HURIA KRISTEN INDONESIA ( H K I )

( The Indonesian Christian Church )

RESORT KHUSUS BENGKONG INDAH – BATAM
Alamat: Bengkong Indah Atas Blk. H. Kel. Bengkong Indah. Kec.Bengkong KotaBatam
Kode Pos 29432 Rekening BRI. Unit Bengkong No: 5514-01-013970-53-7

PARTORDING NI PARTANGIANGAN KELUARGA

DI HURIA DOHOT BAGAS RUAS NI HURIA
KAMIS, 29 April 2021, PKL 20.00 WIB

I. ACARA PARTANGIANGAN L = Namanguluhon K/J = Keluarga

1. VOTUM
2. MARENDE BE No 6 : 1 + 5 “Puji Jahowa Na Sangap”
♫ Puji Jahowa na sangap huhut marmulia,
Hamu sude na parroha na ringgas na ria;
Marpungu be, marolopolop sude, hamu sude manisia.
♫ Puji Jahowa tondingku, pasangap goarNa !
Dohot sude na marhosa mamuji ibana.
I do ture baenon ni hita sude. Sai taendehon ma amen !

3. AYAT TANGIANG
L : Puji hamu ma Jahowa, baritahon hamu ma goarna i,
pabotohon hamu di tongatonga ni angka bangso angka
pambahenanna i! Endehon hamu ma Ibana, palu hamu ma
parhinaloan umpuji Ibana. Tunggulhon hamu ma goarna na
badia i, marlas ni roha ma angka na mangalului Jahowa.
…..martangiang ma hita ……….
Ale Tuhan Debata, Amanami parasiroha na sumurung ! Nunga
dipatupa Ho haluaon dohot hangoluan di hami marhite hite
panghophopon ni AnakMu Tuhan Jesus Kristus Tuhannami. Lehon
ma TondiM na badia I mangajari dohot margogoihon hami, asa
 huendehon hami GoarMi marhite hite pamujionnami di asi dohot
denggan ni basaM. Ho do sipujion dohot sipasangapon ro di
saleleng ni lelengna. Amen.

4. EPISTEL
L : Epistel di partangiangan Keluarga bodari on tarsurat di : PSALMEN
150 : 1 – 6
150:1 Halleluya! Puji hamu ma Debata di bagasan habadiaonna i, puji
hamu ma ibana di hajanghajang ni hagogoonna i!
150:2 Puji hamu ma Ibana ala hagogoonna, angka na sumurung i, puji
hamu ma Ibana, hombar tu hinagodang ni hatimbulonna.
150:3 Puji hamu ma Ibana mardongan soara ni sarune, puji hamu ma Ibana
mardongan arbap dohot sordam.
150:4 Puji hamu ma Ibana mardongan tali sajak dohot panontoron na
marliat, puji hamu ma Ibana mardongan hasapi dohot tulila!
150:5 Puji hamu ma Ibana mardongan ogung panggora, puji hamu ma
Ibana mardongan ogung panonggahi!
150:6 Sude na marhosa ingkon mamuji Jahowa! Halleluya.
L : Ido sahatna………. Martua ma na umbege jala na umpeop hata ni
Debata. Amen
5. MARENDE BE No 476 : 1 + 3 “Ndada Au Guru Di Au”
♫ Ndada au guru di au be, Jesus do nampuna au.
Las rohangku dung hubege, Jesus sipangolu au.
Reff : Ndang be au guru di au. Jesus na humophop au, nampuna au.
Tung saleleng au mangolu, Jesus do nampuna au.
♫ Ulaonku nang artangku pangke ma baen sangapMi, (Jongjong)
Diusehon Ho mudarMu tung tanda do holongMi.
Reff : Ndang be au guru di au…
6. TANGIANG / DOA SYAFAAT
7. MARENDE BE No 228 : 1 + 4 “Jesus Haposanku”
♫ Jesus haposanku, unang au pasombu
Au di hapunjungan di na so mardongan
Ho tongotong donganku di pardalananku
Jesus haposanku unang au pasombu
♫ Masa asi roha mida sipardosa
Jesus do manesa dosa sasudena
Na gogo mudarNa mamintori hita
Angka asi roha, masa di pardosa.
8. JAMITA / RENUNGAN : PANGUNGKAPON 15 : 1 – 4
a. Dibuhai ma dohot tangiang jala dipaujung dohot tangiang
b. Dijahahon ma turpuk na di toru on
15:1 Dung i huida ma di banua ginjang tanda na asing na balga jala
halongangan: Adong ma pitu surusuruan, na umpeop pitu
haporsuhon na parpudi; ai di bagasan i do marujung rimas ni Debata.
15:2 Jadi huida ma laut sada songon sorminan, na marsaor api; na
jongjong do di topi laut sorminan i angka naung monang maralohon
binatang i nang taringot tu gombaranna dohot bilangan ni goarna,
ditiop do angka hasapi ni Debata.
15:3 Jadi diendehon nasida ma ende ni Musa, naposo ni Debata, dohot
ende ni Birubiru i, angka ninna ma: Na balga jala halongangan do
angka ulaonmu, ale Tuhan Debata. Sigomgom saluhutna; na tigor
jala na sintong do angka dalanmu, ale Raja ni angka bangso!
15:4 Tung ise ma na so mangkabiari Ho, ale Tuhan, dohot pasangaphon
Goarmu? Ai sasada Ho do na badia; ai na ro ma saluhut bangso
marsomba tu jolom, ai nunga gabe patar angka panguhummu na
tigor i!
9. MARENDE BE NO 754 : 1 - .......... Pelean tu Huria
“Gok Las Ni Roha Do Au”
 ♫ Gok las ni roha do au di ngolungkon
Di ngolungkon di ngolungkon gok las ni roha
Do au dingolungkon tongtong di rohangkon
Reff : Mauliate gok las ni roha maringan holongMi
Tuhan di au mauliate gok las ni roha
Maringan holongMi Tuhan di au. - Musik –
♫ Mardame jala sonang do ngolungkon, dirohangkon, dirohangkon.
Mardame jala sonang do ngolungkon tongtong dirohangkon.
Reff : Mauliate … - Musik –
♫ Gok do holong ni Jesus di ngolungkon, di ngolungkon, di ngolungkon.
Gok do holong ni Jesus di ngolungkon, tongtong di rohangkon.
Reff : Mauliate … - Musik –
10. TANGIANG PANUTUP + PASU PASU ; AMEN 3 x

SELAMAT BERIBADAH
TUHAN YESUS MEMBERKATI

1. Di ari minggu tgl 2 Mei 2021 Ima ulang tahun pa 94 HKI ( 1 MEI 1927 – 1 MEI
2021.
2. Dipadalan do Amplop Olop olop tu ganup keluarga ruas ni hurianta, tapasahat
ma I tu Sintua Sektorta ( diboan ma ari Minggu)
3. Ibadah Parmingguon masuk songon na somal.