Sasadara huwus panglong iki / Parandene mancorong baskara
Sumelet kelet panase / Kabeh wong padha bingung Salang tunjang angkara sirir / Ananging kang pinanggya Geni mulad murub / Bumi bengkah luru tumbal Tan kawilang kehing layon nggondhol tangis / Nuswantara kantaka
Dhuh, dhuh, adhuh Risang Maha Yekti
Abdi muja konjuk Maha Wikan / Krama galana hambeke Mulat karuganipun / Bumintara kawula dasih Tuwahing lampah tama / Kawarna pra luhur Lumembat sang sinatriya / Tentrem ayem tata titi kuswa rukmi Mandhireng mulya jaya
Punapa ta badhe klampah malih / Pralayane
prabu Dharmawangsa Tanapi sirna ilange / Majalungga karuhun Mawut ambyar talining asih / Putra anglaga bapak Kadang dados satru / Sadayanipun punika Krana polah wiyasaning gatra wangsi / Angugung durangkara Kang kajangka dening pra winasis / Nagri mami kalungge sapendhah
Wong jawa ilang jawane / Nyingkur pepakon luhung
Wusanane ibu Pratiwi / Rumaos yen katilar Datan den pailu / Dhuh Gusti Sang Murbeng jagad Mugi krenan paring lejar lan udani / Dhumateng abdi nDika Nadyan amba wus kamuksan jati / Kapiyandhem satuti ngastawa Maring napi kula wngse / Ndeek angudar simpul Kinthung silung kapugut yekti / nanging abdi paduka Jalma punggung cubluk / pramilanta nyuwun wucal Kados pundi lampahing pambudi / sumangga mawarsita
Sinom
1 . Ingsun pranataning jagad/ maha welas maha asih
Tanpa wates tuhu tresna / tumrap titah kang ngabekti Lan setya angugemi / marang angger dhawuh Ingsun Fhuh nguni Ingsun serat / ing watu loh cacah kalih Sun paringke marang Musa dhutaning wong
Panyuwun umat Ingwang / Nuswantara bakal bangkit Tandane jaman iki / timbul titah sipat rasul Sumrambah ing bawana / kanthen asta ngesthi Gusti Tanpa pamrih ider warih tirta marta