KEPEWARAAN

Dosen Pengampu:

Ida Bagus Putra Manik Aryana, S.S.,M.Si.

Olih :

Luh Ary Triesna Dewi ( 1912051027 )

UNIVERSITAS PENDIDIKAN GANESHA

2021
 KATA PENGANTAR

“Om Swastyastu”
Angayubagia aturang titiang majeng ring Ida Sang Hyang Widhi Wasa,
sangkaning asung kertha wara nugraha Ida, prasida nyangkepin makalah puniki sane
mamurda “Polah Palih Dados Pewara” puniki manut galah sane sampun katentuang.
Antuk punika, suksma aturang titiang majeng ring Ida Bagus Putra Manik Aryana, S.S.,
M.Si. pinaka dosen pengampu mata kuliah Kepewaraan,

Dumogi materi lan kawidyan sane kapolihang saking makalah puniki prasida
mawiguna majeng ring semeton sane ngwacen makalah puniki. Titiang nunas
pengampura yening wenten kaiwangan rikalaning nyangkepin makalah puniki utawi
nenten manut ring kayun pangwacen soang-soang.

“Om Santih, Santih, Santih Om”

Singaraja, 10 Oktober 2021
Sang sane nyurat
 DAFTAR ISI

KATA PENGANTAR ........................................................................................... ii

DAFTAR ISI.........................................................................................................iii

BAB I PENDAHULUAN .......................................................................................1

1.1. Latar Belakang ............................................................................................. 1

1.2. Rumusan Masalah ........................................................................................ 1

1.3. Tetujon.......................................................................................................... 2

BAB II PEMBAHASAN ....................................................................................... 3

2.1. Teges Pewara lan Kepewaraan ..................................................................... 3

2.2. Soroh-soroh Pewara...................................................................................... 3

2.3. Polah Palih Pewara ....................................................................................... 3

BAB III PENUTUP ............................................................................................... 4

3.1. Kesimpulan ................................................................................................... 4

REFERENSI
 BAB I

PENDAHULUAN

1.1. Latar Belakang

Sinalih tunggil kawagedan mabasa Bali inggih punika mabaos(berbicaara).

Kawagedan mabaos sajeroning paplajahan basa Bali mateges maderbe kaweruhan
miwah kawagedan ngawedar ida utawi daging pikayunan nganggen basa bali sane
becik miwah patut (baik dan benar). Becik mateges nganggen pilihan kruna-kruna
sane lengut tur prasida nudut kayun sang sane mirengang. Patut, mateges mungguing
kruna-kruna sane kanggen sajeroning pidarta punika manut grnahnyane nganutin tata
anggah ungguhing kruna basa bali.
Genah mabaos Bali wenten kalih soroh inggih punika mabaos ring
forum resmi miwah mabaos ring pambyaran. Kalih soroh punika ngawinang
wenten basa pakraman miwah basa pasuitrayan. Basa pakraman inggih punika
basa basa Bali sane kaanggen mabaos ring patemon resmi, minakadi ring
paruman adat, upacara agama, ngajahin basa Bali ring kelas miwah dados pangenter
acara. Raris sane kabaos basa pasuitrayan inggih punika basa baline sane
kanggen mabebaosan ring pagubugan sarahina-rahina (sane nenten resmi),
minakadi para muride ngraos ring kantin sareng timpal-timpalnyane, para pegawe
kantoran ngraos ring ruangan masambilan makarya, para petani ngraosang toya
ring carike, miwah sane lianan.
Ring makalah puniki jagi ketelatarang indik polah palih dados pangenter
acara. Malarapan antuk punika dumogi materi sane ketelatarang madue unteng
pikenohnyane sane utamanyane sang sane maktayang ring sajeroning mabebaosan
lan nguningayang kepewaraan sane becik.

