharaja (1482-1521) kaunggel dina prasasti batutulis. Eta
prasasti kapanggih tur aya di bogor tepi ka kiwari. Dina eta prasasti disebutkeun
yen sri baduga maharaja teh raja nu nyangking kakawasaan di pakuan pajajaran.
(ratu haji di pakwan pajajaran). Gelarna leuwih ti hiji, gumantung kana
kalungguhanana (diwastu): prebu guru dewataprana sri baduga maharaja, sri sang
ratu dewata, sarta saparantos pupus prebu ratu.
Ditataan deuih padamelan katut sarlisahna. Disebutkeun yen anjeunna gali
lombang (pertahanan) di pakuan (nyusuk na pakwan), ngadamel tanda pangeling-
ngeling (kaagamaan) winangun gugunungan (nyiyan sakakala gugunungan) jeung
jalanna make batu (ngabalay), netepkeun leuweung larangan.