NASKAH LUDRUK

Judul : Perawan deso? Ga masalah.

Latar panggon : Pasar
Latar suasana : Bungah
Latar wektu : Awan
Sutradara : Fathmawati Putri G. (18)
Penata rias : Fadilla Niken Aulia (16)

LAKON :

Suparman : Muhammad Shaleh R.N. (28)

Dewi : Defalya Ayunindhira R. (12)
Mbok Lasri : Anastasya Laila Definia S. (03)
Kamto : Ardian Cahya Saputra (04)
Kartono : Farrel Akbar Yoga P. (33)
Bunga : Zalfa Azzahra Putri T. (34)
Sari : Aulia Rahma (06)
Eko : Damar Raditya Hapsoro (11)
Tukiyem : Sefiyana Jihanuri Nisrina (32)
Painem : Joyfanya Awalliyah Putri (23)
Bu Tri : Fibriansyah Djannas (20)
Ana : Fadilla Niken Aulia (16)
Siti : Masyitha Ramadhania (26)
Ahmad : Raihan Hutomo Barsai (31)
Sujiman : Dipta Sena Alfarehzi D. (13)
Widodo : Musyaffa Hafiz Mukti W. (29)
PAMBUKA

(Putri) Remo Bolet

(Putri) Tuku wesi ing pasar loak, mulih awan lek lewat Dupak.
Wong saiki gak peduli wis duwe anak, pengen nggudo
perawan sampek natap becak.
(Putri) Sugeng rawuh mbak-mbak, mas-mas, ing ludruk babagan
perawan. Monggo ndelok sampe wes buyar, mugi-mugi
ngguyune bablas.

BEDAYAN

Paraga : Suparman lan Kamto

(Suparman) Tuku buah nek buah gedhang

Senengane adekku seng prawan
Arek e ayu senengane kaosan
Gak atek bh koyok nggembol kucing anakan.
(Suparman) Sangking ae adekku rek rek
(Cak Kamto joget)
(Suparman) Aku pengen dadi Superman
Disenengi akeh perawan
Ngganteng iyo, duit yo onok
Marai prawan podo nempel kabeh
Dang dang dung dung des.
DAGELAN

Paraga : Suparman lan Kamto

(Cak Kamto isih njoget)

(Suparman) Heh! Lapo kon iku? Wes mari lagune yaopo rek.
(Kamto) Kepenaken Man njoget e mau.
(Suparman) Lha wong lagune wes entek kon sek njoget, dadak
koyok wong gendeng tah ngono iku.
(Kamto) Entek apane? Sek muni mau iku.
(Suparman) Lagune loh wes mandek sak mariku nyanyi iku mau.
(Kamto) Yo kongkon mlaku, iyo opo ora?
(Suparman) Ya Allah - Ya Allah, yo ngene iki nek ngomong karo arek
seng laire Minggu malem Rebo, yo ngene iki.
(Kamto) Minggu malem Rebo buathuk mu a, seng jenenge Minggu
iku yo malem Senen, lapo Minggu malem Rebo iku?
(Suparman) Lairmu iku Rebo, tapi mak mu ngeden e mulai Minggu,
ngono lho.
(Kamto) Halah ngomong tok.
(Suparman) Loh, kandani kok.
(Kamto) Yowes-yowes, aku iki kate takok Man.
(Suparman) Takok opo? Takok ae uripmu.
(Kamto) Aku iki jomblo Man, enak e yoopo?
(Suparman) Masio aku yo jomblo To. Ngene ae, nggolek o prawan
seng wayu, seng bohay, seng iso njoget megal-megol
bareng awakmu engkok.
(Kamto) Ndek ndi nggolek seng ngono Man?
(Suparman) Ndek weteng e ibuk e, lho yoopo arek iki.
(Kamto) Ndek weteng ibuk e yoopo seh Man
(Suparman) Yo katene nang weteng e ibuk e, ncene guoblok kok
arek iki adakno. Njaluk nang gusti Allah To To.
(Kamto) Jalukno po’o Man.
(Suparman) Nek aku seng njaluk, tak pek loh prawan e.
(Kamto) Lho yoopo seh.
(Suparman) Yo gaiso diwakilno blok! Mbok kiro gusti Allah iku tiket
bal-bal an opo.
(Kamto) Lho ngono ta? Ealah-ealah.

ADEGAN 1

Paraga : Suparman, Kamto, Bu Tri, Mbok Lasri, Dewi, siti, Ana,

Widodo, Eko, Kartono, Ahmad, Sujiman, Tukiyem, Painem.