1.2. Rumusan Masalah

1. Napi teges pewara?
2. Napi soroh-soroh pewara?
3. Napi manten polah palih dados pewara?
1.3. Tetujon
1. Mangda uning napi teges pewara.
2. Mangda uning soroh-soroh pewara.
3. Mangda uning napi manten polah palih dados pewara.
 BAB II

PEMBAHASAN

2.1. Teges Pewara lan Kepewaraan

Pewara utawi pangenter acara inggih punika sang sane madue amongan
ngenterang acara ring panggung, pawiwahan, miwah acara acara sane siosan.
Ugrawakya puniki nganggén basa Bali alus, ngenter bebaosan sané madaging
dudonan acara sakeng ngawit ngantos panyineb. Pangenter Acara inggih punika
jadma sane ngwedarang indik dudonan acara ring sajeroning acara sane
kalaksanayang. Pateh sekadi makarya pidarta, ring sajeroning makarya teks
pangenter acara patut taler kaelingin tur kauningin.

Unteng pangenter acara nenten ja sios wantah sane nuntun rikala wenten
acara resmi utawi acar kanegaraan. Ring sajeroning kawentenan acara, acara sane
kabaktayang taler akeh. Wenten acara sane marupa hiburan, acara radio, acara
televise miwah acara seminar.

2.2. Soroh-soroh Pewara

Mawinan asapunika wastan pangenter acara taler wenten makudang –
kudang soroh sekadi :
a. MC (Master of Caremony) : Istilah pangenter acara puniki ketah kaanggen
rikalaning ngemargiang acara resmi utawi nenten resmi sekadi acara
hiburan.
b. Presenter (Host) : Istilah pangenter acara puniki ketah kaanggen rikalaning
ngwedarang acara ring televise.
c. Penyiar : Istilah pangenter acara puniki ketah kaanggen rikalaning
ngwedarang acara ring media radio.

d. Moderator : Istilah pangenter acara puniki ketah kaanggen rikalaning

ngwedarang acara pabligbagan.

2.3. Polah Palih dados Pewara

Yening selehin manut sang sujana maosang syarat dados pewara punika wenten
papat sane patut kauratiang inggih punika :

- Yening dados pewara punika patut madue suara/wirama sane becik utawi
nyaman yening kapireng olih anak akeh utawi nenten melengking lan
nenten dados rendah.
- Yening dados pewara harus percaya diri nenten dados gugup.
- Sadurung dados pewara mangda sang pewara punika polih mauruk inggian
naenin nyarengin minakadi wenten kursus.
- Yening dados pewara mangda ngauningin wentuk acara sane pacang
kabaktayang lan pastika sampun uning soroh acara napi sane jagi
kebaktayang.
- Ri sajeroning dados pewara iraga harus tetep tenang lan yening maktayang
acara punika iraga harus ramah.
- Yening dados pewara pastika iraga harus nganggen busana sane becik.

- Sang pewara nika keaptiang madue wawasan sane becik, inggian indik
basa, wawasan sane umum, taler wawasan sane ngeninin indik teori
pewara.
- Indik basa sang pewara punika keanggen nunjang keberhasilan pewara,
duaning ucapan sane tepat, sida jelas, taler pilihan kosa basa sane madue
variasi makamiwah penataan kalimat/lengkara sane efektif, punika kabaos
modal utama sang ngentarang acara mangda labda karya.
 BAB III

PENUTUP

3.1. Kesimpulan

Pangenter Acara inggih punika jadma sane ngwedarang indik dudonan acara
ring sajeroning acara sane kalaksanayang. Pateh sekadi makarya pidarta, ring sajeroning
makarya teks pangenter acara patut taler kaelingin tur kauningin. Lan wenten makudang
kudang polah palih yeming dados pewara inggih punika pastika iraga harus tetep
tenang, percaya diri nenten dados gugup. Ri sajeroning dados pewara mangda
ngauningin wentuk acara sane pacang kabaktayang lan pastika sampun uning soroh
acara napi sane jagi kebaktayang.
 REFERENSI

Sudiarta, I Made. (2020). Widya Sastra 3a. Denpasar : Tri Agung.

https://www.suara.com/lifestyle/2021/02/02/104756/4-tips-jadi-mc-atau-pembawa-acara-
yang-baik-untuk-pemula
http://widyajegeg.blogspot.com/2011/08/pidarta-basa-bali.html