ANJO LEKBAK SINGAITA

LEKBAK SIKANRE NYAWATA

JUKUK TUNUA
SIKAYU TASSIPOLONGTA

SOKNAYA BAJIK NIPASANG

KAIYAJI MAPPABATTU
TAENA BORIK
NASALASA NAPANTAMAI

LAKU APAMI SARENGKU

LEKBAK KAMMA PAKKIOKKU
ANJO INAKKE
TAMBUNGJA RI BATARAYA

MANNA MANGNGONJOK RI CIDUK

MANNA MATTETE RI TARANG
TAMANANGNGAYAK
PUNNA IYAPA NATOJENG

TEAKI LANRE MANNYOMBA

RIKARAENG TANNICINIK
NYOMBAKI NAIK
LANI CINIK JINTU SALLANG

OO KARAENG BATARAYA
PAKAJARREKI TAPPAKKU
RIPAKNYORINNA
SIMPUNG PACCOBANA LINO

TEAKI AKKANA JARUNGI

AKKANA TAKTOKDOK TOKDOK
SIKONTU KANA
NIAK ASENG BATTUANNA

IYAJI KUKAMALLAKKANG
PUNNA AGAMA KIPELAK
PUNNA SAMBAYANG
SISAKLAK BATANG KALE

TEYA LALOKI DOSAI

RI RUAYA TAU TOATA
KANJOREN MINJO
TIMUNGANNA SURUGAYA
MAMMUJI RI KARAENGKU
MAPPIBUANG RI BATARAYA
KUTOKDOK PULI
MANGNYEKREANG RI NIAKNA

ASSAMBAYANGKI KITAMBUNG
PAKAJAI AMALATTA
NANIYAK BOKONG
KIERANG MANGE RI ANJA

KUSOMBAI RI MANIAKNA
MALLAKA RI TAKLENGUKNA
NAKUJARREKI
RISIPAK KASEKREANNA

MANNA BUKUJA KUTETE

MANNA CERAK KULIMBANGI
MANTAKLE TONJA
RI BORIK MARADEKAYA

PISSAMPULOA NUBUNO
NUGENTUNG RI KAREBOSI
TAMAMMINRAI
GAUK MAPPAONJOKKU

GUNTURUKNAJI MALOMPO
KILAKNAK MALLAKBANG LINO
BOSI SARRONA
TAMALLIANG TOMPO BANGKENG

SASSAKLALANGA TUNGGUNA
TENA MEMANG NARIOLO
RI BOKO TONJI
MANJINAK MAPPILANNASSI

KUNTU INTANG KUNGAINNU

JAMARROK KULEBANGANNU
KUNTU BULAENG
KUBONENU RI PAKMAIK

PAKMAIKNA TUNRINNIA
KUNTUI JEKNEK RI KACA
KUNTU CARAMMENG
NITONTONG TAKALAPPAKKANG
MANNA ILAUKKO RI JAWA
PUNNA KULANGNGEREKKO GARRING
MAKLAMPA TONJA
MANNA KALONGKONG KUDONGKOKI

INTANG TAUWA KANANGNA

JAMARROK PANGGAUKANNA
BAJIK RI LINO
KANANGI RI SURUGA

KODI PALE TUNAYA

NIKANAYA KASIYASI
BIJA TA BIJA
TAU MARAENGJI RI KATTE

PAKRISIK APAPI POLE

NUKELLAI KUKIMBOLONG
MANNA CEKLAYA
KUKANGKANG MALAKBA NGASENG

BOMBANG ILAUK KUPASANG

KUPPIKATU RI ANGING
PABATTU SAI
NAKKUKKU KURING KURINGKU

MANNA MAJAI DOEK

TATTAMBUNG BARANG BARANGNU
SUSAH JAKONTU
PUNNA TENA SAMBAYANGNU

SIRIK PACCEA RI KATTE

IYA KALE IYA CERAK
IYA NAPPASAK
PAKRIMPUNGAN TALLASATTA

PUNNA TINGGI SIKOLANNU

PAKABAJIKI AMPENU
IYAMI ANTU
LAMANGERANG KABAJIKAN

PAKRISIKKU PAKRISIKNU
SIMPUNGNU SIMPUNGKU TODONG
NAMATEKNEYA
NIRUAI NIKANYAME
ANTEKAMMA PAREKANNA
PAKMAEK LEKBAKA PANRAK
NAMAMMOTEREK
KONTU POLE RI MEMANGNA

KUNTUNGKU LAKLASAK TEMBANG

JAPPO LURE RI KARANJENG
ALANGKANAYA
LESSEKA RI KANA TOJENG

MANNA KERE KERE MAE

PUNNA AKJALAK NASARE
MANNA TAMPARANG
BOMBANG PAKKUBURANG TONJI

ANJAYA BEDENG MAPPASANG

IKATTE NAPAPPASANGNGI
TOBAKKI BEDENG
RIGINTING TALLASATTA

PUNNA NIAKKINTU MANGE

NALAMBAKI KAMASEKU
LIIYANGMAMI
TEAKI SUKBIK BANGKENGI

TAKUNJUNGA BANGUNGTURU
NAKUGINCIRIK GULINGKU
KUALLEANNA
TALLANGA NATOALIYA

JUNJUNGLAH TINNGI TAPPU TALLUA

SIPAKAINGAK
SIPAKALAKBIRIK
SIPAKATAU

NUERANGMINTU NYAWAKU
TASSUNGEKNGEK SUMANGAKKU
EROKKU TODONG
SICINI MANNA SINAMPE

BATEKU NUPAKASIKNA
NUPAKARAWANG NYAWAKU
UKRANGI TONGI
NIAK TONJANTU BAJIKKU
TERUS BELAJAR
GERAK ILMU MELESAT
JIKA BERHENTI
GELAP MELANDA BANGSA