(Bu Tri) Ealah To To, kon iki bingung jomblo ae uripe, enak singel a
ngono iku.
(Kamto) Single buk, single.
(Bu Tri) Yo ikulah pokok e, penakno sek uripmu, mlaku-mlaku
nangdi ngono loh, nang Jogja ta, nang Bali ta, ojok makani
pitik ae.
(Suparman) Ojok buk, ojok. Sek kasbon moso kongkon
mlaku-mlaku.
(Bu Tri) Lo guduk ngono, moso de’e ndek deso iki teros mulai
mbrojol sampe om-om ngene. Apene rabi ambek pitik a?
(Kamto) Yo ojok buk :((
(Mbok Lasri) Heh buk Tri! Lapo ndek kene?
(Bu Tri) Cak Kamto iki loh, bingung rabi ae.
(Mbok Lasri) Healah-healah, nggolek kerjo sek seng bener alah,
ojok gelem penak e ae To.
(Suparman) Rungokno iku To.
(Mbok Lasri) Heh! Kon iku sisan, umur piro ape duwe bojo? Ga
rabi-rabi malah sek nggudoi prawan ae.
(Suparman) Iyo mbok, iyo.
(Bu Tri) Yoweslah pikiren iku, aku tak mulih sek.
(Kamto) Lapo mulih buk?
(Bu Tri) Mbraeni bojomu!
(Kamto) Ga duwe bojo loh buk.
(Bu Tri) Wes eroh takok.
(Mbok Lasri) Tak mulih sisan aku.
(Suparman) Salam ke dek Dewi ku yo mbok.
(Mbok Lasri) Heh! Heh! Tak tuapok lo kon!
(Mbok Lasri, Bu Tri, lan Suparman metu)
(Kamto) Loh, aku ditinggal e.
(Tukiyem & Painem) LHAR!! LHAR!!
(Kamto) ASTAGHFIRULLAH!
(Tukiyem) Loh Nem, gak bareng yoopo seh, ulang-ulang! 1,2,3
(Tukiyem & Painem) LHAR!!!
(Kamto) Kon iku lapo seh Yem, Nem?
(Tukiyem) Numpang lewat dadi iklan.
(Painem) Setelah pesan-pesan berikut ini.
(Tukiyem lan Painem metu)
(Kamto) Lho ya Allah, mimpi opo aku mang bengi, kok onok wong
koyok ngono.
(Kamto) Timbang tenguk-tenguk dewe tak celuk e seh
konco-koncoku. He ges – he ges, Kam Hir!!
(Kamto) Ayo lungguh sek, lungguh.
(Kartono) Lapo To nyeluk awak dewe?
(Eko) Lek gak dicelok slak dipangan ulo No.
(Widodo) He sek-sek, kok gaonok perawan dodolan jamu seh,
ngelak aku iki.
(Ahmad) Sektas apene ngomong aku.
(Kartono) Iyo cak, ngelak sisan aku mari ndelok iwakku ngombe
mau iku.
(Eko) Iwak isok ngombe yo?
(Sujiman) Iwak e wong sugih bedo Ko, yoopo rek rek.
(Eko) Ah moso?
(Kartono) Menengo a Ko Ko, rame ae.
(Perawan penjual jamu mlebu)
(Ana) Uhuy!
(Dewi) Heh kon lapo seh!?
(Widodo) Jek ket dirasani wes teko rek.
(Ahmad) Alhamdulillah seh Do.
(Dewi) Yowes yowes iki loh jamune lek ngelak.
(Siti) Iki sisan lek luwe jajan e.
(Suparman) Lha kon dodolan opo An?
(Ana) Ngawur ae, aku kasir e, awas lek kasbon tak sunat lho!
(Sujiman) Yowes iyo, tuku o wes rek, tak bayri dina iki mumpung
mari gajian.
(Ahmad) Alhamdulillah ya Allah.
(Eko) Ngene a lak mashok seh!
(Kamto) Nah wes sip!
(Suparman) Dek Dewiiii
(Dewi) Opo maneh!
(Suparman) Judes e talah, wong ape tuku kok yo.
(Dewi) Halah iyo-iyo, tuku opo Man?
(Suparman) Sinom ae wes.
(Kamto) Aku sisan.
(Eko) Aku yo gelem.
(Kartono) Mesisan kabeh wes.
(Ana) Berarti piro iki sinom e?
(Widodo) Itungen dewe An.
(Ana) Ji, ro, lu, pat, mo, nem, pitu. Pitu yo iki berarti?
(Sujiman) Iyo pitu An.
(Dewi) Yowes sek.
(Sujiman) Aku jajan e siji, opo ae wes sembarang.
(Siti) Oke siap.
(Kartono) Lanjutno To seng ape mbok omong mau.
(Kamto) Dadi iku....
(Kringggg Kringggg)
(Suparman) Halo opo dek? Mrene o wes aku nde pojokan deso
biasane iku loh. Yowes-yowes Waalaikumsalam.
(Kamto) Kurang ajar dipotong!
(Suparman) Adekku loh telpon ape mrene.
(Kamto) LHO IYO TA!!?
(Suparman) Iyo, lapo kon kok sueneng ngono pawakane?
(Kartono) Paling yo naksir adikmu Man Man.
(Dewi) Iki sinom e.
(Siti) Iki Man jajane.
(Sujiman) Suwun suwun.
(Kartono) Ayo lanjut!
(Suparman) Lho naksir adikku a kon? Hayo.....
(Kamto) Wes-wes lanjut sek, aku ape ngomong.
(Suparman) Halah, kon ape ngomong jomblo seh ya, wes ngerti aku
wes ngertiii.
(Kartono) Kabeh yo jomblo ndek kene, wes gausah dibahas, marai
erosi!
(Suparman) Emosi goblok! Erosi-erosi ndasmu a.
(Bunga) Massss, masss.
(Suparman) Bengak bengok ae wong aku ndek kene!
(Bunga) Yo sepurane talah! Ngono ae ngamok sumpek.
(Suparman) Yowes dek kon nak kene mbek cak Kamto ae, aku
mbek sing liyane onok bisnis.
(Eko) He bisnis opoo?
(Kartono) Jangkrek, wes melok o ae.
(Eko) Mek takok cak, yowes-yowes.
(Suparman) Ayo wes, dadah dekk.
ADEGAN 2

