WULANGAN 1

LUHURING DRAJAT GUMANTUNG ILAT

Kompetensi Dasar dan Indikator

3.1. Mengidentifikasi, memahami, dan menganalisis penggunaan bahasa lesan dalam
berbagai situasi sesuai tatakrama.
3.1.1 Menjelaskan unggah-ungguh basa.
3.1.2 Menjelaskan karakteristik unggah-ungguh basa.
3.1.3 Menjelaskan penggunaan unggah-ungguh basa dalam teks pacelathon.
3.1.4 Menjelaskan isi teks drama.

4.1 Melakukan simulasi penggunaan bahasa daerah dalam berbagai konteks sesuai
dengan tatakrama.
4.1.1 Menulis teks percakapan sesuai dengan kaidah.
4.1.2 Mendramatisasikan teks percakapan yang telah ditulis.
4.1.3 Memberikan komentar atau tanggapan tentang penampilan temannya
dalam bermain teks pacelathon.

Pasinaon 2: Tuladha Pacelathon Undha Usuk Basa

Gatekna tuladha ing ngisor iki!

Tuladha 1
Bagus : Drun, nyang ndi?
Badrun : Lapangan, melu ta?
Bagus : Gak, kadhung semayan karo Adul.
Badrun : Ana acara, ta?
Bagus : Biasa, motor anyar, Mas Brow.
Badrun : Ati-ati, aja ugal-ugalan!
Bagus : Weleh, kaya wong tuwek ae, tutur-tutur!
Badrun : (nggremeng) Diomongi kon ngati-ati kok malah begejegan!
Bagus : Cah enom ki, ya ngene iki.
Badrun : Cah enom iku, kudu berprestasi!

Pacelathon ing dhuwur nggunakake ragam basa “Ngoko lugu”

Amarga:

1. Pacelathon antarane kanca utawa saprantara

2. Basane Bagus lan Badrun ora ana sing kacampuran basa Krama Lugu lan Basa Krama Alus
Tuladha 2
Ibu : Rin, sinaumu wis rampung?
Rina : Sampun, Buk.
Ibu : Kok sik umeg, nyapa kowe?
Rina : Punika ringkes-ringkes, Buk.
Ibu : Aja kesusu turu, solat isyak dhisik, Rin!
Rina : Inggih, Buk. Kula sampun solat. Menawi Ibuk sampun sayah, mangga sare rumiyin!

Pacelathon ing dhuwur nggunakake ragam basa “Ngoko lugu lan Basa Krama Alus”

Amarga:

1. A. Ngoko lugu : Ibu marang Rina

B. Krama Alus : Rina marang Ibu

2. A. Ngoko lugu : Amarga basane Ibu marang Rina ora kacampuran Basa Krama Lugu lan Krama
Alus
B. Krama Alus : Amarga basane Rina marang Ibu nggunakake Basa Krama Alus kabeh.

Tuladha 3
Ibu : Bapak wis dhahar?
Bapak : Wis, ngenteni Ibu kesuwen. Dakkira durung kondur.
Ibu : Lagi wae, Pak. Kanca-kanca ngajak mampir daleme Bu Wira.
Bapak : Lo, Bu Wira wis kondur ta?
Ibu : Mau awan. Didherekake putra ragile.
Bapak : Mas Banu ta?
Ibu : Ya.
Bapak : Mas Banu kae sida ngasta na ndi ta Bu?
Ibu : Dinas Pariwisata kota, Pak.

Pacelathon ing dhuwur nggunakake ragam basa “Ngoko Alus

Amarga:

1. Pacelathon antarane garwa

2. Basane Ibu lan Bapak nganggo basa ngoko ananging kacampuran karo karma alus/inggil.