pengertian pidarta bahasa bali

pidarta bahasa bali

A. pidarta miwah daging pidarta.

pidarta inggih punika daging pikayunan sane kawedar ring ajeng anak sareng akeh sane matetujon
mangda indik napi sane kawedar punika prasida karesepang saha benjangan prasida kalaksanayang.
wenten makudang-kudang tatacara, sajeroning ngawedar pidarta, makadi :
1. pidarta dadakan,pidarta sane kawedar nenten nganggen teks. upami ri kala kasudi mapaica
piteket-piteket ring sang mawiwaha.
2. ngwacen pidarta, mapidarta nganggen teks sane sampun kasayagayang. punika ketah
kebaktayang olih para pejabat ring acara-acara resmi.
3. mapidarta ngapalang teks, pidarta sane kawedar antuk basa tutur(lisan), upami ri kala para
siswane ngemiletin lombamapidarta.
4. pidarta nganggen ringkesan,mapidarta semi lisan, makta ringkesan utawi unteng-unteng
bebaosan, sane kakembangang antuk basa tutur. upami bebaosan pengenter acara utawi ugrawakia.
malarapan kawentenan punia, sejeroning pacang makarya pidarta patut kaelingin
paindikan sane dados anggen titi pangancan inggih punika: 1. murdan pidarta,2.
purwaka/pamahbah,3. daging pidarla,lan 6. pamuput pidarta.
1. murdhan pidarta(judul) patut kasurat manut topik/tema sane sampun kajantenang.
2.purwaka utawi pamahbah, kawedar pinaka pendahuluan sane madaging :
a, pangastawa lumrahnyane nganggen panganjali umat,om swastyastu,
b. matur suksma, majeng ring saneg sane ledang rauh,
c. ngaturang pangayubagyan, majeng ring ida sang hyang widi waa.
3. daging pidarta, punika kanutang ring tema pidarta sane kasayagayang.
4. pamuput pdarta, sane madaging atur indik:
a. matur suksma
b. nyutetang
c. nunas pangampura
d. salam pamuput
B. tetikesan mapidarta.
ajeroning mapidarta, mngda punapa-punapi sane kawedar prasida kauratiang, karesepang,
saha sida nudut kayun sang sane miarsayang, patut babaosan punika kawewehin antuk tikesan kadi
ring sor puniki.
1. wicara, nganinin indik kawagedan ngolah tema, mangda prasida nunut kayun sang sane
mirengan.
2. wirama, nganinin indik tembang baos bali (lagu ucapan), miwah intonasi suara sane anut ring
panggelan lengkara mawinan kapiragi lengut.
3. wirasa, nganinin indik kawegedan ngwewehin pangrasa (penghayatan).
4. wiraga, inggih punika semita miwah raras ( bahasa tubuh ).

c. luir bbaosan pidarta

siosan ring pidarta, taler wenten makudang-kudang bebaosan sane kawastanin ;
1. dharma wacana, inggih punika babaosan pidarta sane kawedar ring sang sareng akeh sane
madaging indik ajahan sastra agama.
2. sambrama wacana, inggih punika bebaosan pidarta sane kawedar pinaka panyanggra(kata
sambutan) sajeroning upacara adat/ agama.
3. dharma tula, mabligbagan (diskusi) indik ajahan dharma.
4. widya tula, mligbagan saindik-indik kaweruhan(pengetahuan).
5.dharma suaka, babaosan sane madaging pasuakan
6. sima krama, patemon jagi maosan padarmasuakan