Paraga : Kamto, Bunga, Tukiyem, Painem, Dewi, Mbok Lasri, Sari,

Suparman, Kartono.

(Kamto) Gausah ngadek dek, kene lungguh sebelahku.

(Bunga) Heem. Bang, langit e apik yo, sueger dina iki.
(Kamto) Iyo dek, tapi sek apik an awakmu.
(Bunga) Heehhh, abang aya aya wae.
(Kamto) Eh dek, ngerti po ra persamaane langit karo kowe?
(Bunga) Ora bang, emange opo?
(Kamto) Podo-podo ngademno atiku.
(Bunga) Moso seh bang. Ojok nggarai baper tok engkok ditinggal
ndang an. Sedih atikuu, hiks.
(Kamto) Bunga oh bunga, ojok sedih onok aku nang kene seng
tresno karo kowe.
(Bunga) Hah, tresno?
(Kamto) Iyo lah mosok tresna, koncoku lak an iku piye toh.
(Bunga) Yawes bangg, arep mlaku-mlaku po ra? Mumpung dina iki
uapik cuacane.
(Kamto) Jiwa ragaku slalu siap nek bareng awakmu.
(Bunga) Halahh gombal, wes ayo!
(Tukiyem) He nem nem, kene-kene!
(Painem) Nyapo maneh?
(Tukiyem) Siki Bunga mbe Cak Kamto tah?
(Painem) Kon iki gaoleh ngurusi uripe wong. Eh tapi iyo a?
(Tukiyem) Jare ga oleh ngurusi tapi kono yo kepo, piye toh?
(Painem) Hot nyus iki hot nyus
(Tukiyem) Cih, plin plan arek iki.
(Painem) Yowes babah. Ayo nggoleki Bunga karo Cak Kamto mau!
(Tukiyem) Dal!

(Mbok Lasri) Nduk, sampe kapan kon ga nggolek bojo koyok

ngene?
(Dewi) Mbokk ojok gupuh tahh. Aku sik enom, sik isok nggolek
duwit dewe
(Mbok Lasri) Iyo ngerti mbok. Tapi kon wes umur selawe moso
gorong onok seng mbok taksir?
(Dewi) Dereng enek mbok, ya Allah.
(Mbok Lasri) Ealah yawes-yawes, ayo ngentasi klambine iki.
(Dewi) Ngge pun.
(Bunga) Assalamualaikum Mbok, Dew.
(Mbok Lasri) Waalaikumsalam, nyapo mrene nduk?
(Bunga) Iki mau mbek bang kamto muter-muter, eh dadakno lewat,
yo mampir mbok.
(Dewi) Lho kon saiki mbek cak Kamto?
(Kamto) Yo iyo rekkk.
(Mbok Lasri) Yo ngene talah, gak koyok sebelahku, judes e karo
wong lanang.
(Dewi) Haduhh, mesti mbok iki.
(Kamto) Tunggok ono undangan kawinku ae Dew, engkok lek onok
teko o, lak akeh tamu seh, yo iku barangkali jodohmu.
(Dewi) Amin wes aminn, ndang digawe loh.
(Bunga) Hm tala, yowes-yowes tak lanjut muter-muter maneh.
(Kamto) Monggo Mbok, Assalamualaikum.
(Mbok Lasri) Waalaikumsalam.
(Dewi) Loh mbok, Bunga ape kawin karo cak Kamto a?
(Mbok Lasri) Mboh wes cak Kamto moso nggenah lek ngomong.
(Dewi) Iyo ya, yawes-yawes tak mlebu disikan ya mbok.
(Mbok Lasri) Iyo-iyo.

