PANGAKSAMA

Om Swastiastu,
Angayubagia majeng ring Ida Sang Hyang Widhi Wasa duaning majanten sangkaning
asung kerta wara nugrahan Ida mawinan anggota kelompok kunning prasida manyurat puisi
bali anyar sane mamurda “Lascarya” puniki.

Puisi puniki kasurat anggen ngelengkapin tugas kasusastraan bali lan madue tetujon
nambah wawasan indik kasusastraan puisi bali anyar. Puisi sane kasurat puniki, prasida
keanggen nglimbakang miwah ngelestariang kawentenan kasusuastraan bali.

Kelompok gadang ngaturang suksma ring pihak pihak sane sampun nyarengin
pengaryanan puisi bali anyar puniki. Angga kelompok Kuning ngangkenin mungguing
daging puisi puniki sapun janten kantun akeh kekiranganipun. Antuk punika sapasira sane
wikan ring wewidangan basa lan sastra bali mangda ledang ngicenin paweweh gumanti
benjang sastra sane kakaryanin prasida sayan becik.

Om Santih Santih Santih Om

Bangli, 25 Februari 2020

Kelompok Kuning

ii
 DAGING CAKEPAN
PANGAKSAMA i
DAGING CAKEPAN ii
SARGAH I PAMAHBAH
1.1 Latar Belakang 1
1.2 Rumusan Masalah 1
SARGAH II DAGING
1.1 Puisi Lascarya 2
1.2 Unsur Intrinsik Puisi 3
SARGAH III PAMUPUT
3.1 Simpulan 5
LAMPIRAN
4.1 Lampiran Poster 6

iii
 SARGAH I
PAMAHBAH
1.1Latar Belakang
Ring aab jagate sekadi mangkin kawentenan parikramane nyansan akeh. Nganutin
kawentenan punika, parikramane mangda presida ngalaksananyang sakancan ajah ajahan
sane becik. Punika mawinan sami prarikramane mapikayun nglanturang idep ipun ring
persaingan ring aab jagat sekadi mangkin. Mawit saking ajah ajahan punika sami pacang
maguna, sinalih tunggil mragatang masalah ring idupe puniki. Malarapan kawentenan ajah
ajahan sane anyar, jatmane nenten dados lali mlajahin ajah ajahan sane sampun sue.
Ring Bali, ajah ajahan punika akeh kamedalang ring akeh wangun, minakadi puisi,
tembang, prosa, cerpen, novel, miwah sane lianan. Punika dados bukti Baline akeh madue
sastra indik ajah ajahan. Nanging ring aab jagat kadi mangkin akeh parikramane lali ring
piteket sane wenten ring sastra baline.
Mawinan kewentenan punika, mangkin kelompok kuning pacang nyobyahang indik
unsur-unsur sane wenten ring puisi bali anyar sane sampun kakaryanin, inggih punika Puisi
sane mamurda Lascarya

1.2Rumusan Masalah
1. Napi sane kawatanin Puisi Bali Anyar?
2. Sapunapi Puisi Bali Anyar sane mamurda Lascarya punika?
3. Napi manten unsur-unsur intrinsik kriasastra Puisi Bali Anyar sane mamurda Lascarya?

4
 BAB II
DAGING
2.1 Puisi Bali Anyar
Puisi Bali Anyar inggih punika puisi sane sampun keni embas sangkaning ius saking
puisi Melayu sane mabasa Indonesia. Duaning asapunika, tata cara ngwacen puisi Bali Anyar
pateh sakadi ngwacen puisi nasional (Bahasa Indonesia). Wacanane nenten nganggen tembang
sakadi ngwacen puisi Bali Purwa.

