Bahasa Bali

1.1 pidarta lan mapidarta

1. Pidarta inggih punika daging pikayunan sane kawedar ring sang
sareng akeh sane matetujon mangda napi luir sane kabaosang prasida
karesepang tur sida kalaksanayang ring kahuripan maparajana.
2. Mapidarta inggih punika ngwedar daging pikayunan ring sang sareng
akh, nganggen bahasa bali alus.
3. Sang mapidarta, ring bahasa indonesia kabaos orator,ring bahasa bali
kawastanin pamidarta.
A. Tata Cara Mapidarta
1. Pidarta dadakan.
Mapidarta sane nenten mabuaka,kapakusara mabaos ring sang sareng
akeh mawinan nenten nganggen naskah pidarta.
2. Pidarta ngwacen naskah.
Mapidarta ring patemon resmi antuk ngwacen naskah pidarta sane
sampun kasiagayang. Punika sering kamargiang ri kala ngwakilin
pejabat sane nenten mrasidayang rauh,pidartane kawacen antuk sane
ngwakilin .
3. Pidarta tutur.
Mapidarta lisan nenten nganggen naskah pidarta. Puniki
kalaksanayang antuk anake sane sampun waged mabaos bali utawi ri
kala para siswane ngamiletin lomba mapidarta.
4. Pidarta ardatutur.
Mapidarta semi lisan, pamidarta muat ringkesan utawi unteng
bebaosan, sane kakembangang antuk basa tutur(lisan).

B. Wangun Pidarta.
1. Murdan Pidarta(judul).
Patut kasurat manut topik tema sane sampun kajantenang.
2. Purwaka utawi Pamahbah.
Kawedar utawi pendahuluan sane madaging :
a. Matur suksma
b. Pangastuti
c. Ngaturang pangayubagia.
3. Daging Pidarta.
Puniki kawedar manut ring tema pidarta sane kajantenang.
4. Pamuput Pidarta.
Kirang langkung madaging atur indik :
a. Nyutetang daging bebaosan
b. Matur suksma
c. Nunas pangampura
d. Pangastuti pamuput