(Suparman) Ya Allah, jam piro iki adekku gorong mulih-mulih.

Ngene iki lek diolehi mlaku-mlaku, lak lali wektu, ncene
mokong!
(Bunga) Assalamualaikum.
(Suparman) Waalaikumsalam, tekan ndi ae awakmu?
(Bunga) Mlaku-mlaku karo bang Kamto mas.
(Suparman) Abang!? Lho kon saiki mbek Kamto a?
(Bunga) Iyo lahhh.
(Suparman) Eala-eala, sek ket ketemu langsung ngene arek iki.
(Bunga) Gaopo kan mas?
(Suparman) Yo gaopo seh, awas ojok keblablasan tapi!
(Bunga) Yo tapi, a....
(Kartono) MAMANK SAMLEKOM!!
(Suparman) Heh cocot e! Lek salam iku seng nggenah talah.
(Kartono) Iyo-iyo, Assalamualaikum.
(Suparman) Waalaikumsalam.
(Bunga) Nyapo mrene No?
(Kartono) Jare mas mu ape dulin catur karo aku.
(Bunga) Oalah yawes. Mas, aku nang kamar yo.
(Suparman) Adus sek terus mangan baru turu.
(Bunga) Iyo mas, iyo. Bye.
(Kartono) Ndang jupuken caturmu Man!
(Suparman) Teko-teko ngongkon! Sek, sabar.
(Sari) Assalamualaikum.
(Suparman) Waalaikumsalam, lo Sari onok opo mrene bengi-bengi?
(Sari) Apene nang Bunga mas, oiya karo nginep kene, gapopo toh?
(Suparman) Yo gapopo. Sek, NGAA!! BUNGAA!!!
(Bunga) Opo seh mas!? Bengak bengok ae, sek apene mlebu kamar
iki loh!
(Suparman) Lha iki loh Sari kate nginep, lali ta awakmu?
(Bunga) Oemji lali aku! Ayo Sar, melbu!
(Suparman) Ncene cah bocah iki, ck ck ck.
(Kartono ngorok.)
(Suparman) NO! Guoblok dadak turu arek iki.
(Kartono) Ngantuk aku, ndang jupuken catur e tak gawekno kopine
nak dapur.
(Suparman) Yo kono!
(Suparman) He kok sepi ya nek wong loro tok?
(Kartono) Lapo emange? Ape nyelok arek liyane a?
(Suparman) Kamto ae, ojok akeh-akeh!
(Kartono) Iyo-iyo sek.
(Suparman) Yowes kono ndang!
(Suparman nyruput kopi)
(Suparman) Hadeh, ngene iki deritae wong jomblo, mesti kesepian.
(Kamto) Assalamualaikum!
(Suparman) Waalaikumsalam, lha ngene kan rame, enak.
(Kamto) Salah e jomblo, buahahah.
(Kartono) Mentang-mentang wes karo Bunga, malah ngenyek
wong.
(Suparman) Mas e maneh seng dinyek.
(Kamto) Oiyo ya, lali aku.
(Kartono nyruput kopi)
(Kamto) Lho, endi kopiku iki?
(Suparman) Nggaweo dewe To.
(Kartono) Njaluk enak e ae, mbok kiro awak dewe babu opo?
(Kamto) Lho kan onok pepatah, tamu adalah raja.
(Suparman) O, ndak berlaku disini.
(Kartono) Iyo cak, wahahahah
(Kamto) Hey, berapa harga outfit lo?
(Suparman) Lho, tanya dia.
(Kartono) Klambine Suparman iku eksklusif cak, digawe ndek
negara Aceh!
(Suparman) He guoblok! Aceh kok negara se blok! Sek Indonesia
iku.
(Kamto) Ngene iki mbujuk gak janjian.
(Suparman) Sumpek lur!
(Kartono) Sido dulin catur gak iki Man?
(Suparman) Yo sido lur. Heh To, ojok ngapel karo adekku lo kon, ga
pareng ngapel ndek omah iku.
(Kartono) Wes ndek kene ae ojok kabur!
(Kamto) Ngge pun.