2.2 Puisi
Lascarya

Lekad pedaduanan
Nyalanang hidup saling eling
Suka duka adung mesanding
Saling urati pang ten paling
Bagia sekadi nemonin suryane kangin ning

Suryane mesunar kuning sada makecing

Langite pelung tanpa ambu nyihnayang galahe
Tumbuh rasa seneng
Nyaksiang sekar ayu kuning ngrinying
Kelangen tiang ring sisin abing

Rikala lemahe magentos wengi

Suryane nyansan mekaon
Ngaseng kauh alon-alon
Karasa katingkeb langit mesemu gulem
Uyak linuh magejeran
Gununge sehasa makeplug
Tukad pasih magebyuran
Ngumpamiang pedih keneh tiange

Petenge nyansan alep

Lelep tiang ring tengahin pawisik guyu
Lakune becik makirig magedi
Ngugu sad ripu
Gradag grudug sing maunduk
Ngendah-ngendah ngutang lampah

5
 Disubane bengang bengong bingung
Timpale matilar ninggalin raga
Luntang lantung maseselan
Suka, duka, lara, patine kelangan suka
Ditu mara inget tekening nyama
Mebalik kori
Inget asah asih asuh menyama braya
Medasar lascarya

2.3 Unsur Intrinsik Puisi

a. Tema Puisi : Tresna Menyama
b. Murda Puisi : Lascarya
c. Alur : Alur Maju ring puisi
Ring puisi punika, kagambarang indik panyama brayaan sane becik, uug ulian
salah tampi. Wusan punika, maparilaksana iwang, nyakitin raga ngantos sungkan.
Disubane kawentenane kadi punika, wawu eling ring nyama.
d. Latar :
- Latar Genah :
1. Ring puri
2. Ring sekolah
3. Ring bidan
4. Ring genah suung
- Latar Dauh/Galah :
1. Semeng
Kacihnayang rikala ring puisi wenten carik masuara
“nemonin suryane kangin ning”
2. Tengai
Kacihnayang rikala ring puisi wenten carik masuara
“Suryane mesunar kuning sada makecing
Langite pelung tanpa ambu nyihnayang galahe”
3. Wengi
Kacihnayang rikala ring puisi wenten carik masuara
“Petenge nyansan alep”
- Latar Suasana :
1. Sebet
Kacihnayang rikala ring puisi wenten carik masuara
“Ngumpamiang pedih keneh tiange”
2. Liang
Kacihnayang rikala ring puisi wenten carik masuara
“Bagia sekadi nemonin suryane kangin ning,
Tumbuh rasa seneng
6
 Nyaksiang sekar ayu kuning ngrinying”
3. Gedeg
Kacihnayang rikala ring puisi wenten carik masuara
“Uyak linuh magejeran
Gununge sehasa makeplug
Tukad pasih magebyuran”
4. Bingung
Kacihnayang rikala ring puisi wenten carik masuara
“Disubane bengang bengong bingung
Timpale matilar ninggalin raga
Luntang lantung maseselan”
- Majas/Gaya Basa :
1. Hiperbola
Kacihnayang rikala ring puisi wenten carik masuara
“Karasa katingkeb langit mesemu gulem
Uyak linuh magejeran
Gununge sehasa makeplug
Tukad pasih magebyuran”
- Amanat/Piteket :
1. Sapunapi je kawentenane menyama, patut tetep eling ring nyama, ring suka utawi
duka
2. Sampunang elah kakenenin pengaruh sane nenten becik
3. Nyalanang idup manyama braya patut saling percaya, sampunang ulah ulah salah
tampi yening wenten masalah.

7
 SARGAH III
PAMUPUT
3.1 Cutetan
Saking panyobyahan sane sampun wenten ngenenin indik silih sinunggil karya
kesusastraan bali, inggih punika puisi bali anyar. Prasida kecutetang indik Puisi bali anyar
prasida kaanggen nekedang piteket ajah ajahan dharma ring sajeroning nyalanang idup. Sekadi
puisi sane mamurda Lascarya ngambarang rasa tresna manyama, puisi punika sarat pisan ring
ajahan darma. Piteketnyane nyaratang mangda tetep eling ring sasuluh manyama braya. Ngawit
ngaryanin puisi bali anyar, iraga prasida nyaga lan ngelestariang kawentenan sastra lan budaya
baline mangda presida nganutin kawentenan aab jagat sane mangkin